ACHINE 26:30 - Sumi Naga CL (Re-edited) Bible (BSI)

³⁰ I no now qhemghaike-a kütsave tsünani, tsüngqüi keu kiptia hephove tsü nani, ajulho iluqi akeu shou nongu sükumo qhepuku nani, eno nongu milive nani.

BAIBEL (BSI)

³⁰ Atoghilo nonguno mlla chekeu a kumtsu ino kutsaleve nani, nowu tsungqui-ta kiptia tuleqhivetsu nani, eno ajulho iluqi akeu shou nongu kithi kumo vepuku nani. Imlo khukhushive kelauno

ACHINE 26:30 Referans Kwoze

KUKAMI AKINIU 23:20

Pa no qhemghaike-a lo achinemi kümtsü akümlla-khache lono aghakishi kipti shi mllave eno tipaqo lono timi saghi pitive. Tishino pa ye Jerusalem lo idewove.

ISAIAH 27:9

Ikehu hipau vecheo Jacob kipimi ye tha-love tsü nani, eno hipau no pa xine pevetsü keu xathi shinani: pa no akiptia lo atuqo pesü asayetu toi kubove tsü, Asherim momu axokütsüngü kiptia qhimove nani.

EZEKEL 6:13

Ghiqhive keqo no akiptia homxape ajulho akeqo gholo, qhemghai keu toghi lo, naghuto kütsüqa lo, asübo lo, aphisübo miniboi keu lo, khile khilemu panongu no pano julhoqo lau axokütsüngü mlla chekeu-aqo lo ikiqi aghi kelono panongu no Ni ye Ampeu kepi ithi nani.

JEREMIYA 14:19

No ye qhoi Judah kheleve akeshea? O ngulho no Zion mithive akeshea? Ni shipivi mlave peniye No ye kushiye ningu hekulu kea? Nino aloino keu laju, ikemu akivi ighimoe; shikipivi do huqhe, ikemu akümsapu ithulue.

LESHELE 89:38

Ikemu itehi ye Nono peve eno milivae; No ye Ow nukikishe lau O loghu no chhitoi ani.

YEKIKITHI AKINIU 31:1

Hi kümtsü tave kethiu, tile ighi kemi Israelmi kümtsü no Judah, Benjamin, eno Ephraim ngo Manasseh mishighünaqo lo wuno atsükucho hepholeve, Asherim loqhive eno qhemghaike-a ngo akümlla-khache kümtsü hephove. Ti kümtsü hephove kethiu no Israelmi no pütüta kilo idewove.

YEKIKITHI AKINIU 23:17

Tishino timi kümtsü Baal chineki lo wuno ti kuboleve; panongu no pa kümlla-khache ngo pa julhoqo kuboleve tsü eno Baal chineu Mattan akümlla-khache zülono pithive.

KUKAMI AKINIU 23:16

Tishino Josiah no tsüghüwo atoghi lo akumona hami ithulu. Pa no tipaqo lo asaghiqo ikhiphe no akümlla-khache lono pitive no shipüthave tsü, ti ye Alhou timi khuu no hipaqo pichho püa keno tipau kiqi lono ke.

KUKAMI AKINIU 23:8

Pa no Judah lo mishighünaqo lono achinemi kümtsü sasü khalau ipe no, Geba lono Beersheba kutolo qhemghaike-a khije lo achinemi no mllache keno, kümtsü shipüthave tsü. Eno mishighüna shou angh Joshua no iloche keu khagho phivilo qhemghaike-a hephove tsü; ti ye mishighüna lo iloche keu khagho lono piyiu ke.

KUKAMI ATUGHIU 13:2

Ampeu tsa vecheo timi huno ishi akiptia pipütha, “O akiptia, akiptia, Ampeu no ishi piani: ‘Julo, David lagha lono anu lakhi Josiah ipikeu punu nani. Pa no atoghiqo lo achinemi ghiqhipe o kiptia shou no aghashi nani, eno timi saghiqo piti nani.’”

ACHINE 26:15

eno Iw pimheye ngo akhuayeqo milive no I zakütsü papemo, Iw puloshoqhi kubove aye,

ACHINE 26:11

I no nongu gholo I kimthe phiki shino ngo nani, Ni ye nongu milive mo nani.

ACHINE 20:23

I no nongu zülono hapheve akeu shiye khuayeqo pape kevilo, kughengu panongu no thime hipaqo shicheni kehu I no mithi cheni.

BOTHUBO 19:13

Kughengu hipa-a lo timiqo no ighamku keu ye Ampeu zülo ighono kije shive akehu ningu ye hipa-a kütsa niye shivae, eno Ampeu no hi kütsave peniye ningu puwuvae.”

ZAKINIU 32:19

“Ampeu no hi ithulu no panongu milive, kughengu pa nuliqo no Pa ghujue.

KUKAMI ATUGHIU 13:32

Kughengu Ampeu tsa vecheo pa no Bethel lo akümlla-khache ngo Samaria lo mishighünaqo lo qhemghai ke-a akeqo lau müsüini püakeu kümtsü shikupu nani.

LESHELE 106:40

Tithiu Ampeu mlokighide ye Paw timiqo shou iqü ipeghive, eno Pa no Pa mheghi jumithive;

EZEKEL 43:7

Pa no pi, “Timi nu, hi ye I kükalakhü-a eno I pukhu kinepu-a, hileno I no Israelmi gholo alhokupuju ache nani. Eno Israel kibolomi ye panongu na pano kükami namu panow kütüqha keu ngo qhemghaike-a lo panow kükami sükumo vecheo I je kimthe shikitiqe kithe moae.

AMUS 6:8

Ampeu Alhou ampi no tushoqhivae, ipi Ampeu, aqokitikhi Lhou no sheshu: “Ni ye Jacob qheküza kuchhube paw sükusho-aqo mithi, I no aphughi eno tile akemi pesü aghümi tsüve nani.”

AMUS 7:9

Isaac kümlla topeqo ye kütsaleve tsü nani, Israel kümlla kiqo ye kütsapinyive tsü nani, I no azütakikihi pesü Jeroboam lagha mjo ithughi nani.”

JEREMIYA 16:18

Ikemu I no pano kipimi eno axine küghüsü no lochile paghini aphi, kughengu panongu no akimthipu julho kithi kumoqo pesü I yeghi shipixi, eno aphikümqhüpu jeli pesü I mheghi yeghi chhitoive tsüke.”

EZEKEL 16:39

I no o pesü panoqo u lo phesüve tsü nani, eno panongu no ow nhasü keu chebo tukulove tsü nani eno ow qhemghaike-aqo kuboleve tsü nani. Panongu no o phimini xaleve tsü nani, ow jukivi chiku-chilaqo ikhiluve tsü nani eno no ye aphimini pepumo no aphikümsa shive nani.

HOSIYA 10:2

Panongu mlo ye kichile ke; itehi panongu ye pano kipimi makho xapu masae. Ampeu no pano kiptia kubovetsü eno akümlla tsükuchoqo kütsave tsü nani.