AHOLE 15:9 - Sumi Naga CL (Re-edited) Bible (BSI)

⁹ Kixikilami laghi ye Ampeu zülo aphikümqhüpue, ikemu Pa no achipiu mikucho phukemi kimiye cheni.

BAIBEL (BSI)

⁹ AMPEU ye alhoksami laghi mithike ikemu khunono achipiu shicheni keno tipaqo kimiye cheni.

AHOLE 15:9 Referans Kwoze

1 Tim. 6:11

Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

AHOLE 21:21

Khunono achipiu mikucho eno kimiyeqhiyi keu phucheni keno aküxü kivi eno agigihupu phulu nani.

MATTHEW 7:13

“Kibikhoi keu khagho lono ilolo. Kughengu ililai keu khagho eno mlalei keu la ye kütsakungo keu lo sawuve cheni, eno kutomo no tipa laghi lono ilo cheni.

HABAKUK 1:13

Ow tsüghükhüi keu nhethi ye alhoksa eno akumou shou jupukulu chemoke kushiye thekuchumi shou inaqhoi jupuku, eno küsaküghami no pa nguno amikuchomi munove kelo iqünhei ngove cheni kea?

HOSIYA 6:3

Ningu pükapütsa no Ampeu ithini nolo; Pa ipeghini keu ye tsüküvü toi mtsüqhei ke; tsülü tusho tsütsüghu no ayeghi vapütsü keshi Pa no tsütsüghu toi ni lau ighi nani.”

JEREMIYA 44:4

Ikeghi I no nongu lau ishokibe I qemi tungkupmi puwu no pi, ‘O, I no mithi chekeu aphikümqhüpu hipaqo shi kevilo!’

2 Tim. 2:22

Ikehu alhothe lo minemighei keu launo putosü lo eno amlo kimthe lono Ampeu kuche kemi gholono amikucho, aküpülü, kikimiye, eno aloinokeu phulo.

ISAIAH 51:7

“Nongu achipiu-mikucho kiu keno ithi akeqo, nongu mlo lo I yezah ache kemi timiqo, I tsa inilo; timi no nongu sakiyini keu msa kevilo, momu panongu no nongu thaigha keu aghüthisü kevilo.

ISAIAH 51:1

“I tsa inilo, nongu achipiu-mikucho phuche keqo, eno Ampeu phuche keqo: atuqu eno atu kuchhuki khileno nongu chitha phelu keno, tipaqo kümsü julo.

ISAIAH 26:7

Amikuchomi laghi ye müdüniyi; Nono pano laghi külaqa tsüke.

AHOLE 21:8

Pimive kemi laghi ye ihoghülaie, ikemu amlo tsüghükhüi kemi küxü ye müzüchoi ke.

AHOLE 21:4

Tsütsüngoju keu nhethi eno aqheküza mlo ye kixikilami kulu, ti ye axine ke.

AHOLE 4:19

Kixikilami laghi ye aküzü kutho toi, pano ye kiu küpxalu ani keno ithi chemoe.

LESHELE 1:6

kughengu Ampeu no amikuchomi laghi ithi ani, ikemu kixikilami laghi ye pühave nani.

ZAKINIU 7:13

Pa no nongu kimiye, kümghatsü, eno kughuko tsü nani. Pa no nongu puasüqo lau tushoqhi keu yeghi lo nongu polo kughukomi kümghatsü nani, eno no luza lo axathi, athi, atsaizü, eno thazü kümghatsü nani, now amishi eno ambe loji lo atiqo kughuko tsü nani.

LESHELE 139:24

Eno I lolo kixikila kiukiumu aghini mala jutsülo; eno lhokta laghi lo I sawulo!

AHOLE 8:13

Ampeu sükümsa kiqi ye alhoksa mithini keu ke. Ni ye aqheküza, akülaki, eno alhoksa laghi ngo sabideve keu tsapi mithi cheni.

AHOLE 15:10

Achipiu laghi pheve kemi ghenguno aghime kije ani, khunono shikümzü keu mithi cheni keno thi nani.

LESHELE 5:5

Aqheküzami ye O nhethe lo puthugho mlae; küsaküghami kümtsü Nono mithie.

LESHELE 11:7

Kughengu Ampeu ye amikuchoe; Pa no amikucho kümla kimiye cheni; amikuchomi no Pa gi ithulu nani.