AHOLE 10:3 - Sumi Naga CL (Re-edited) Bible (BSI)

³ Ampeu ye amikuchomi pelo müzüthivepe chemo, ikemu Pa no kixikilami kimne süchile luvetsü cheni.

BAIBEL (BSI)

³ AMPEU ye timi kivimi pelo akhuava shiapemo nani, ikemu kixikilamino lunishiakeu pano suchilepe qhive nani.

AHOLE 10:3 Referans Kwoze

LESHELE 37:25

Ni ye lhothemi shiche no itehi ye kitemi shivae, ikemu amikuchomi pheve keu momu pa tianuli no khuchu cheghi keu ni ye ithulu mphie.

LESHELE 37:3

Ampeu pükhü lo, eno akivi mla lo; no yeghi lo küghüna no pükhükulu sasü shou-pau shilo.

ZEFANIA 1:18

Ampeu loghu tsalani panow ghükayi momu ameshoyi nomu panongu xalu kepu shimo nani. Pa nhekushu mi lono ayeghiqha kümtsü pitileve nani; ayeghi lo küami ghenguno Pa no züleno thokha kishekhave tsü nani.

LESHELE 37:19

alhoksa ghuloki lo panongu ye akukujo lo ilove pemo nani; püqümiye ghuloki lo panongu ye kupukuno shi anani.

LESHELE 33:19

tishikeu lono Pa no akithi lono pano ngulho xaphelu eno püqümiye ighi kelo panoqo püxülu cheni.

JOB 5:20

Püqümiye ighi kelo Pa no akithi lono o xachilelu nani, eno aghüshi lo azüta angu kumto lono o xachilelu nani.

Luke 12:31

Tishini ke züqhulo, Pa yekipeu phuluve lo, eno thime hipaqo pesü nongu lau küphatsü nani.

ISAIAH 33:16

pa no qhemghaike-a lo xü nani; atuqu liwo no pa sükusho-a shi nani; eno pa sala chuqu-kusho ye püqüve mo nani.

AHOLE 14:32

Kixikilami ye pa lhoksa kümla no pa xakuluve cheni, ikemu timi kuchomi ye pa kithi lo ghi sükusho acheni.

LESHELE 112:10

Kixikilami no ti ithulu no amloide ani; pa ye ahu tsüghü no hauve cheni; küsaküghami no lajuqhiyi achekeu ye pühave nani!

JOB 20:28

Pa küakini aghike thaqhü ye züqozü no pewuve keshi, Alhou loghu tsala ighi kelo qhoi sünhe sawuve nani.

LESHELE 10:14

Ikemu No ye ithulu ani, aveküsa eno aghime Nono kihi ani, tishikeu lono Nono O u lono ikhilu niye ke; akukuphu küha kemi no O lau pa ampi kulhuqhi tsü; Nono mighimi kukuphuu shi ighivae.

AHOLE 13:25

Amikuchomi ye ililai pano müzü-tüghü ghapiqilu cheni, ikemu kixikilami kive ye alhokuthu müzüthi acheni.

AHOLE 28:9

Ayezah tsa ini mono tsüghüve aye pa kighiniu ghi Ampeu zülo aphikümqhüpu ake.

AHOLE 28:25

Alakimnemi no kuqhumo keu huthu cheni, ikemu Ampeu shou pükhübe kemi ye kinikülü heshetsü nani.

JOB 15:23

Pa no akuaqha lo achuqupu phuwu cheni, Aküzü tsala ye pa milepe ngovae pi pa no ithi ani;