ACHINE 26:25 - Sumi Naga CL (Re-edited) Bible (BSI)

²⁵ Puloshoqhi kubove ke ghenguno I no nongu shou azütakikihi puku nani. Nongu no aphughi lo kumqo aye, I no püsa puwu nani, eno nongu pesü aghümi u lo süvetsü nani.

BAIBEL (BSI)

²⁵ Ningu puloshoqhi shikeu hexavekeu ghenguno nongu ghimeqhinike ino nongu shou aghukishi sughi nani eno susholunike nophughilo nonguno kumqo aye, shipivi mlakeu kusukini ino nongu gholo puwu nani eno nonguye aghumi lau qhoi phesuve masa putsakeu shivepe nani.

ACHINE 26:25 Referans Kwoze

AKIKIHI 14:12

I no püsa pesü panoqo shou puwuni eno pano mheghi luve tsüni, ikemu I no panongu nguno akuloghiu eno akumtou shiye lakhi o launo ipeghilu penie.”

EZEKEL 5:17

I no püqümiye eno tüghashiqo nongu lau puwu nani, eno tipaqo no nongu nuliqo püqapunu nani. Püsa eno aji no nongu shou ighi nani, eno I no azütakikihi nongu shou puku nani. Ni ye Ampeu ke; I no piqhivae.”

EZEKEL 33:2

“Timi nu, ow timiqo pütsa no panoqo vilo pilo, Tsala I no ayeghi lo azütakikihi süghi aye, eno ayeghi lo timiqo no pano gholo milakhi pesü pano ghukheu shipe aye,

EZEKEL 29:8

Tighenguno Ampeu no ishi piani: Julo, I no o shou azütakikihi süghi nani eno ow timi ngo tüghashi ghiqhive tsü nani,

EZEKEL 20:37

I no nongu pelo ghaküsü küsü katha wupe nani, eno I no puloshoqhi kütsügha lo nongu saighive nani.

EZEKEL 14:17

“Momu I no ayeghi tipau shou azütakikihi süghi no, azütakikihi no ayeghi hipau kathawu pelo, eno I no tile timi ngo tüghashi ghiqhive tsüniye shi aye,

EZEKEL 6:3

Nongu Israel lo naghutoqo, Ampeu Alhou tsa inilo! Ampeu Alhou no naghuto eno atoghi, akuthoku eno akhilaqo vilo ishi piani: Julo, I no azütakikihi nongu shou süghi nani eno qhemghaike-aqo kütsave tsü nani.

JEREMIYA 24:10

Panongu eno pano puasüqo tsükeu yeghi lono qhoi kütsaleve moke kutolo I no azütakikihi, püqümiye, eno püsa panongu shou puku nani.”

ZAKINIU 32:25

Aki khalau azütakikihi no akithi süghi nani; alou no shithüghüi keu anani, apumi ilimi eno anga kughunu ngo asa kümpami lau aphiphi shi hitoi shi nani.

ZAKINIU 28:21

Nongu no ilo ngoniye akeu yeghi lono nongu püghave moke kutolo Ampeu no püsa nongu gholo puwutsü nani.

Luke 21:11

Ayeghi küghütha kije ighi nani, a-a kutomo lo püqümiye ngo püsa jeli ighi nani, eno shithüghüi keu sütsa ngo amchipu kije atsütsü lono ipeghi nani.

AMUS 4:10

“Egypt lo toi I no nongu shou püsa puwu no azütakikihi pesü now lhothemiqo pithive, eno now khurshi süxape wuve, nongu ghazü lo akumo kümna pesü nongu nigi lo sütsü; ikeghi nongu ye I lau ideighi moe,” ipi Ampeu no pi.

AKUMLO 2:21

Alaghila lo ayeghimkhu lo kichimi itimi athoshi ikiqi ani; Iw ilimi eno apumiqo ye azütakikihi lono ikiqivae; Nono O mlokighide tsala lono kimiyemo no panoqo pithivae.

JEREMIYA 9:16

Panongu momu pano puasüqo no ithimo keu shiyeqo gholo I no panongu kuthole puwuveni, eno panongu qhoi pühave moke kutolo I no azütakikihi pano thiu puwuni.”

LESHELE 94:1

O Ampeu, amkhükulu Lhou; O amkhükulu Lhou, yepüvü tsü lo!

SAMUEL AKINIU 24:15

Ikehu Ampeu no püsa pesü inaqhe no wo kihikütha do tomoke kutolo Israel lo puwuve. Tile Dan lono Beersheba kutolo timi qhethonhe lhotsüni thive.

