ACHINE 25:34 - Sumi Naga CL (Re-edited) Bible (BSI)

³⁴ Ikemu Levimi phughi lo achu kümza yeghi ye jemoni; kughengu ti ye alholo pano mheghi ke.

BAIBEL (BSI)

³⁴ Ikemu Levi laghami phughi sumxa pesu akeu achukumzapu yeghiye khilemu jekepu kumoe; tiye alhokupuju pano mheghike.

ACHINE 25:34 Referans Kwoze

ACHINE 25:23

“Ayeghi ye alhokuthu ghenguno jeve moni, kughengu ayeghi ye Iw eno nongu ye I yeghi lo inaghami eno kachenami ke.

ACHINE 25:33

Panongu no pano phughi lo aki jeve namu, Jubilee lono tsüchile lunani. Kughengu Levimi phughi lo aki akeqo ye Israelmi gholo tino pano mheghi ke.

YEKIKITHI AKINIU 31:19

Aaron nuli achinemi, mishighüna lo aqoaho yeghi lo küghüna akeqo ghengu ye, mishighüna kutomo lo timi khami ajuaje kuphe no süküsü shino tipaqo pelo kihiküsü lo akemi achinemi kiptimi thaqhü lau asaje kijetsü penike pichetsü, tihutoi Levimi lau ghi tishipe.

EZEKEL 48:13

Achinemi ghüna phivilo Levimi ye asaje lakhi akushulau kilometer 12 eno akijelau kilometer 5 qhilo. Ayeghi tipau kupuju ye akushulau kilometer 12 eno akijelau kilometer 10 shini.

EZEKEL 48:14

Panongu ye tipau jemo momu kili moni. Panongu ye ayeghi saje akighiche hipau kotha pühave monani, kughengu ti ye Ampeu zülo akimthe ke.