ACHINE 5:16 - Sumi Naga CL (Re-edited) Bible (BSI)

¹⁶ Hipau gholo pa no akimthe khuaye pape mlave keu ghengu ghi tsüchile masa nani, ame ye atüghüu lo puwove kepushi akeu lono saje pungu qhemi pesü achineu tsüni. Tileno achineu no akipimi kümllagho anetsü pesü timi tipau ghenguno lokichile shitsü no pa kipimi qhive tsüni.

BAIBEL (BSI)

¹⁶ Paye akimthepulo tsuni pipuakeu tsumove aye lochile masa eno tinguno alau saje pungu lo saje lakhi tipau gholo sukuqhano lochile masa. Pano tipau pesu achineu tsulo eno achineuno tipau xine ghenguno aghashikeu lhoxu pesu mllalo eno timi tipau kipimi peivetsu nanike.

ACHINE 5:16 Referans Kwoze

AKIKIHI 5:7

pa ye axine pipheni; eno pa kipimi qhemi lono lochileni, tipau gholo saje muku ghi süküpha no khuu lau akumou shive keno pa loni.

ACHINE 22:14

Khuana no mthano ti chuve aye, pa ye tipau lo saje pungu lo lakhi süküpha no achineu lochileni.

ACHINE 27:31

Milakhi no paw chighi saje qhüchile lunishi aye, pa ye chighi saje shou saje pungu vebeni.

ACHINE 27:27

Ikemu mithekumo lhoxü ye betha tsükeu me kiqi lono tipa shou saje pungu veqabe no qhüchilelu nani, ti qhüchile lumo aye, betha tsükeu me lono jeveni.

ACHINE 27:15

Aki tipau tsü akeu no ti qhüchile lunishi aye, ame betha tsükeu shou saje pungu veqabe tsüno paw shiveni.

ACHINE 27:13

Ikemu timi huno ti qhüchile lunishi aye, ame shou saje pungu veqabe tsüni.

ACHINE 5:10

Tithiu achineu no pimheye kiqi lono aghau akiniu pesü piti mllaveni. Eno achineu no timi hupau xine ghenguno lokichile shitsü no pa kipimi qhive tsüni.

Apostolmi 26:20

Ikemu Damascus lo paghi sheshu, tishino Jerusalem, Judea cheaxü kümtsü lo, eno Jewkumomi lau ghi Alhou lau xaide, eno tipau kiqi lono akümla lono piye lopi sheshue.

Luke 19:8

Zacchaeus no müzüchoi ngove no Ampeu vilo pi, “Julo, Ampeu, I no akeu küakini tüxa ye kumlhomi tsüve niae. Eno I no kiuala pesü khuana pishiqhi püaghi aye, ghuthu bidi no küghüsüpe athoputho tsüni.”

LESHELE 69:4

Kütsazü shi I mithi chekemi no I kütsüsa nguno akichiu ani; akimki lono I ghüzani ye akemi, I kütsani ye akemi ye akumtomi ke. I no püka lumomu ni ye itehi ti lochileve masa keshea?

ACHINE 5:13

Timi tipau xine khikhiu shi aghimu achineu no Ampeu lau lokichile shitsüni, eno pa kipimi qhive tsüni.

ACHINE 5:6

eno küqüve keu xine ghenguno Ampeu lau lokichile shi ambe na ane namu aqu alhothe lakhi süghini. Tileno achineu no pa xine ghenguno lokichile shitsüni.

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

IPEKULU 22:1

“Tsala milakhi no amshitsü momu ambe pükave, eno tipau ghiqhi no jechuve aye, pa ye amshitsü lakhi theli lo amshitsü pungu, eno ambe lakhi theli lo ambe bidi pesü lochileni.

ACHINE 7:2

A-a khile no akipti kümllagho lhoxü heqhi cheni keno, axine kümllagho lhoxü ghi tileno heqhini, eno aji pesü akiptia vehomxa leqhini.

AKIKIHI 5:8

Ikemu timi tipau no thive aghi no ame luni kemi abolomi kühave aye, ti ye Ampeu tsüvekeu shi achineu tsüveni, tipau gholono küqüve keu timi huno küthakulo mbetsü pesü tsüno pa pi tha-loni.

SAMUEL ATUGHIU 6:3

Panongu no pi, “Tsala nongu no Israel Lhouw Puloshoqhi Bohu tsüchile puwuveni aye, ti ye kümsa puwu kevilo, ikemu kiukiu gholau nomu akipimi kümllagho pa tsüpuwu lo, eno kushiye pa u ye nongu launo süchilemo keno nongu no ithive nani.”

ACHINE 4:20

Axine ghenguno amshitsü heqhipe mlla kelo toi, hipa kümllagho ghi titoi shini. Hitoi achineu no timiqo ghenguno lokichile shitsü no pano kipimi qhitsüni.