AHOLE 15:31 - Sumi Naga CL (Re-edited) Bible (BSI)

³¹ Aküxü kütsü shi shikümzü kelo chilu aye alokütsümi gholo xünani.

BAIBEL (BSI)

³¹ Kughono oshikumzukeno nono amlo tsuqhiyi shi aye noye alokutsumike.

AHOLE 15:31 Referans Kwoze

AHOLE 15:5

Mbomzümi no papu kükütsütsa jukünatha cheni, ikemu kümsükulumi no sakiyi keu ikhilu cheni.

AHOLE 25:12

Pujushijuve kemi kükütsütsa no ini nishi akemi kini lo ilolu keu ye ameshoyi nguthi momu achila toike.

AHOLE 19:20

Mijekütsü ini eno akükütsütsa ikhilu lo, tishikeu lono no ye hithiu alokütsü ithiküphalu nani.

AHOLE 13:20

Alokütsümi gholo kuloji kemi ye alotsüve cheni, ikemu mbomzümi gholo kichemi ye aghime sholu nani.

AHOLE 1:23

I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

1 John 2:19

Panongu ye ni gholono ipeve kemi, ikemu azüu nomu niqomi kumoe, kughengu niqomi keaye ni gholo kuloji aghini cheke. Ikemu panongu no ipeve keu lono pano ye niqomi kumo kepi mtsüqheive peniye ke.

ISAIAH 55:3

O kini kughopuwo lo eno I lau ighilo; Inilo tishianguno o ngulho ye xülu nani; eno I no nongu sasü shekhaha puloshoqhi shini, eno Iw iqemokeu kikimiye David shou akeu nongu tsüni.

AHOLE 15:30

Agi küvü huno amlo lopiqitsü cheni eno asütsa kivi no aghi anhü shipüxü tsü cheni.

AHOLE 15:32

Akükütsütsa jukümghaleve keu ye pa ampi thogha ani, ikemu shikümzü kelo ikhilu keu ye alotsü kithe nani.

AHOLE 18:15

Aqho-aji tsüghükhüi kemi mlo eno alokütsümi kini no akighithi ithi küphalu cheni.

YETSAPIU 7:5

Mbomzümi lephe ini akepu ye alokütsümi no sakiyi keu ini akeu pavie.

AHOLE 13:18

Akükütsütsa milive kemi sala ye athokha eno akukujo, ikemu shikümzü keu ikhilu kemi ye agigihu tsücheni.