AHOLE 15:3 - Sumi Naga CL (Re-edited) Bible (BSI)

³ Ampeu nhethi ye a-a kümtsü lo alhoksami ngo akivimi jukuto acheni.

BAIBEL (BSI)

³ Khile khileno kiukiu shiaghi namu AMPEU no ithulu ani; akivi mula ani keo alhoksa mula anikela paye ningu jukuto ani.

AHOLE 15:3 Referans Kwoze

IBRIMI 4:13

Alhou no lhosü keu kiumu pesü küsüve mlae, ikemu ningu no khuu lau kihikülai tsümasa nani keno, Pa nhethe loye kümtsü lhaphepe eno pekipheshi ani.

JEREMIYA 16:17

Kughengu I nhethi no pano laghi kümtsü shou ani. Panongu ye I launo itshüve mlae, momu pano xine ye I launo küsüve mlae.

JEREMIYA 23:24

Timi lakhi ye I no pa ithumla kepushi tuqhou-a lo itshülu nanio? ipi Ampeu no sheshu. I no atsütsü eno ayeghi shepichhi ke kumo keshea? ipi Ampeu no asheshu.

YEKIKITHI AKINIU 16:9

Khunono Ampeu lau tukutiye küha no acheni keno Pa ye akumtoshi tipaqo kuphuni ke ayeghiqha kümtsü thebei jukuto acheni. No ye hipau lo anikha shivae, tighenguno hinguno hilau no ye aghüshi cheniae.”

AHOLE 5:21

Kughengu timi küxü ye Ampeu zülo ithulu püqai, pa laghi kümtsü Pa no jukuto acheni.

JOB 31:4

Pa ye I laghi ithulu eno I pukhu nepa kümtsü kihi chemo keshea?

JEREMIYA 32:19

Ow kichekütsü ye kije eno O kümla ye akughushu, O nhethi no timi tianuli laghi kümtsü jukuto acheni, lakhikhi laghi eno pa kümla kiqi lono asaxü tsücheni.

JOB 28:24

Kughengu Pa no ayeghi shekha kuto jupuwo no atsütsü qholo akeu kümtsü ithulu cheni.

AHOLE 15:4

Akümtsha mili ye aküxüpu sübo ikemu ti tuchighive keu no anguagha kütsave tsü cheni.

ZEKHARIA 4:10

Kughengu khunono akikishi lo ajuichemo kepi aghüthisü akeno alovive nani, eno Zerubbabel u lo akimghitu ithulu nani. “Akulu tsüni hipaqo ye Ampeu nhethi ayeghiqha kümtsü shou jupuku achekeu ke.”

JOB 24:23

Pa no sükusho pesü tsükeu lono panongu ye mtotoi luvi, ikemu Pa nhethi no pano küxü jukuto acheni.

LESHELE 33:13

Ampeu no kungugha lono jupiqi ani; Pa no timi nuli kümtsü ithulu cheni;