AHOLE 10:21 - Sumi Naga CL (Re-edited) Bible (BSI)

²¹ Amikuchomi tsapi no timi kutomo lojilu cheni, ikemu mbomzümi ye kümsükulu küha kehu thive cheni.

BAIBEL (BSI)

²¹ Timi kivimi tsaye timi kutomo vehupu kighishe tsu cheni ikemu mbomzuno olikhi opithive kepu shi nani.

AHOLE 10:21 Referans Kwoze

HOSIYA 4:6

Iw timiqo ye akighithi mikheke ghenguno kütsavae; kughengu nongu no akighithi milive ke, I chinemi shipe monike I no nongu milivae. Eno nongu no nongu Lhou yezah kümsümave akeke Ni ghi nongu tianuliqo kümsümave nani.

AHOLE 17:16

Kushiye mbomzümi lakhi ye kümsükulu küha keghi pa u lo pisa pesü alokütsü qhüniye shicheni kea?

MATTHEW 13:19

Kughou khuana no Ayekipe Tsa chilu püzü ithikuthu moveni keno, alhoksau no ighi no pa mlo lo yisü mlano akeu piti süxape wuve cheni. Hi no khikhi alaphe lo vesülu keno apiti huke.

AHOLE 1:29

Kughengu panongu no akighithi mithi eno Ampeu sükümsa kishelumo,

AHOLE 15:4

Akümtsha mili ye aküxüpu sübo ikemu ti tuchighive keu no anguagha kütsave tsü cheni.

AHOLE 5:23

Pa ye alikhi aghasükulu kühakeu lono thive cheni, eno pa ghüzü kije ghenguno pa ye ala vepimive cheni.

AHOLE 5:12

eno ishi pi nosa, “Ni ye kishita akükütsütsa milive eno sakiyi keu jukünathave kelae!

AHOLE 1:31

tighenguno pano no xüchekeu kiqi lono axathi xolu nani, eno pano no kuchughu chekeu huno pano kive pichhitsü nani.

JOB 23:12

Ni ye Pa no piqhikeu zakütsü qhive mphi; Pa no pikeu tsa no I chuqupu nguno akughupu shicheni.

JEREMIYA 15:16

O tsa phulu kelo I no chuve, eno O tsa no I lopivi tsüno I mlo züküvüpu shitsüe, kughengu O je lono I kulue, O Ampeu, aqokitikhi Lhou.

AHOLE 12:18

Chokilhemi tsapi ye azütakikihi pesü chuxuqhi keshi, ikemu alokütsümi mili no shipivilu cheni.

1 Peter 5:2

Alhou mbeloji nongu gholo akeu khekuto lo, tsüikhomo pike ghenguno kumono Alhou no nongu pelo shipenishi keu gholau no puloniqhiyi shilo; ala shiluni ke ghenguno kumo ikemu azükini shi qeni keu mlo xapulo;

Rommi 1:28

Panongu no Alhouw kuchou ghili ithini keu pulomo keke panongu pelo shimo kepu shiauve peniye Alhou no shiküpsapu pe pano kükümsü shipuqove tsü.

JEREMIYA 3:15

“‘I no I mlokuchuu ambekhemi nongu tsüni, panongu no akighithi eno vethakulu pesü nongu loji nani.

LESHELE 37:30

Amikuchomi kichi lono alokütsü tsa picheni, eno pa mili lono kuchou xakütha picheni.

MATTHEW 12:35

Timi kivimi ye küakini pekütsü püake toi pano xülo akivi pephe cheni, ikemu alhoksami ye alhoksa pekütsü püakeu lono alhoksa pephe cheni.

AHOLE 6:32

Khuu no shupu-salha cheni keno, pa ye kümsükulu küha; eno pa likhi pa kütsave cheni.

AHOLE 10:11

Amikuchomi kichi ye aküxü züpuki, ikemu kixikilami milibo qholo kütsakungo keu küsüpüa cheni.

AHOLE 1:32

Kughengu mbomzümi ye alokütsü milive kelono thive cheni; eno pano kuchhoma no pano kütsave cheni,

AHOLE 5:2

tishianguno no ye kimchikulupu kighithi pelu nani, eno o kichi lono akighithi tsa pilu nani.

AHOLE 15:7

Alokütsümi kichi lono akighithi veküphalu cheni thono mbomzümi mlo lono kumoe.

YETSAPIU 12:11

Alokütsümi tsa ye ambekhemi küsü lo ayi mtsüsüi keu toike, ahole pekütsü püakeu ye ayishu tsatsai yesü püake toike. Tipaqo ye Ambekheu lakhi launo ighie.

ISAIAH 5:13

Ikehu Iw timiqo no vethakulu kühave kehu panongu ye akughu lo wucheae; pano gholo ajuaje küami no akhüava shi ani, eno aqokitikhi no atüghü no qhai ani.