ACHINE 6:4 - Sumi Naga CL (Re-edited) Bible (BSI)

⁴ pa no pa xine eno akipimi kümsüchilelu aye, pa no kiu pükave, süxaluve, qhitsü lopi kelo mqümgha shive, momu pühave keu pa no qhiluve keno pesü tsüchileveni,

BAIBEL (BSI)

^4-5 Hikithipu shipuzu timi lakhino axine shive keulo pano amikucho kumo lono kiu kiumu luvekeu paye lochileve masa. Pano kuquvekeu phuluveke tsala lono paye tipau mipeu lau qhoi lochilelo eno tinguno alauno tipau saje pungulo saje lakhi qhemi pesu vebeno lochile masa.

ACHINE 6:4 Referans Kwoze

ZEFANIA 1:9

Tipani khunono akikhasü ilhe kache ilo anguka eno pishikiqhi vecheo pano mpeu ki shepichhi tsü cheni keno I no ghime nani.

MICAH 2:2

Panongu no aluzaqo mine eno süxa luve cheni, eno akiqo süxa luve cheni; timi kibolomi nedaqoda cheni, eno pano mheghi luvetsü cheni.

AMUS 3:10

“Khunono anguka lono süxape sükusho-a lo püani keno,” “tipaqo ye kishi achipiu shini keno mthae,” Ampeu no pi.

EZEKEL 18:18

Papu ghenguu ye, pa no süxachu, pa thiküzüu pükaqhi, eno paw timi gholo kiu no akivi kumo keno tipau mla ishi kehu, julo, pa ye pa xine ghenguno thinani.

EZEKEL 18:12

kumlhomi ngo akukuphu avehupu shi akemi shikughuju, pükaqhi, aküna shoqhi tsüchile mo, asü-atu julhoqo shou pa nhethi jupuku, aphikümqhüpu mlaitha,

EZEKEL 18:7

khumu shikughujumo, ikemu apiagha kupumiw aküna shoqhi tsüchileve, kiumu pükamo, pa sho pesü müzüthi akemi tsü eno aphimini pesü aphikümsa shi akemi pipe,

ISAIAH 59:6

Thalaxüta tipaqo ye aphimini shimlae; eno timiqo no ti ghopüani kemu ti ye panongu küzü mlae. Pano kümlaqo ye axine kümla ke, eno ngukangugha kümla ye pano u lo anike.

JOB 24:2

Khami no alughitu ikhi kiqeve cheni; panongu no ambe püka pewo pighi luve cheni.

JOB 20:19

Kughengu pa no kumlhomi nedaqhi eno jumove; eno pa no shiqhe pukumo keu ki süxaluve tsüke.

BOTHUBO 21:25

Kughou Abraham no Abimelek vilo pa qemi no azükhe süxa luve tsükeu muchho keno,

ACHINE 24:18

Khuu no kütami pichepighi pithive tsüni keno aküxü theli lo aküxü tsüchileni.

ACHINE 24:21

Khuu no lhoxü pithini keno tipau theli lo tsüchileni, ikemu khuu no timi lakhi heqhiveni keno pa pithive nani.

AKIKIHI 5:7

pa ye axine pipheni; eno pa kipimi qhemi lono lochileni, tipau gholo saje muku ghi süküpha no khuu lau akumou shive keno pa loni.

EZEKEL 33:15

eno pa no aküna shoqhi tsüchileve, kiu pükave keno tsüchileve, aküxü khuaye lono cheche, eno achipikumo shimove aye, pa ye mtsüqheino xülu nani; pa ye thimo nani.

MALAKI 1:13

Ikemu nongu no, ‘Hi ye kiu makho kelae,’ ipi no akuchhoma shi cheni, aqokitikhi Mpeu no pi. Nongu no ngukangugha lono luvetsü keu eno kiu no lhonima momu aküsü akeno tipau pe akümllagho shi süghi ke! Tipaqo ye I no nongu u lono ikhilu kepu keshea? ipi Ampeu no pi.

ACHINE 4:12

achili thaqhü pa no xapusü aghazü nguno khalau ipeve no müdüniyi ke-a, ayevu peve chekeu, lo ami shino qhoi pitive ni. Ayevu shou asü shipiti akeu lono kümtsü pitiveni.

NEHEMIA 5:11

Ishi tsala lono pano lu, atsailu, Olive ghutu, eno aki tsüchileve lo, eno panongu launo pisa, athi, atsaizü, eno thazü lo akighishe lupüa keqo tsüchileve lo.”

EZEKEL 44:19

Kughou panongu no timiqo lau akikhala khalau lo ipeni keno achine kümla phimini ye xape akimthe cheboqo lo qhive nani. Panongu ye aphimini kütau xapuveni, tikumo aye panoqo phimini vecheo kütami lau akimthepu ikuve nosae.