AHOLE 12:28 - Sumi Naga CL (Re-edited) Bible (BSI)

²⁸ Amikuchomi laghi ye aküxüpue, eno tipau la loye akithipu kühae.

BAIBEL (BSI)

²⁸ Amikuchoye akuxupu laghike, kixikilaye akithipu laghike.

AHOLE 12:28 Referans Kwoze

3 John 1:11

I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.

Rommi 5:21

ikehu, axine no akithipu lo ayepe ketoi, küpükini no Alhou mikucho vecheo ni Mpeu Jisü Khristo küdau no lhokta küxü tsünike ayepe nani.

AHOLE 11:19

Amikucho shiniye amlo iqemo kemi ye xülu nani, ikemu khunono alhoksa phuni keno thinani.

1 John 3:7

Atianuliqo, khunomu nongu pishiqhipe kevilo. Khukhumu achipiu-mikucho pesü xüche kemi ye Khristo no amikucho kehu pa ghi amikucho ke.

1 John 2:29

Tsala nongu no Khristo ye amikucho kepi ithi aghi aye, achipiu-mikucho pesü xüche kemi kümtsü Alhou nuli kepi nongu no thebeilu nani.

EZEKEL 18:9

I zakütsü pape, eno pükhükulu shi mlaitha keu vecheo Iw pimheye pape aye, pa ye amikuchomi; pa ye mtsüqheino xülu nani ipi Ampeu Alhou no asheshue.

AHOLE 10:16

Amikuchomi jume ye aküxüpu lalo sawu cheni ikemu kixikilami no ala shilu keu huno axine lo sawuve cheni.

AHOLE 8:35

Kughengu khunono I phuluni keno aküxüpu phuluvae eno Ampeu mlokiqipu shivae,

ZAKINIU 30:15

“Julo, ishi tsala lo I no nongu zülo aküxü ngo akivipu, eno akithi ngo alhoksa qhitsü ani.

AHOLE 9:11

Nongu küxü mpe ye I vecheo küghüsülu eno küphalu nani.

ZAKINIU 32:46

pa no pi, “Mtsüqheino nongu ye ishi tsala lo I no azah hipaqo nongu tsükeu amlo lo süpulo, Tishino no tianuli vilo hipaqo pesü kütülo, tishianguno panongu pelo amikucho shi Ayezah hi kümtsü papelu peni.

JEREMIYA 21:8

“Timi hipaqo vilo pilo: ‘Ampeu no ishi piani: Jualo, I no nongu zülo aküxü ngo akithi laghi qhitsü ani.

ZAKINIU 30:19

Ishi tsala lo I no nongu zülo aküxü ngo akithi, kükümgha ngo müsüini keu qhitsü ani, eno atsütsü ngo ayeghi pelo thopi shipenike küsü ani. Tighenguno aküxü kishelu lo, tishianguno nongu eno no polo kughukomi ye xülu nani,

AHOLE 10:2

Küsakügha laghi lono akini ithulu keu ye ala kühae, ikemu achipiu mikucho no akithi lono xaphelu cheni.