ACHINE 3:16 - Sumi Naga CL (Re-edited) Bible (BSI)

¹⁶ Eno achineu no mülüi keu xo shi ti kuchopu akiptia lono pitiveni. Atha thaqhü ye Ampeuw ke.

BAIBEL (BSI)

¹⁶ Achineuno hipaqo kumtsu pesu akiptia lono pitilo, tiye AMPEU lopu shitsunike achuqupu kumllagho lakhike. Atha jeli kumtsu AMPEU salake.

ACHINE 3:16 Referans Kwoze

MATTHEW 22:37

Jisü no pa vilo pi, “No ye o mlo kuchopu, o ngulho kümtsü, o kükümsü kümtsü eno o kumto kümtsü pesü Ampeu o Lhou kimiyeni.

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

YEKIKITHI AKINIU 7:7

Solomon no Ampeu ki zülo achebo amtau ghi ikhiphe tsü, tileno pa no akipti kümllagho, athi kümllagho, eno külakishi kümllagho lo atha kijeje pesü mlla, kughengu Solomon no alazayi kümlla khache mlakeu ye akipti kümllagho, athi kümllagho, eno külakishi kümllagho lo atha kijeje ghenguno müghülo ke.

ACHINE 17:6

Achineu no aji pesü kuposhukulu phiki kulaghi lo Ampeu kiptia küzüteve no atha mülüi pitipe Ampeu lopushi tsüni.

ACHINE 9:24

Ampeu zülono ami ipeghi no akipti kümllagho eno atha jeli akiptia lo akeqo pitive, ikehu kughou timi kümtsü no ti ithulu keno, panongu no ighau khave no ikiqi agi pishiqho luve.

ACHINE 8:25

Tishino pa no atha eno ashomhi tha, amxu, eno apuloshi ngo amchi lothi kini, tipau gholo atha eno aluko ajeu,

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

IPEKULU 29:22

“Ambetsü tha, ashomhi lo akeu tha, amxu, aloshi eno amchi lothi kini eno tipau lo atha akeu ngo aluko ajeu ikhilu lo (kughengu ambetsü tipau ye kishekimthe keu vehulo peithani keu ke),

IPEKULU 29:13

Amxu eno aloshi leqhi ngo amchi lothi kini ishi atha gholono pesü akiptia lono pitive lo.

YEKIKITHI AKINIU 29:35

Akipti kümllagho kutomo tsükeu gholo külakishi kümllagho ghenguno atha ae, eno akipti kümllagho gholo atsaizü kümllagho ghi ae. Hitoi Ampeu kilo akümlla huthu kitheve.

EZEKEL 44:15

“Ikemu Zadok laghami, Levimi achinemi, khunoqo Israelmi no I launo lavela lo wuve kelo I kimtheki lo aghini shiche keno, panongu no I huthuni ke I kupunu ighi nani. Eno panongu no atha eno aji pesü I mllani ke I zülo puthugho nani ipi Ampeu Alhou no asheshu.

BOTHUBO 4:4

eno Abel ghi pa mbeloji lo piti tüghüu, atha pubeyi keqo dolono peighi. Ampeu no Abel eno pa kümllagho shou amloqive,