ACHINE 17:16 - Sumi Naga CL (Re-edited) Bible (BSI)

¹⁶ Ikemu pa no tishimo aye, pa ye akipimi ghenguno aghime puni.”

BAIBEL (BSI)

¹⁶ Pano tipau shimo aye paye kuquvekeu ghime punanike.

ACHINE 17:16 Referans Kwoze

ACHINE 5:1

“Khuana no küqüve no thopi shi penike aqha zülono inijuni, eno timi lakhino pa ye ithulu püani momu ithi ani kehu thopi tsülu nani kemu pimove aye, timi hupau kipimi pa no xapuni;

1 Peter 2:24

Pa phimpi lono Pa ampi no ni xine xapu kros lo ikuve, tishianguno ningu pelo axine küdau ye thive no amikucho lono xülu peniye ke. Pa ghüzaku vecheo nongu shipivi luvae.

IBRIMI 9:28

Khristo ghi timi kutomo xine puluve tsünike ghuthu lakhi pa ampi pephe tsüve kethiu ghuthu akiniu ipeghi nani. Ti ye axine peve tsüniye kumono pa khekulho shi akeqo xalu nani.

John 13:8

Peter no pa vilo pi, “No ye khilemu I pukhu qhumo nani.” Jisü no pa khochile, “I no o pukhu qhutsümo aye, no ye I gholo kuloji amoe.”

ISAIAH 53:11

Pa ngulho no ghichheghime shi akeu dolono Pa no juno aghapiqilu nani; I qeu, achipiu huno Pa lokütsü vecheo, timi kutomo pelo achipiu shilupe nani, eno Pa no tipaqo kipimi puluve tsünani.

ACHINE 20:17

“Timi lakhi no pa chepu momu pa chepukishe sasü külakupu shi aye pama ye aqha zülono shikukujo no aqoaho gholono hapheveni. Pa ye pa chepu sazüvae, ti ye atichepu, eno pa ye aghime xapu nani.

ACHINE 19:8

Khuu no tipau chuni keno ti ye Ampeu lau ikhiphepe tsüve keu kehu akipimi shivae, ikehu pa ye timiqo gholono hapheveni.

ACHINE 7:18

Pa ghakishi shi pekishewo aküthüni lono chu aye, akümllagho ikhilu tsüke kumono tsü akeu timiu ghi pa ye tsüvae pi kihitsü moae. Ti ye niqhinilaive akehu chuve keu no akümllagho tsükeu timi xineu ghi puniae.

ACHINE 18:1

Ampeu no Moses pütsa no pi,