ACHINE 19:16 - Sumi Naga CL (Re-edited) Bible (BSI)

¹⁶ Now timi gholo akimki tsa veküpha wumoni, timi lakhino pa küxü ghenguno atsakügha akelo pa lachile moni: Ni ye Ampeu ke.

BAIBEL (BSI)

¹⁶ Kutami ghili akimki tsa vekupha kevilo timi lakhino pa kuxu ghenguno atsa kugha aghiaye eno oshepeno pa kuphulu kepushi aghiaye pitsulo. Niye AMPEU ke.

ACHINE 19:16 Referans Kwoze

IPEKULU 23:1

“No ye alatsa veküpha moni. No ye akimki thopi shiniye kixikilami sasü au kumsho moni.

IPEKULU 23:7

Akimki shi ngukube keu lono putosülo, eno pimihami ngo achipiu mikuchomi pithi moni, kughengu Ni ye küsaküghami ngukube kepu kühave no pheve keu shimo nani.

AHOLE 20:19

Khunono timi xishi itsüwu cheni keno tuqhou zaleve cheni kehu titoi itikütüpa zale chekemi sasü kuloji kevilo.

EZEKEL 22:9

Nongu dolo aji peleni ye akimki tsa pikemi ani, eno naghutoqo shou iku no chusho chekemi ani; panongu no kipti-toti dolo mithekumo shie.

JEREMIYA 9:4

Kümtsü no pa kisüghümi launo kutokupui lo, eno athiküzümi khuu shoumu pükhübe kevilo, kughengu athiküzümi kümtsü pishikiqhimi ke, eno akisüghümi kümtsü no pishikiqhi shi itsüwu ke.

JEREMIYA 6:28

Panongu kümtsü kuthovi ghi hebide chekemi, kühakügha shi itsü cheni, panongu ye alazayi eno ayi; kümtsü küsakügha shikemi.

AHOLE 11:13

Khunono timi xishiwu cheni keno tuqhou zaleve cheni, ikemu aghungu lo pükhükulumi no tuqhou qhitsü cheni.

1 Peter 2:1

Tighenguno küsakügha, pishikiqhi, kühakügha, anhekushu, eno piküptha kümtsü qhivelo.

LESHELE 15:3

khunono pa mili pesü timi pipüsa chemo eno pa kisüghüu lau alhoksa shi chemo, momu pa küsau thogha chemo keno;

IPEKULU 20:16

“No ye o kisüghüu shou akimki thopi shimoni.

Titus 2:3

Topu layemi ghi titoi ghushoghili lo gihuküzüpu shimasae, xikishimi momu aji qüaxemi shikepu kumoe. Panongu ye akivi pesü timi shika masa,

2 Tim. 3:3

amlo kümkami, hasümla kemi, xikishi, ampi ghasükümla, ayiküsa, akivi kimiyemo kemi,

1 Tim. 3:11

Titoi pano nipuqo ghi mtsümishei kemi shimasa, kütami pipüsa kemi shimoni, ikemu tsükhüi kemi eno thokha lo pükhükulupu shimasae.

MATTHEW 27:4

eno pi, “Küqümo keu timi thechuve keu lono I no axine shivae.” Panongu no khochile, “Nino kiu shitsü lopi kea? Ti ye o makhoae.”

ZAKINIU 27:25

“‘Khukhumu pimimo kemi ji pele nike külügho lukeu ye müsüinivae.’ Eno timi kümtsü no ‘Amen,’ ipini.

JOB 17:5

Khuu no aküsami nhemgha luve niye pa thechuni keno pa tianuli nhethi ye icheve nani.

SAMUEL ATUGHIU 24:10

Ishi Ampeu no kishi atuki lo o pesü I u lo sütsü keno o nhethi no ithuluvae. Khami no I vilo o heqhive lopie, ikemu I no o püxüve eno ishi pi, ‘I mpeu shou ni ye I u süqhemoe, kughengu pa ye Ampeuw nukikishe ke.’

LESHELE 50:20

Nono iqa no o thiküzüu külakeu tsa pike; nono o thiküzüu ghi pipüthae.

LESHELE 101:5

Khuu no tuqhou no pa kisüghüu xishi jekuni keno I no kütsave nani. Khunono kumobei keu ju eno aqheküza mlo xapu ani keno ni ye kutuu mlae.

AHOLE 10:18

Kimthi kimxi keu küsüve aye pa ye akimki mili xapu ani, khukhumu xikishi tsa pichekeu ye anikhae.