ACHINE 3:17 - Sumi Naga CL (Re-edited) Bible (BSI)

¹⁷ Nongu ye atha na aji namu chumoni, hi ye tiqheli kupuju lo nongu no küghüna chekeu-a kümtsü lo pimhe cheni keu yezah shivae.

BAIBEL (BSI)

¹⁷ Israilmi khuunomu atha momu ahji kiumu chukepu kumoe; ayezah hipauye Israilmi kumtsuno khile khile kughuna aghi pinamu alhokupujulo pepimheche masake.

ACHINE 3:17 Referans Kwoze

BOTHUBO 9:4

Ikemu nongu ye aküxü akeu shi, ti ye aji, huye chumoni.

MATTHEW 26:28

kughengu hi ye timi kutomo xine qhitsü nike peleve keu Iw puloshoqhi ji ke.

ZAKINIU 15:23

Lhoxü tipau ji likhino chumoni; ti ye azü pele keshi ayeghi lo kighijive lo.

ZAKINIU 12:23

Aji ye chumo nanie pi ithilo, kughengu aji ye aküxü ke, nongu ye ashi gholono aküxü chumoni.

ACHINE 7:23

“Israelmi pütsa no pilo, Nongu ye amishi, ambe momu ane tha chumoni.

ZAKINIU 12:16

Tipaqo ji likhino chumoni; ti ye azü pele keshi ayeghi lo kighiji qhiveni.

ACHINE 17:7

Tishikeu lono panongu ye ane kimihi ghawu, khuu panoqo no sasü küzüvü acheni keno, pa lau aghashi auve monani. Tiqheli kupuju lo hi ye Israelmi ghenguno alholo pimheye shivae.

ACHINE 6:18

Pülhapuju tiqheli kupuju lo acheni keu xaküthaza kiqi lono Aaron lagha lo kiptimi thaqhü no Ampeu lau achuqupu kümllagho tsükeu chuni. Kiu kiumu tipaqo bukeu ye akimthe shiveni.”

ACHINE 3:16

Eno achineu no mülüi keu xo shi ti kuchopu akiptia lono pitiveni. Atha thaqhü ye Ampeuw ke.

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

Ephesiami 1:7

Khristo ji vecheo ningu ye pa lau no xachilekulu eno axine qhikütsü ithulu. Paw küpükini ililai akeu kiqi lono

Apostolmi 15:29

nongu ye ajulho kümlla chuqupu, aji, tshükiqhi lhoxü chumoni, eno asalha lono putosüni. Nongu no hipaqo launo putosülu aye, nongu ye achipi shilu nani. Akivishi alo.”

EZEKEL 44:15

“Ikemu Zadok laghami, Levimi achinemi, khunoqo Israelmi no I launo lavela lo wuve kelo I kimtheki lo aghini shiche keno, panongu no I huthuni ke I kupunu ighi nani. Eno panongu no atha eno aji pesü I mllani ke I zülo puthugho nani ipi Ampeu Alhou no asheshu.

EZEKEL 33:25

Tighenguno panoqo vilo pilo, Ampeu Alhou no ishi piani: Nongu no aji pusüsü keu shi chu, nongu nhethi no ajulhoqo ju, eno aji peleke; tishiaye nongu ye ayeghi amheghi shilu nani keshea?

ZAKINIU 32:14

Atsüaqu kichhizüchi ngo akichhizü tsü, ambeti, Bashan netsü eno ambeti tha tsüe, ashothi akiviu eno atsaithi kivi no mlakeu tsaizü shoke.

ACHINE 23:14

Nongu no hipau kümllagho Alhou lau süghi mphi loye asho na, athi küxü na, save keu namu chumoni: hi ye tiqheli kupuju lo nongu no khile xüni keno alholo pecheni keu pimheye ke.

ACHINE 7:36

Achinemi shipenike nukisheve kemi lau hipau tsü penike Ampeu no Israelmi lau azah tsüe. Hi ye tiqheli kupuju lo tsüni keu saje ke.”

1 Tim. 4:4

Kughengu Alhou no lhosü keu kümtsü akivi, eno shikimthikütsü lono ikhilu aye kiumu milive kepu kühae,

MATTHEW 16:24

Tishino Jisü no pa khopemi vilo pi, “Khukhumu I papeni keu ye pa ampi milive no paw kros xapu I papelo.

EZEKEL 44:7

kughou achuqupu, atha, eno aji pesü I mlla keno nongu no inaghami, amlo eno ashi lo aphighüyiko ghamo kemi I chineki lo ngo peniye sasü eno I chineki shikitiqeve ke. Now aphikümqhüpu nguno alau nongu no Iw puloshoqhi kubovae.

