AHOLE 1:23 - Sumi Naga CL (Re-edited) Bible (BSI)

²³ I no sakiyi kelo nongu no tsüghü ighilu aye, julo, I no nongu shou I ghungu lepuku tsünani; nongu pelo I tsa ithilupe nani.

BAIBEL (BSI)

²³ Kughou ino nongu pelo shikithelupe niye sakiyini keno niye akukutsu kivi nongu tsu nani eno ikighithi nongu sasu kusaje nani.

AHOLE 1:23 Referans Kwoze

EZEKEL 33:11

Panoqo vilo pilo, I no xüake toi, Ampeu Alhou no asheshu, Ni ye kixikilami kithi lo aloqi chemoe, ikemu pa pelo pa laghi lono tsüghü luve no xülu penishie; tsüghü ighilo, now kixikila laghi lono tsüghüve lo, kughengu O Israel kibolomi, nongu ye kushiye thiveni kea?

Apostolmi 3:19

Tighenguno xaidelo, eno nongu xine nuxave tsü penike tsüghü ighilo,

JOYIL 2:28

“Ado hami thiu I no timi kümtsü shou I Ghungu lepuku tsü nani; no tianuli kiptimi totimiqo no tungkupu tsa pi nani, now muchomiqo no asamo pumo eno lhothemiqo no kungunhetsü ithulu nani.

ISAIAH 32:15

Ni shou Aghungu lepuku tsümoke kutolo eno asayeqha no aghüma luza ilhouve no aghasü kimihi shimoke kutolo titoi anani.

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Luke 11:13

Tishiaye, nongu alhoksami thotsü kishi agho kivi pesü no tianuli tsü kepu keno ithi aghi aye, kungugha lo Apu ye tinguno alau khije ta Aghungu Kimthe pesü khu kemi tsü nani kelae!”

ZEKHARIA 12:10

“I no David laghami eno Jerusalem lo küami shou kimiyekini ghungu eno küpükini kighini lepuku tsü nani, tishianguno kughou panongu no I shou jupukuni, pano no qhuqhive keu shou jupukuni keno, panongu no anu lakhi likhi akeu ghenguno mloqa akeshi pa ghenguno mloqa nani, eno anu anoghiu ghenguno kukhukimji shi qa keshi nani.

AHOLE 12:1

Shikithekütsü kimiye kemi no akighithi kimiye cheni, ikemu sakiyi keu mithi chekemi ye anikha ke.

ISAIAH 45:8

“O atsütsü, tsüghuqhilo, khüngküsü pelo achipiu-mikucho ghuqhi pelo; ayeghi pelo xakulu ngo achipiu-mikucho lhophe pelo; ayeghi pelo hi küma lhoipeghi pelo; Ni Ampeu no lhophe ke.”

AHOLE 29:1

Anguno anguno sakiyi anamu mkamghai auve aye paikhavi no shipivimla kepushi mukhumuno shive nani.

AHOLE 10:17

Akükütsütsa ikhilu keu ye aküxüpu lalo checheni, ikemu shikithekütsü lumo keu huno kütami saküghüzü cheni.

LESHELE 145:1

I Lhou eno I kükau, I no O sheqheni, pülhapuju eno alholo O jepipi tsüni.

HOSIYA 14:1

Ampeu o Lhou lau ideighilo, O Israel, kughengu no ye o xine ghenguno küpxavae.

JEREMIYA 3:14

Ideighilo, O aküpülü küküha tianuliqo, ipi Ampeu no asheshu; kughengu Niye o MPEU ke; I no aphughi lono nongu lakhi luni eno akibo lono kini luni, eno Zion lo nongu saghini.

AHOLE 1:30

Iw mijekütsü lunishimo eno shikithekütsü kümtsü jukünatha ke,

AHOLE 6:23

Kughengu azakütsü ye akulu lakhi, shiküka ye aküvü, eno shikümzü niye sakiyi keu no aküxü laghi ke.

AHOLE 1:25

nongu no I kükütsütsa kümtsü jukümghaleve eno Iw shikithekütsü lakhimu lumoke ghenguno

John 7:39

Pa no hi pikeu ye pa pülü kemi no Aghungu ithuluni ye akeu ghili piae, kughengu ti kutolo Jisü pesü ajuküvüpu shitsü mphi kehu Aghungu tsümono ake.

JOYIL 2:27

Ni ye Israelmi gholo anie pi nongu no ithi nani, Ni ye Ampeu nongu Lhou eno I nguno kütami ye kühae. Iw timi ye khilemu shikukujo kitheve monani.

JOYIL 3:1

“Kughengu julo, tipa ghuloki eno atüqhüdo lo kughou I no Judah ngo Jerusalem küakini tsüchileni keno,