AHOLE 16:6 - Sumi Naga CL (Re-edited) Bible (BSI)

⁶ Iqemokeu kikimiye ngo pükhükulu vecheo axine pevetsü cheni, eno Ampeu sükümsa vecheo alhoksa lono tsüghülu cheni.

BAIBEL (BSI)

⁶ Qhoqhu eno pukhukulupu shilo eno Alhou no oxine qhivetsu nani. AMPEU ghokulu shilo eno olau alhoksapu shimo nani.

AHOLE 16:6 Referans Kwoze

AHOLE 14:16

Alokütsümi ye tsükhüi shi alhoksa lono tsüghüve cheni, ikemu mbomzümi ye lolhülo eno jukuto chemoe.

JOB 28:28

Pa no timi vilo pi, ‘Ampeu sükümsa no alokütsüe, eno alhoksa lono tsüghüve keu no vethakulu ke.’”

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

DANIEL 4:27

Ikehu, O akükau, I kükümsü o lau ikhikulupu shitsülo: achipiu mikucho pape keu vecheo o xine phevelo, eno aghime no qhasüpe akeqo lau kikimiye pephe keu vecheo ow küsaküghaqo phevelo, tishiaye ow küakini ye pepushu luvike.”

Luke 11:41

Ikemu alou no ipeghi püzü kumlhomi tsülo, eno julo, nongu ghenguno thokha mithe ani.

AHOLE 14:27

Ampeu sükümsa ye aküxü züpuki, tipau vecheo akithi lichhe lono pojolu nani.

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

AHOLE 20:28

Kikimiye ngo pükhükulupu no akükau püxüpe qhicheni, eno pa kükalakhü ye iqemokeu kikimiye no choqhe cheni.

Apostolmi 15:9

eno aküpülü vecheo pano mlo shikimthe tsüno ningu ngo panongu dolo kiumu kothakile keu shitsü moe.

NEHEMIA 5:15

I züu angh shi ighi keqo no timiqo shou shishe amakho bepüaghi eno panow tsalakipe chuqupu ghenguno timiqo launo atsala lo ghükayi ahu tüxa lu cheghi. Panongu qemi thotsü timiqo qhasüpe ache. Ikemu ni ye Alhou sükümsa ghenguno titoi shimoe.

NEHEMIA 5:9

Ikehu I no pi, “Nongu no kiu shi ani keno küqü ani. Ni ghümi no ni thaigha pemoni ke nongu ye ni Lhou sükümsa lono chekepue.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

Ephesiami 5:21

eno lakhino lakhi lau Khristo gihu keu michishi qhoqhü kilelo.

John 15:2

I loka khijehi axathi pithi moni keno Pa no micheve cheni eno axathi pithikeu loka kümtsü alau pithi penike Pa no kixiphe cheni.

LESHELE 85:10

Iqemokeu kikimiye ngo pükhükulu ye kusholu cheni; achipiu mikucho ngo külakishi ye kümüma kilelu cheni.

BOTHUBO 20:11

Abraham no pi, “I no tishive keu ye ishi kümsülu kehue, ‘Hipa-a lo ye Alhou sükümsa küha mithe, eno panongu ye I nipu ghenguno I heqhive nanie.’

IPEKULU 1:17

Ikemu jukupunumi pama ye Alhou msave eno Egypt kükau no pama azah tsü ketoi shimove, eno kiptimiqo pelo xülupe.

IPEKULU 20:20

Moses no timiqo vilo pi, “Msa kevilo, kughengu Alhou ye nongu pejuni ye ighi ani, tishikeu lono nongu lolo Pa sümsa keu apeniye ke, tishianguno nongu no axine shimo nani.”

AHOLE 3:7

O likhi nou no alokütsüu shi kevilo, Ampeu sümsalo eno alhoksa lono tsüghüve lo.

AHOLE 16:5

Amlo lono qhezalaki kemi Ampeu no aphimqhü cheni, panongu ye ghime moveni keu kumo kepi thebei ithilo.

ACHINE 25:17

Lakhino lakhi lau akumou shimoni, ikemu nongu Lhou msalo, kughengu Ni ye Ampeu nongu Lhou ke.

ZAKINIU 30:13

Momu ti ye azüghi tüxau ani püzü, ‘Nino ti chilu no papeni kehu khuu no ni züqhushi azüghi katha wuno süghi tsüni kea?’ ipi kepu vehu kumoe.

AHOLE 3:3

Iqemokeu kikimiye ngo pükhükulu no o qhivepe kevilo; o kuo veho tsüghapu lulo; o mlo tu lo tipaqo yepuku lo.

AHOLE 14:2

Khunono müzüchoi xücheni keno Ampeu sümsa cheni, ikemu mqümgha shiche kemi ye Pa jukünatha cheni.

DANIEL 4:24

hekupho hu ye hike, O akükau: Hi ye Shishe Akiqheuw xaküthaza lakhi I mpeu akükau lau ighivae,