NEHEMIA 8:10

Pa no timiqo vilo pi, “Idewolo, achuqupu kivi chulo, akungo tsaizü yelo, eno küha kemi sasü küsaje lo, kughengu atsala hipau ye ni Mpeu lau akimthe shikeu tsala ke. Amloiju kevilo kughengu Ampeu lokivi no nongu kükakumto ke.”

AKIKIHI 19:21

Pimheye hipau ye alholo ghenguno Israelmi sala ke. Timi khuu no qhukimthe keu zü küzüteni keno pa phimini ishiveni, eno khuu no azü tipau diluni keno pa ye avela kutolo mithemo no anani.

ACHINE 16:34

Hi ye nongu ghenguno alholo pimheye ae: Israelmi xine kümtsü shikimthe tsünike ghenguno ampe lo ghuthu lakhi lokichile shini.” Ampeu no azah tsüke toi Moses no shike.

IPEKULU 27:21

Kuposhukulu phiki lo nhaqhiphi nguno khalau, ti ye ashepe akeu zülo, Aaron ngo pa nuli no Ampeu zülo avelau no inaqhe kutolo tipau jukutoni. Hi ye ayezah lakhi shi Israelmi no tiqheli kümtsü lo alholo ghenguno papeni.

ACHINE 4:1

Ampeu no Moses pütsa no pi,

ACHINE 6:22

Aaron nuli khuu no Aaron thisü luno achinetou shipenike nukishe keno, pa no alholo xaküthaza kiqi lono hipau pesü Ampeu tsüni. Akümllagho ye kuchopu pitiveni.

ACHINE 7:34

Israelmi kümllagho ghakishi lono amlashi khikhi akimchi gho keno eno aluko shi, achineu ghenguno küqhaphe keu ye I no ikhipe Aaron ngo pa nuli tsüvae, ti ye alholo Israelmi kümllagho lo tsüche peniye ke.

ACHINE 10:9

“Kughou nongu no kuposhukulu phiki lo iloni keno, no shiaghi na o nuli namu atsaiji momu akümka ji sho kevilo, tikumo aye nongu ye thive nosae. Hi ye tiqheli kümtsü lo acheni keu pimheye shini.

ACHINE 10:15

Aluko eno amlashi ye panongu no akipti kümllagho lono atha ikhiphelu keu gholono Ampeu zülo akimchi gho tsünike süghini, eno tipaqo ye Ampeu no azah tsüke toi alholo no eno o nuli saje shini.”

ACHINE 16:29

“Hi ye alholo nongu ghenguno pimheye shini: Aqhi akütsüniu, atsala achighiu lo Israelmi eno no gholo inaghami akemi ye akümla kiumu shimo no kümvüni.

ACHINE 23:21

Tipa tsala lo asheshu no aqoaho kumqoni, eno tsalakipe kümla shimoni. Tiqheli kupuju lo hi ye alholo acheni keu pimheye shivae.

ACHINE 24:3

Kuposhukulu phiki lo Puloshoqhi bohu akeu nhaqhiphi zülono Aaron no tsalakipetsü avelau no inaqhe kutolo akulu küqüpe qhini. Now tiqheli kupuju lo hi ye alholo acheni keu pimheye shivae.

IPEKULU 28:43

eno alou mini tipaqo ye Aaron ngo pa nuli no kughou kuposhukulu phiki lo iloghini momu Akimthe-a lo achine kümla shiniye akümlla-khache lo ighini keno tileno pepuni, tikumo aye panongu ye akipimi xapu thive nosae. Hi ye alholo pa eno pa tikughuko athiumi ghenguno ayezah lakhi shi ache nani.

ACHINE 6:15

Athi kümllagho süghi keu lono achineu no kümsükulu saje ashomkhu pa u kichhi lakhi, thazü, eno müsüghüta kuchopu pewo akiptia lono pitini, hino Ampeu lopu xoke.

ACHINE 19:26

“Ashi lo aji apülaghi chumoni. Küdüu jeli kiumu shimoni.

ACHINE 24:9

Asho ye Aaron ngo pa laghami sala, panongu no akimthe-a lono chuni, kughengu hi ye Ampeu tsükeu chuqupu kümllagho lono shishe akimthe saje ikhiphe keu ke.

ZAKINIU 12:24

Nongu ye ti chumoni; azü pele keshi ayeghi lo ti kighiji qhiveni.

YEKIKITHI AKINIU 29:35

Akipti kümllagho kutomo tsükeu gholo külakishi kümllagho ghenguno atha ae, eno akipti kümllagho gholo atsaizü kümllagho ghi ae. Hitoi Ampeu kilo akümlla huthu kitheve.