ACHINE 18:24 - Sumi Naga CL (Re-edited) Bible (BSI)

²⁴ “Thime hipaqo kiunomu nongu shikitiqepe kevilo, kughengu I no nongu zülono shiye haphe akeqo ye hipaqo vecheo mithe movae,

BAIBEL (BSI)

²⁴ Hipaqo kumla kughutha lono nolikhi nongu pesu mithemokeu shikevilo, kughengu Alhou kumthamiye hipaqo lono panoqo pesu mithemove achenike, Alhou kumthami nongu zuuno aghakhulo achekeqo eno AMPEU no hapheve akeqo tishianguno nongu pelo ilolu peniyeke.

ACHINE 18:24 Referans Kwoze

ZAKINIU 18:12

hipaqo shikemi ye Ampeu zülo aphikümqhüpu ke. Hi ghenguno nongu nhethe lono Ampeu Alhou no shiye hipaqo hapheve ani.

ACHINE 18:30

Tighenguno I no azah tsükeu gholulo eno nongu züu timi khunono aghakhu lo ache keno tipaqow aphikümqhüpu ghushoghili pape kevilo, eno tikithipu shikeu lono nongu ampi shikitiqe kevilo; Ni ye nongu Lhou Ampeu ke.”

1 Kor. 3:17

Khunono Alhou chineki kütsaveni keno Alhou no pa kütsave nani. Kughengu Alhou chineki ye akimthe eno nongu no tipau chineki ke.

JEREMIYA 44:4

Ikeghi I no nongu lau ishokibe I qemi tungkupmi puwu no pi, ‘O, I no mithi chekeu aphikümqhüpu hipaqo shi kevilo!’

ZAKINIU 12:31

Nongu ye tipa gholau no Ampeu mlla moni, kughengu Ampeu no mithi chekeu aphikümqhüpu jeli thokha panongu no pano lhouqo lau shicheni, panongu ye pano tianuliu thotsü ami lono pitipe pano lhou tsüve cheni.

ACHINE 18:3

Nongu no Egypt lo ache kelo panongu no xüche keu ghola pape kevilo, momu Canaanmi yeghi khile I no nongu sawu cheni keno, tipaqo ghola pape kevilo. Nongu ye pano khuaye pape xümoni.

BOTHUBO 15:16

Eno panongu ye tiqheli abidiu lono hile ideighi nani, kughengu Amorimi xine ye kupu mphike.”

AKIKIHI 35:34

Nongu no küghüna akeu yeghi shipixi moni, kughengu Ni Ampeu ye tile Israelmi gholo acheni ke.”

ZAKINIU 9:4

“Ampeu nongu Lhou no nongu zülono panoqo hapheve kethiu, nongu mlo lono, ‘I mikucho ghenguno Ampeu no I sasü ayeghi hipau pükhalu peke,’ ipi kevilo. Kuchou loye shiye hipaqo kixikila ghenguno Ampeu no nongu zülono panongu hapheve anike.

KUKAMI ATUGHIU 9:7

I no Israelmi tsükeu yeghi lono panongu hapheve nani, eno aki khikhi I je ghenguno shikimthe püani keno I nhethe lono ikhive nani. Israel ye ashiayeqo gholo küghakiche eno küthakügha shive nani.

EZRA 9:1

Tishive kethiu, hiyampemi no I lau ighi no pi, “Israelmi, achinemi eno Levimi ye aghakhu lo ashiaye, Canaanmi, Hittimi, Perizimi, Jebusimi, Ammonmi, Moabmi, Egyptmi eno Amorimi akeqo eno panow aphikümqhüpu lhoaye lono kütüta shimphi.

LESHELE 106:39

Ikehu panongu ye pano kümlaqo vecheo mithe move, eno pano kümlaqo sasü kütüqhauve ke.

ZAKINIU 9:5

Nongu mikucho momu amlo kimthe ghenguno nongu ye ayeghi hipau lo pükhalu niye anike kumoe, ikemu shiye hipaqo kixikila ghenguno Ampeu nongu Lhou no panongu hapheve anie, tishikeu lono Pa no nongu puasü Abraham, Isaac, eno Jacob lau ashoqhi shipüa keu iqhikumto niye ke.

XAKUTHAMI 20:5

Ikelo Gibeah lo timiqo no I lau akümla lhoksa shinike ighi no putho lono aki sühope ngove. Panongu no I pithiveni ye shi, eno I nipu amishiu shipüthave no li ye tipau lono thive.

XAKUTHAMI 20:6

Ikehu I no I nipu khape wove no aleqhi shi ghithape Israelmi no amheghi shi küghüna akeu ghakhu kümtsü lo tsüpuwue. Kughengu timi hipaqo no Israel lo aphikümqhüpu eno axeküsü shike.

XAKUTHAMI 20:10

eno ghüshimi ghenguno achuqupu pekishe kepushi Israel lagha kümtsü lono hitoi shini, timi 100 aghi keqo no 10 luni, 1,000 aghi keqo no 100 luni, timi 10,000 aghi keqo no 1,000 luni. Benjamin lagha no Israel lo axeküsü kümla shike ghenguno pano lochileni.”

YEKIKITHI AKINIU 33:2

Israelmi zülono Ampeu no shiye hapheve keqo no aphikümqhüpu khuaye pepimhe chekeu, pa no tipaqo pape kelono pa ye Ampeu zülo axine shive.

EZEKEL 36:17

“Timi nu, kughou Israel kibolomi no pano yeghi lo xüache keno, panongu no pano laghi eno pano kümla vecheo ayeghi shipixive ke. Pano laghi ye totimi lakhi no aqhilo mithekumo lo aketoi I zülo mithe move.