ZAKINIU 32:41

I no I zütakikihi mlapui chighive eno küghatha nike kutove aye, I ghümi shou amkhülu nani eno I mithi chekemi lochile nani.

ZAKINIU 32:35

Amkhükulu ye Iw ke I no tsüchile nani, panongu pukhu no nekipheni keu do ye kupunuvae, Panow küsakusho tsala ye kupunuvae, eno pühaveni keu tsala ye pai ighive nani.’

AKIKIHI 16:49

Timi thive keqo kihiju kelo 14,700 aghi, ti ye Korah no hebide keu lono thive kemi ye kihisü amoe.

ACHINE 26:6

I no aghakhu lo iqüghai keu tsü nani, eno kiumu nongu shikümsa mono nongu no zühulu nani. I no aghakhu lono tüghashiqo haleve tsü nani, eno tile aghükishi küha nani.

AKIKIHI 31:3

Tighenguno Moses no timiqo vilo pi, “Aghü shinike kutolo, nongu vecheo Ampeu loghu Midianmi shou pukuni cheni.

XAKUTHAMI 15:11

Tileno Judah lo timi 3,000 no Etam tuxu lo iqi no Samson vilo pi, “Philistiami ye ni shou yepemie pi no ye mtha keshea? No ye ningu lau kiu shive akea?” Pa no khochile, “Panongu no I lau mlake toi ni ghi tipatho panongu lau shivae.”

KUKAMI ATUGHIU 8:33

“Ow timi Israelmi no O zülo axine shike ghenguno pano ghümi zülo tomlave aye, eno panongu no aki hipau lo O lau ighi no O je kulu no akighini lono O lau ighamku aye,

KUKAMI ATUGHIU 8:37

“Aghakhu lo püqümiye, asagha, amülhü kushu no axabo fupithi, tülhaqu momu katsülanga ighi, momu pano ghümi no leighi no khagho khasü luve, momu püsa eno kiukiu küsü mu ighi aye,

JEREMIYA 50:28

“Asütsa lakhi! Ampeu ni Lhou no Pa chineki ghenguno amkhü luniye akeu Zion lono sheshu nike panongu no Babylon lono pokasü wuvae.

JEREMIYA 51:11

“Apijiqo chighilo! Azütoqo ikhilulo! Ampeu no Medes kükamiqo kükümsü xukuthove tsüae, kughengu Pa kimji ye Babylon kütsaveni keue, ti ye Pa chineki ghenguno amkhükulu ke.

IPEKULU 5:3

Tileno pama no pi, “Hebrewmi Lhou no nikujo sasü kusholue. Kimiyeno ni pelo yenguyike-a lo atsala küthü ghüzüla lo wulu pelo, tishianguno nino Ampeu ni Lhou lau aghakishi shini, tikumo aye Pa no ni shou püsa momu azütakikihi pukutsü nosake.”

KUKAMI AKINIU 17:3

Assyria kükau Shalmaneser no pa sasü aghü shinike ighi, Hoshea ye sükusho süqha Shalmaneser tsüche.

YEKIKITHI AKINIU 24:24

Syria ghüshimi ye aghulo likhi ighi keghi Ampeu no panoqo pelo ghüshimi kutomo shou toluvepe, kughengu Judah no Ampeu pano puasü Lhou qhiveke. Hitoi panongu no Joash shou küghathabe.

ISAIAH 1:20

ikemu nongu no milive no hebide aye, nongu ye ghüyi lono wove nani; kughengu Ampeu kichi lono piqhivae.”

ISAIAH 65:12

I no nongu pesü azütakikihi tsüve nani, eno nongu kümtsü no hekiqhiu zülo pishiqho nani, kughengu I no nongu kukelo, nongu no khochile moe, I no nongu pütsa kelo, nongu no ini tsümoe, ikemu nongu no kiu no I nhethe lo axine keno ti shike eno I no pulomo keu kishelu ke.”

JEREMIYA 19:7

A-a hipau lono I no Judah ngo Jerusalem kukughu kümsa shivetsü nani, pano timiqo ye ghüyi lono wove nani, eno pano küxü phuche kemi u lo ilove nani. Panongu kumo ye aghau eno tüghashi chuqupu shive nani.

HOSIYA 11:6

Azütakikihi no pano mishighüna jole nani, pano khagho lo aküptasüqo kuboleve tsü nani, eno panow lapiyemi ghenguno pano kütsave nani.

HABAKUK 3:5

Pa züu no küsükini puwu, eno püsa no Pa nepa pape ke.