ACHINE 24:14 - Sumi Naga CL (Re-edited) Bible (BSI)

¹⁴ “Timi tipau sasü aghazü khalau ipevelo, paw ghukusho chilu kemi no pa kütsü lo au beno thopi shivepe, eno aqoaho kuchopu no atu pesü veqhive lo.

BAIBEL (BSI)

¹⁴ “Timi tipau ye ngochekeu-a lono saipevelo. Timi khijeno pano ghusho keu chilu keno tipaqono au pesu timi tipau kutsu shou bepuzu paye kuquve kepi ashepe shilo eno aqoaho kuchopu ghano atu pesu pa veqhi pithivelo.

ACHINE 24:14 Referans Kwoze

ZAKINIU 17:7

Thopimi paghi no atu pesü veqhini, tithiu no kütami no atu pesü veqhini. Hipa ghola lono alhoksa nongu dolono shipühave lo.

ZAKINIU 21:21

Tileno mishighüna lo küami kümtsü no atu pesü pa veqhiveni. Hitoi alhoksa ye nongu dolono shipühave lo eno Israelmi kümtsü no chilu no msave nani.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

ACHINE 20:2

“Israelmi vilo pilo, Nongu gholo momu inaghami nongu gholo akemi khuu no pa tianuli pesü Molekh mllave peniye tsüni keno, aqoaho kümtsü no atu pesü veqhiveni.

John 8:59

Ikelo panongu no pa veniye atu ikhilu, ikemu Jisü no itshüve no achineki lono ipeve.

JOSHUA 7:25

Eno Joshua no pi, “No ye kushiye aghime ni lau süghi kea? Ishi tsala lono Ampeu no o lau aghime süghi ani.” Eno Israelmi kümtsü no atu pesü Achan veqhi pithive. Panongu no atu pesü veqhive eno ami lono pitive.

ZAKINIU 22:21

panongu no li sasü papu ki hukikha lo wuno tilauno mishighüna lo kiptimiqo no atu pesü li veqhi pithiveni, kughengu li no apu ki lono kütüqhave keu vecheo Israel lo akukujopu kümla shike. Hitoi alhoksa ye nongu dolono ikhiveni.

ACHINE 13:46

Aküsü puake tivilo pa ye mithekumo lo anani, pa ye lomoshi aghazü khalau ngoni.

ACHINE 24:13

Tile Ampeu no Moses vilo pi,

ZAKINIU 17:5

tileno kiptimi totimi khuu no hi alhoksa shi keno, pa sasü aphughi khagho lo ipe no atu pesü veqhi pithive lo.

KUKAMI ATUGHIU 21:10

Eno küsaküghami kini pesü pa zülo küghüqa no pama pelo pa nguku pelo, ‘No ye Alhou ngo akükau ghushovae.’ Tishino pa sasü aphughi khalau ipe no atu pesü veqhive lo.”