AHOLE 14:31 - Sumi Naga CL (Re-edited) Bible (BSI)

³¹ Kumlhomi nedaqoda kemi ye pa Lhoküsüu thogha ani, ikemu aveküsami tsü-jelu keu ye Ampeu gihu ani.

BAIBEL (BSI)

³¹ Nono kumlhomi qhasu cheni aye tipaqo lhokeu Alhou thaigha anike ikemu kumlhomi tsu jekeu ye Alhou mllakeu kumla shianike.

AHOLE 14:31 Referans Kwoze

AHOLE 22:2

Kinimi ngo kumlhomi dolo kimshilu chekeu ye hike: Ampeu no pama kinikujo lhoke.

AHOLE 22:16

Küakini kughuko niye kumlhomi nedaqoda, momu tughotili pesü kinimi tsü chekemi ye kumlhomiu shi nani.

AHOLE 17:5

Kumlhomi shikujo kemi ye pa Lhoküsüu thaigha ani, amhekiqi sholu kelo alovi keu ye ghime moveni keu kumoe.

AHOLE 19:17

Ililai kumlhomi tsü-je kemi ye Ampeu püna ani, Pa no tipau ghenguno lochile nani.

1 John 4:21

Ningu no Alhou launo azakütsü ithulu keu ye hike: khunono Alhou kimiye cheni keno pa thiküzümi ghi kimiye masae.

YETSAPIU 5:8

Yepeka no kumlhomi nedaqoda eno kuchou xakütha ngo achipiu hexave keu nono ithulu kelo akümza kevilo, kughengu kijemi tipau ye pa nguno akijeu no pa juani, eno panongu shou itaghi akijeu aphike.

LESHELE 12:5

“Kumlhomi pükaqhi, aveküsami no aghuju shi kehu, Ni ye itehi ithughi niae,” ipi Ampeu no pi; “Pa no khile sükusho laju cheni keno I no tile pa sawo qhini.”

John 12:8

Kughengu kumlhomi ye alhokuthu nongu gholo anani, ikemu ni ye alhokuthu nongu gholo ani chemoe.”

AHOLE 14:21

Akisüghümi jukünatha chekemi ye axinemie ikemu süchile mono kumlhomi tsülu keu ye akümghapue.

ACHINE 25:17

Lakhino lakhi lau akumou shimoni, ikemu nongu Lhou msalo, kughengu Ni ye Ampeu nongu Lhou ke.

ZAKINIU 24:14

“Kumlhomi aqe kiqemi, ti ye Israelmi na, no phughi lo kachenami namu sapüsa moni.

JOB 24:4

Panongu no kumlhomi kopheve cheni; ikehu kumlhomi ye msa kelauno itshüwu khave cheni.

AHOLE 28:8

Akighishe lono küakini kughuko chekemi ye kütami khuu no kumlhomi tsü-je cheni keno pa ghenguno pekike tsüani.

ACHINE 25:35

“No thiküzümi no kumlhomi shive no apo qemlave aye, pa ye inaghami eno kachenami lakhi toi nono pa tuchoni, eno no gholo xüni.