ACHINE 1:9 - Sumi Naga CL (Re-edited) Bible (BSI)

⁹ ikemu kighinoli eno apukhuqo ye azü lono qhuveni. Achineu no tipaqo kuchopu akiptia lono achuqupu kümllagho, Ampeu lopu mülüi keu xo shi ghi pitiveni.”

BAIBEL (BSI)

⁹ Timi huno kighinoli ngo aluko qhuvemasa eno peitha akeu achineuno heqhi mllakeu kuchopu akiptia lono pitilo. Achuqupu kumllagho xo hipauye AMPEU lopu shi cheni.

ACHINE 1:9 Referans Kwoze

BOTHUBO 8:21

Kughou Ampeu no tsüngqüi keu xo münalu keno, Ampeu no Pa mlo lono ishi pi, “Ni ye itaghi khilemu timi xine ghenguno ayeghi müsüini moae, kughengu alhothe lonomu timi kükümsü kupulo ye küsaküghae. Ti kumono Ni ye I no shike toi itaghi khilemu lhoxüqo pügha kithemae.

ACHINE 1:13

ikemu kighinoli eno apukhuqo ye pa no azü lono qhuveni. Tishino achineu no tipaqo kuchopu ikhipe pitiveni; Ampeu lopu mülüi keu xo hino akipti kümllagho ke.”

Ephesiami 5:2

Khristo no ningu kimiye no Pa ampi pesü Alhou lau axokütsüngü eno aghakishi kümllagho shi tsüve ketoi kikimiye lono xülo.

2 Kor. 2:15

Kughengu khunoqo xaluve ani eno pühave ani keno, tipaqo gholo ningu ye Alhou lau Khristo xokütsüngü ke,

EZEKEL 20:41

Kughou I no ashiayeqo gholono nongu saipeghi eno kuthole püakeu ghakhuqo lono nongu hekütsüni keno, I no alokiqipu xokütsüngü toi nongu ikhilu nani. Eno shiye kümtsü nhethe lono I no I kimthe nongu gholo pephe piye nani.

ACHINE 3:11

Eno Ampeu lau achuqupu kümllagho shi achineu no ti kümtsü ikhipe akiptia lono pitiveni.

IPEKULU 29:18

eno ambetsü kuchopu akiptia lono pitive lo. Hi ye Ampeu lau akipti kümllagho lakhi, Ampeu lopu xokütsüngü achuqupu kümllagho ke.

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

EZEKEL 20:28

Kughengu kughou I no panoqo tsüni kepi tushoqhi keu yeghi lo panoqo saighi keno, panongu no khile khilemu atoghi qhemghai keu momu anipa miniboi keu sübo ithulu aye, panongu no tilau no aghakishiqo mlla eno tilau no aloghu shikighide keu kümllagho pephe tsüke; panongu no tilau no alokiqi xokütsüngü piti mlla, eno atsaizü kümllagho leqhike.

JEREMIYA 4:14

O Jerusalem, o xalu pekepu shi o mlo lono alhoksa qhuvelo. Khitohi o lolo kixikila kükümsü pekütsü püani kea?

LESHELE 66:15

I no athakupu lhoxü, amshitsü ghakishi shikeu tha pesü akipti kümllagho shi O mllani, I no amshitsü ngo ane pesü akümllagho shi tsüni.

LESHELE 51:6

Julo, No ye I mlo alou akikhi akeu lo azüvü cheni, eno Nono amlo tuqhou lono alokütsü I shika cheni.

ACHINE 9:14

Pa no azü no aboloshi eno apukhuqo qhuve no kuchopu akipti kümllagho gholono pitive.

ACHINE 8:21

Ampeu no azah tsüke toi Moses no aboloshi eno apukhuqo azü no qhuve no ane kupuju akiptia lono pitive. Tino mülüi keu xo kipti kümllagho, achuqupu kümllagho Ampeu lopu ke.

