ACHINE 26:37 - Sumi Naga CL (Re-edited) Bible (BSI)

³⁷ Khunomu hachemo keghi azütakikihi zülo poche keshi lakhino lakhi shou küpxa nani. Nongu ye aghümi puqhelu kepu küha nani.

BAIBEL (BSI)

³⁷ Timi khunomu nongu hachemo namu nonguye lakhino lakhi kupxalu nani eno nonguye aghumi khuumu sasu kumjomla nani.

ACHINE 26:37 Referans Kwoze

XAKUTHAMI 2:14

Ikehu Ampeu no Israelmi lau ighono axuideve no panongu pesü süxakuchumi tsüve no tipaqo no pano xüle puwuve pe. Pa no pano ghümi u lo panoqo jesüve, tishikeu lono Israelmi ye kiu nomu panongu süshokulupu shimlave.

JEREMIYA 37:10

Nongu no Chaldeami ghüshimi no sasü aghüshi akemi qhoi leluve no izave kemi likhi aphiki lo qhive namu, panongu no ithughi no ami pesü mishighüna hipau pitive tsü nani.’”

ISAIAH 10:4

Akughumi gholo sünhe sawumo aye pithive kemi gholo ikiqi nani. Ikeghi Ampeu loghu ye tave mphi eno Pa u ye xachhope aphike.

XAKUTHAMI 7:22

Kughou panongu no afuko 300 igha keno, Ampeu no aghümi zütakikihi pelo pano dolono ghiqhikile thuvepe. Ghüshimi no Zererah küdau Beth-shittah kutolo pove eno Tabbath phivilo Abel-meholah kutolo pokhave.

AKIKIHI 14:42

Ampeu ye nongu gholo kühake iqho kevilo, tikumo aye no ghümi zülo ikiqive nanie.

ACHINE 26:17

I no nongu mjochile nani, no ghümi nongu theqhive nani. No jumithi kemi no nongu shou ayepe nani, eno khunomu hachemo keghi nongu ye kuhapo nani.

JEREMIYA 6:21

Ikehu Ampeu no ishi piani: ‘Julo, timiqo pelo küpxalu penike I no apukhu küpsüpu qhitsüni; apu-anu kümtsa, akisüghümi eno akümsami kümtsü pühave nani.’”

JEREMIYA 46:16

Pa no kutomo küpxa kuluve, panongu lakhino lakhi vilo pi, ‘Ithulo, ningu niw timiqo lau idewoveni nolo, qhaküsümi zütakikihi lono ni punugha lo woveni.’

NAHUM 3:3

Khurshimi no kite, azütakikihi eno angu no kulo phaphashi, ghiqhive kemi no aqokitikhi jehi, akumo no amoqhe, akithi kumo no ashekha kühae— timiqo no akumo küpxalu!

SAMUEL ATUGHIU 4:2

Philistiami no kujojo Israelmi lau ighive, eno kughou aghüshi huthu keno Israelmi ye Philistiami zülo tomlave, eno timi 4,000 aghüshiqa lono thive.