ACHINE 5:15 - Sumi Naga CL (Re-edited) Bible (BSI)

¹⁵ “Khuana no ithikuthu mono Ampeu akimthe khuayeqo kubove no axine shive aye, pa ye Ampeu lau lokichile shi akipimi kümllagho tsünike anetsü tukutiye kühakeu lakhi süghini, ti ye ghükayi kiqilo kiu me qhemi shini keno achineki pisa kiqi lono kihini.

BAIBEL (BSI)

¹⁵ Timi khualano AMPEU lau akimthepu tsukepushi akeu tsupuwuni keu mthave puzu tishimove aye paye lochilekeu kumllagho shinike bheri momu anetsu tukutiye kuhakeu lakhi AMPEU lau sughilo. Tipauye kiu me qhemi shikepu keno achine alo mighi chekeu qhemi lono hulo.

ACHINE 5:15 Referans Kwoze

IPEKULU 30:13

Khunoqo no akikihi lo süve akeno panongu ye hipau tsülo: achineki shekel kiqi lono shekel tüxa (shekel tüxa ye gram 6 ke), Ampeu lau shekel tüxa akümllagho shi tsülo.

ACHINE 4:2

“Israelmi vilo pilo, Khuana no mthano Ampeu zakütsü lo shimo kepu lakhimu shive no küqüve aye,

EZRA 10:19

Panongu no pano nipuqo pheveni pi tushoqhi eno pimive ke ghenguno akipimi kümllagho shi anetsü pesü mlla.

ACHINE 7:6

Achinemi kümtsü no ashi tipau chulu nani. Ti ye shishe akimthe kehu akimthe-a lono chuni.

ACHINE 7:1

“Hi no akipimi kümllagho yezah, hi ye shishe akimthe:

ACHINE 6:6

Tishino pa no Ampeu lochile ghi anetsü lakhi tukutiye kühakeu, momu tipau me qhemi kütau mu pesü akipimi kümllagho shinike achineu lau ighini.

ZAKINIU 12:26

Ikemu nongu launo akimthe kümllagho ithulu masa kepu, now ashoqhi kümllagho ye pesü Ampeu no kishe tsükeu-a lo wuni,

AKIKIHI 5:8

Ikemu timi tipau no thive aghi no ame luni kemi abolomi kühave aye, ti ye Ampeu tsüvekeu shi achineu tsüveni, tipau gholono küqüve keu timi huno küthakulo mbetsü pesü tsüno pa pi tha-loni.

ACHINE 5:18

Pa kipimi kümllagho ghenguno pa ye achineu lau anetsü tukutiye kühakeu lakhi süghini, pa no mthano axine shiveke ghenguno achineu no lokichile shitsü no pa kipimi qhive tsüni.

ACHINE 5:16

Hipau gholo pa no akimthe khuaye pape mlave keu ghengu ghi tsüchile masa nani, ame ye atüghüu lo puwove kepushi akeu lono saje pungu qhemi pesü achineu tsüni. Tileno achineu no akipimi kümllagho anetsü pesü timi tipau ghenguno lokichile shitsü no pa kipimi qhive tsüni.

ACHINE 5:14

Ampeu no Moses pütsa no pi,

AKIKIHI 5:5

Ampeu no Moses vilo pi,

AKIKIHI 15:24

aqoaho no mthano nongu no shipimive aye, aqoaho kümtsü no lhoxü loji lono amshitsü lakhi pesü Ampeu lopushi tsüngqüi keu kipti kümllagho tsüni, ti ye ayezah kiqi lono athi kümllagho eno atsaizü kümllagho, eno tipau gholono axine kümllagho shi anetsü lakhi tsüni.

SAMUEL ATUGHIU 6:3

Panongu no pi, “Tsala nongu no Israel Lhouw Puloshoqhi Bohu tsüchile puwuveni aye, ti ye kümsa puwu kevilo, ikemu kiukiu gholau nomu akipimi kümllagho pa tsüpuwu lo, eno kushiye pa u ye nongu launo süchilemo keno nongu no ithive nani.”

KUKAMI AKINIU 12:16

Akipimi kümllagho ngo axine kümllagho lono iloghi keu ghükayi ye Ampeu kilo süghimoe; ti ye achinemi sala shiche.

ACHINE 1:3

“Tsala pa no kuchopu kipti kümllagho shinike amishi süghi aye, ti ye atsü tukutiye kühakeu shini. Ampeu no ikhilu tsü penike pa no tipau sasü kuposhukulu phiki kulaghi lo ngoni.

ACHINE 1:10

“Tsala pa kipti kümllagho no ambe momu ane shiaghi aye, ti ye atsü tukutiye kühakeu shini,

ACHINE 14:12

Eno ambetsü lakhi pesü thazü gholono akipimi kümllagho tsüni, eno tipaqo pesü Ampeu lau akimchi kümllagho shi tsüni.

ACHINE 27:3

kiptimi apunu mpe muku lono lhotsügho dolono achineki ghükayi ahu tüxa shini.

EZEKEL 40:39

Khagho chebo lo aghulhu lüpa kinini no hula-hila ae, tipaqo shouno akipti kümllagho eno akipimi kümllagho ghiqhiche.