AHOLE 15:23 - Sumi Naga CL (Re-edited) Bible (BSI)

²³ Achipishi khochile keu ye timi lokivipue eno aghuloki kiqi lono atsa achipiu pilu keu ye kiutoi akivi kelae!

BAIBEL (BSI)

²³ Aghuloki kiqi lono atsa ghi achipiu phulu keaye kiutoi alokivipu kela!

AHOLE 15:23 Referans Kwoze

ISAIAH 50:4

Ampeu Alhou no tsaqüi khuno qoputhuve akeno tipano mili pesü I tsüvae, tishianguno I pelo akulho shive kemi shikumtolu peniye ke. Inaqhe atsütsü Pa no I pelo tsaqüi qoputhuve kemi toi chilu peniye I küda cheni.

Ephesiami 4:29

Shiküpsapu tsa ye nongu kichi lono piphe kevilo, ikemu atüqhüdo kiqi lono shiqhe kilelu kepu tsa akivi likhi pilo, tishianguno chikulumi no kümgha keu shilu nani.

AHOLE 12:14

Milakhi saxü ye pa kichi lono pikeu shou bepe ani, milakhi no mla püakeu ye pa lau ideighi cheni.

AHOLE 16:13

Amikucho mili ye akükau lopue, pa ye khunono achipi tsa pini keno pano kimiye cheni.

AHOLE 24:26

Kuchou khokichile tsü chekemi ye agimuchu müma tsü nani.

YETSAPIU 3:1

Thokha ghenguno atusho acheni, eno atsütsü qholo avehu kümtsü ghenguno ado acheni:

AHOLE 15:22

Mijekütsü küha kelo akukughu kümtsü tomove cheni, ikemu mijekütsümi kutomo akeu lono tolu cheni.

JOB 6:25

Amikucho tsa ye kiutoi sakütü kelae! Ikemu nongu tsapi lo shikümzülu kepu kiu ani kea?

AHOLE 12:25

Amlo lo kütakihi keu no timi qaqhive cheni ikemu atsa kivi no pa mlo vepiqitsü cheni.

AHOLE 16:24

Küpüqhiyi keu tsa ye akhingozü toi angulho ghenguno ngonyi eno aphimpi ghenguno akumto ke.

John 1:37

Akhopemi pama no ti chilu püzü Jisü pape wuve.

John 11:29

Kughou Mary no ti chilu keno, li no mtazü ithuve no pa lau wu.