ACHINE 5:10 - Sumi Naga CL (Re-edited) Bible (BSI)

¹⁰ Tithiu achineu no pimheye kiqi lono aghau akiniu pesü piti mllaveni. Eno achineu no timi hupau xine ghenguno lokichile shitsü no pa kipimi qhive tsüni.

BAIBEL (BSI)

¹⁰ Tipathiu pano ayeh kiqi lono aghau akiniu pesu piti mllakeugho mllalo. Hikithipu ghola lono achineu no timi tipau xine ghenguno aghashi mllalo eno pa xine peivetsu nanike.

ACHINE 5:10 Referans Kwoze

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

ACHINE 4:20

Axine ghenguno amshitsü heqhipe mlla kelo toi, hipa kümllagho ghi titoi shini. Hitoi achineu no timiqo ghenguno lokichile shitsü no pano kipimi qhitsüni.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

James 5:15

Aküpülü lono inikhu kelo aküsüu ye vive nani, eno Ampeu no atho puthotsü no pa no axine shipüaghi aye pevetsü nani.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

ACHINE 5:16

Hipau gholo pa no akimthe khuaye pape mlave keu ghengu ghi tsüchile masa nani, ame ye atüghüu lo puwove kepushi akeu lono saje pungu qhemi pesü achineu tsüni. Tileno achineu no akipimi kümllagho anetsü pesü timi tipau ghenguno lokichile shitsü no pa kipimi qhive tsüni.

ACHINE 5:13

Timi tipau xine khikhiu shi aghimu achineu no Ampeu lau lokichile shitsüni, eno pa kipimi qhive tsüni.

ACHINE 4:35

Külakishi kümllagho shikelo ambe ghapheu tha luve cheke toi achineu no atha kuchopu ikhipe Ampeu lau achuqupu kümllagho tsü chekeu kiptia shou no pitiveni. Tithiu achineu no timi hipau xine ghenguno lokichile shitsü no pa kipimi qhivetsü peni.

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

ACHINE 5:6

eno küqüve keu xine ghenguno Ampeu lau lokichile shi ambe na ane namu aqu alhothe lakhi süghini. Tileno achineu no pa xine ghenguno lokichile shitsüni.