ACHINE 20:2 - Sumi Naga CL (Re-edited) Bible (BSI)

² “Israelmi vilo pilo, Nongu gholo momu inaghami nongu gholo akemi khuu no pa tianuli pesü Molekh mllave peniye tsüni keno, aqoaho kümtsü no atu pesü veqhiveni.

BAIBEL (BSI)

² Israilmi vilo pipenike pi, “Nongu gholo momu inaghami nongu gholo xu akemi khuuno pa tianuli pesu Molek julho mllakeulo peitha peniye tsuni keno aqoaho kumtsu ghano atu pesu pa veqhivelo.

ACHINE 20:2 Referans Kwoze

ZAKINIU 21:21

Tileno mishighüna lo küami kümtsü no atu pesü pa veqhiveni. Hitoi alhoksa ye nongu dolono shipühave lo eno Israelmi kümtsü no chilu no msave nani.

ACHINE 24:23

Moses no hitoi Israelmi vilo pive kethiu panongu no ghukusho tsa pikeu timi sasü aghazü khalau ipeve no atu pesü veqhi pithive. Ampeu no Moses azah tsüke toi Israelmi no shive.

ACHINE 24:14

“Timi tipau sasü aghazü khalau ipevelo, paw ghukusho chilu kemi no pa kütsü lo au beno thopi shivepe, eno aqoaho kuchopu no atu pesü veqhive lo.

ACHINE 20:27

“Kiptimi na totimi namu tumumi momu kithixashemi küsütsa keu ye atu no veqhiveni; pa kithi ye pa makho shini.”

ACHINE 18:21

No ye o tianuli lakhimu pesü Molekh mllave penike tsükeu lono O Lhou je shipütha moni: Ni ye Ampeu ke.

Apostolmi 7:43

Nongu no Molekh phiki eno no lhou Rephan yepu julho hipaqo mlla niye mla ke; ikehu Babylon nguno hulau I no nongu haphe puwuve nani.’

EZEKEL 23:39

Kughengu kughou pama no asü-atu julho lau pama nuliqo akümllagho shi ghiqhive keno, tipau tsalani no pama no I kimthe chineki shikitiqe niye tile ighike. Eno julo, pama no I kilo shikeu ye hipau ke.

EZEKEL 23:37

Kughengu pama ye shupuvae, eno pama u lo aji hedape ani. Pamaw asü-atu julho sasü shupuvae, eno pama ye anuli khunoqo pama no punu keno tipaqo pesü achuqupu shi asü-atu julhoqo mllavae.

EZEKEL 20:31

Kughou nongu no now aghoqo ikhipe tsü eno nongu nuliqo ami lono mllani keno, nongu ye asü-atu julho pesü ishi tsala kutolo nongu ampi shikitiqeve anie. O Israel kibolomi, nongu ye I lau kighini kileni keshea? I no xüake toi, Ampeu Alhou no asheshu, nongu ye I lau kighinikile lumo nani.

EZEKEL 20:26

I no panoqo gho, panow anu anoghiu akümllagho vecheo panoqo shikitiqeve ke, tishikeu lono Ni ye panoqo kütsaveni ye ke. I no tishikeu lono Ni ye Ampeu kepi panongu pelo ithi peniye ke.

JEREMIYA 32:35

Panongu no Hinnom Nu Khila lo Baal ghenguno qhemghai ke-a mlape qhi, I no azah tsümo momu I kükümsü lomu iloghimo keu Molekh lhou lau panongu tianuliqo pesü aghashi, hitoi aphikümqhüpu shikeu lono Judah pelo axine shipeke.

JEREMIYA 7:31

Panongu no pano pu-angaqo piti nike I no azah tsümo keu momu I kükümsü lomu küha keu Hinnom Nu Khila Topheth lo qhemghai ke-a mlae.

LESHELE 106:38

panongu no pimihami ji pele, ti ye pano nuli eno pano ngaqo ji, khikhi panongu no Canaanmi julhoqo lau aghakishi shive keno tipau ke, eno ayeghi ye aji vecheo shikitiqeve ke.

YEKIKITHI AKINIU 33:6

Pa nuli küghape Hinnom Nu Khila lono piti mlla, eno asakiqhi, küdüu, asheazü tsa kipimi, tumumi, eno kithixashemi peitha. Ampeu zülo shishe axine shikeu lono pa no Ampeu mlo shikighide tsü.

YEKIKITHI AKINIU 28:3

Pa no Hinnom Nu Khila lono akümllagho tsüno pa nu pesü akipti kümllagho shive, ti ye Ampeu no Israelmi zülono hapheve keqo shiaye no aphikümqhüpu khuaye peche ketoi shike.

KUKAMI AKINIU 23:10

Hinnom Nu Khila lo Topheth julho pa no shipüthave tsü, tishino khuu pelomu anu momu anga pesü Molekh lau akipti kümllagho tsüpe move.

KUKAMI AKINIU 17:17

Panongu no pano tianuli pesü aghashi shive, asakiqhi ngo atumu lono pano pesü axine lo jesüve, tishikeu lono Ampeu mlo shikighide tsüe.

ZAKINIU 18:10

Nongu tianuli pesü akiptia lono piti mlla moni; now timiqo ye hipaqo pepimhe moni, asakiqhi, asheazü tsa kipi, atumu, eno küdüu,

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

ACHINE 17:15

Khukhumu lhoxü thive keu momu tüghashi no heqhive keu chuve aye, Israelmi na inaghami namu azü kuchhuve no aphimini ishiveni, eno avela kutolo mithemo niae; tithiu no pa ye mithelu nani.

ACHINE 17:13

“Israelmi na inaghami no gholo akemi khukhumu chukulupu shi-aghau veqhi kelo, pa ye ayeghi shou aji kighijive no ayeghimkhu no ti jonhaveni.

ACHINE 17:8

“Itaghi panongu vilo pilo, Israelmi na, inami nongu gholo akemi namu khuu no akipti kümllagho momu aghakishi shino

ACHINE 20:1

Ampeu no Moses pütsa no pi,

KUKAMI ATUGHIU 11:7

Pa no Jerusalem kipelau naghuto lo Moabmiw aphikümqhüpu lhou Chemosh ngo Ammonmiw aphikümqhüpu lhou Molekh ghenguno qhemghai ke-a mlatsü.

ACHINE 24:16

Khuu no Ampeu ghushoni keno aqoaho kuchopu no atu pesü pa veqhiveni.

ZAKINIU 17:2

“Ampeu nongu Lhou no nongu tsü akeu phughi lakhi lo kiptimi na totimi namu AMPEUw puloshoqhi shipixi keu vecheo Ampeu nongu Lhou zülo alhoksa shive no

ZAKINIU 22:21

panongu no li sasü papu ki hukikha lo wuno tilauno mishighüna lo kiptimiqo no atu pesü li veqhi pithiveni, kughengu li no apu ki lono kütüqhave keu vecheo Israel lo akukujopu kümla shike. Hitoi alhoksa ye nongu dolono ikhiveni.