ACHINE 18:8 - Sumi Naga CL (Re-edited) Bible (BSI)

⁸ No ye o za sazü moni, ti ye o pu shipütha keu paphie.

BAIBEL (BSI)

⁸ Noye apu nipu kutami sazu keu lono opu shiputha kevilo.

ACHINE 18:8 Referans Kwoze

1 Kor. 5:1

Nongu gholo kipti toti dolo mithekumo anipi kuchou tsa I lau pi ighivae, timi lakhi no papu nipu sasü küghüna anie pike ti ye Alhou mtha kemi gholou ghi kutuulu chemoe.

ACHINE 20:11

Milakhi no pa pu nipu gholo lakhi sazüve aye, pa pu shipütha anike pama gha pithiveni. Pama kithi ye pama makho shini.

ZAKINIU 27:20

“‘Khukhumu papu nipu sazüve no papu shipüthave keu ye müsüinivae.’ Eno timi kümtsü no ‘Amen,’ ipini.

ZAKINIU 22:30

“Timi khumu papu nipu sasü küla moni, kughengu ti ye papu shipüthave anie.

AMUS 2:7

Panongu no ayeghimkhu lono kumlhomi kütsü qoda eno iju akemi la tutsüghüve tsü; anu ngo apu pama gha aqelimi lakhi sazü no I je kimthe shikitiqe ke;

BOTHUBO 49:4

Azükuqo toi a-a shimoe, no ye akighiche shimo nani, kughengu nono o pu lüpa lo iku; tishino nono ti shikitiqeve—pa no I lüpa lo ikue!

EZEKEL 22:10

Nongu dolo kiptimiqo no panoqo papu phimini lhaphe tsü; khami no totimi no aji woake ghuloki lono anguka shi sazüe.

BOTHUBO 35:22

Israel no tipa yeghi lo küghüna akelo, Reuben no wuno papu nipu amishiu Bilhah shipüthave. Israel no tipa sütsa chiluve. Jacob nuli chighikini ye hipaqo:

ZAKINIU 23:1

“Timi khuu no aphighü lothi ikhive momu aphighü ghithave akeno, pa ye Ampeu hoho lo iloghi mla nani.