ACHINE 4:35 - Sumi Naga CL (Re-edited) Bible (BSI)

³⁵ Külakishi kümllagho shikelo ambe ghapheu tha luve cheke toi achineu no atha kuchopu ikhipe Ampeu lau achuqupu kümllagho tsü chekeu kiptia shou no pitiveni. Tithiu achineu no timi hipau xine ghenguno lokichile shitsü no pa kipimi qhivetsü peni.

BAIBEL (BSI)

³⁵ Tipashelo pano tipau tha kumtsu ikhilulo, tiye kuposhukulu kumllagho ghenguno lhoxu ghiqhikeu tha ikhilukeu paphishi shilo eno pano tipau pesu akiptia lono achuqupu kumllagho gholono AMPEU tsukeu shi pitilo. Hipa ghola lono achineuno timi tipau xine ghenguno agha shikeu pesu mllalo, eno timi tipau xineye peivetsu nanike.

ACHINE 4:35 Referans Kwoze

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

ACHINE 4:20

Axine ghenguno amshitsü heqhipe mlla kelo toi, hipa kümllagho ghi titoi shini. Hitoi achineu no timiqo ghenguno lokichile shitsü no pano kipimi qhitsüni.

ACHINE 14:18

Pa umza lo thazü achili pesü timi hu kütsü lo sütsüni. Tishino achineu no pa ghenguno Ampeu zülo lochile tsüni.

ACHINE 6:7

Achineu no Ampeu zülo timi tipau ghenguno lokichile shitsüni, eno pa xine khipaqo vecheo akipimi shive keno kümtsü qhive tsüni.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

1 Peter 3:18

Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

1 Peter 2:22

Pa ye axine kiumu shipüamoe, ti ke kumono akimki tsa mu Pa kichi lo shesülu püamoe.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

IBRIMI 7:26

Ningu no akimthe, tichetighe küha, tukutiye küha, axinemi launo kütüta shipe atsütsü nguno kunguu süqheve keu chinetou hitoike aghikeu ye achipie.

IBRIMI 4:14

Tishi aye ningu ye achinetou akijeu, khuu kungugha lo ani keno, Alhou Nu Jisü hu ani keke ningu niw pikiphe küpülü mtotoi tsüqü peni nolo.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,

Kolosiami 1:14

Pa launo ningu ye xachilekulu, axine qhikütsü ithulue.

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

2 Kor. 5:21

Khristo ye axine kühae, ikemu ni ghenguno Pa pesü axine kughulhove tsü, tishianguno Pa küdau no ningu pelo Alhou chipiu mikuchomi shilu peniye ke.

Rommi 10:4

Kughengu Ayezah kimji ashekhau ye Khristo ke, tishianguno khukhumu pülü keu pelo achipikalu peniye ke.

Rommi 8:1

Tighenguno itehi ye khunono Khristo Jisü laumi shive akeno, panoqo ye kileqhive kepu kühavae.

Rommi 4:25

Alhou no ni xine ghenguno Jisü pesü akithipu lo ikhiphetsü püzü ningu pelo achipikalu penike xüputhuve ke.

AKIKIHI 15:25

Achineu no Israelmi qoaho kümtsü ghenguno lokichile ghakishi shini eno tithiu no panongu kipimi qhive tsüni, kughengu ti ye pimive keu kehu panongu no pano kipimi ghenguno achuqupu kümllagho ngo axine kümllagho pesü Ampeu lau süghive ake.

ACHINE 14:53

Pa no aghau küxü pesü aphughi khalau aluza phe puwuveni. Hitoi pa no aki shikimthe no ti ye mithe luveni.”

ACHINE 12:8

Li no ambe qhümlave aye, aqhewo kini, momu amiqhi süghini, lakhi no akipti kümllagho eno lakhiu no axine kümllagho shini. Achineu no li ghenguno lokichile shitsüni, eno li ye mithe luve nani.”

ACHINE 9:7

Pa no Aaron vilo pi, “Akiptia kupunu wuno o xine kümllagho ngo o kipti kümllagho shino no eno ow timi ghenguno lokichile shilo, eno Ampeu no azah tsüke toi timiqo kümllagho süghi no pano ghenguno lokichile shitsü lo.”

ACHINE 5:13

Timi tipau xine khikhiu shi aghimu achineu no Ampeu lau lokichile shitsüni, eno pa kipimi qhive tsüni.

ACHINE 5:10

Tithiu achineu no pimheye kiqi lono aghau akiniu pesü piti mllaveni. Eno achineu no timi hupau xine ghenguno lokichile shitsü no pa kipimi qhive tsüni.

ACHINE 5:6

eno küqüve keu xine ghenguno Ampeu lau lokichile shi ambe na ane namu aqu alhothe lakhi süghini. Tileno achineu no pa xine ghenguno lokichile shitsüni.

AKIKIHI 15:28

Eno achineu no Ampeu zülo timi püthapütsano kumono pimive keu ghenguno lochile tsüni, eno pa kipimi ye pevetsü nani.

ACHINE 15:15

Achineu no lakhi pesü axine kümllagho eno lakhiu no akipti kümllagho shi tsüni, eno timi tipau shikimthe tsüni.

ACHINE 19:22

eno achineu no tipau pesü pa shikimthe ghi Ampeu zülo tsüno pa xine ikhive tsüni.