ACHINE 1:17

Pa no tipau chishibo tsüqüpe no sülaveni, ikemu sütha kütüta shimono akiptia lo ami iqü akeu lono pitiveni. Ampeu lopu mülüi keu xo hino akipti kümllagho ke.”

IPEKULU 29:25

Tithiu panoqo u lono tipaqo ikhilu no akümlla-khache shou no akipti kümllagho shi pitive lo, ti ye Ampeu lopu xokütsüngü, Ampeu lau achuqupu kümllagho lakhi ke.

ZEKHARIA 13:7

“O azütakikihi, ithu Iw ambekhemi mjochile lo, Timi khuu I shelo puthugho ani keno mjochile lo,” ipi aqokitikhiMPEU no asheshu. “Ambekheu ghiqhilo eno ambeqo ye apanaghave nani; I no itimiqo shou I u süqheni.

IPEKULU 12:9

Ashi ye aküxü momu lho no chumoni, ikemu akütsü, apukhu eno kighinoli gholono ghuveni.

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

AKIKIHI 15:3

eno ashoqhi shikupu keu momu pulokini kümllagho momu tiqhetini ghulhu ghenguno now lhoxü loji lono achuqupu kümllagho, akipti kümllagho, aghakishi kümllagho pesü Ampeu lopushi tsüngqüi tsüni keno,

AKIKIHI 28:11

Aqhi bothu lo Ampeu lau akipti kümllagho hitoi tsülo: tukutiye kühakeu mishitsü kini, anetsü lakhi, ampe lakhi mbetsü tsüni;

ZAKINIU 12:27

eno no kipti kümllagho, ashi ngo aji ishi pesü Ampeu nongu Lhou kümlla khache lono mllalo. Nongu ghakishi lhoxü ji ye akiptia lo lepukuve no ashi ye nongu no chuveni.

ACHINE 2:2

eno Aaron nuli achinemi lau süghini. Akümllagho qhoi pitipe Ampeu mllavae pi kümsülu apenike achineu no ashomkhu au kiye lakhi, thazü eno müsüghüta kuchopu ikhipe akiptia lono pitiveni, mülüi keu xo hino Ampeu lopu ke.

ACHINE 2:9

Achineu no kümsükulu saje aghulo süthape akiptia lono pitini. Mülüi keu xo hino Ampeu lopu ke.

ACHINE 2:16

Tithiu achineu no kümsükulu saje shesüve keu tikishi ngo thazü aghulo eno müsüghüta kuchopu ikhipe pitiveni: hino Ampeu lau achuqupu kümllagho ke.”

ACHINE 3:5

Tishino Aaron nuli no akiptia lo piti mlla akeu shou no hipaqo kümtsü pitiveni; Ampeu lopu mülüi keu xo hino achuqupu kümllagho ke.

ACHINE 6:14

“Hi no athi kümllagho yezah: Aaron nuli no Ampeu zülo akiptia gizüu süghini.

ACHINE 8:28

Tishino Moses no panoqo u lono ikhipe akipti kümllagho gholono pitive. Hino mülüi keu xo akimthepu lo ikhiphe tsükeu kümllagho, achuqupu kümllagho Ampeu lau tsükeu ke.

AKIKIHI 28:7

Ambeti lakhikhi gholo atsaizü kümllagho ahu lakhi tsülo. Akimthe-a lo atsaizü kümllagho mkamghai keu Ampeu lau leqhilo.

AKIKIHI 28:8

Ambeti lakhiu no tsüküzüu no mllani. Inaqhe athi kümllagho eno atsaizü kümllagho toi Ampeu lopushi tsüngqüi achuqupu kümllagho shi ghi tsülo.

YEKIKITHI ATUGHIU 6:34

Elkanah nu, Jeroham nu, Eliel nu, Toah nu,

YEKIKITHI AKINIU 4:6

Ti qhukimthe kepu chithakhu chighi mla, pungu no apeu küdau eno pungu no ahuu küdau qhi; hile no panongu pelo akipti kümlla lo peitha keqo qhuqhive peniye ke. Azütughuko ye achinemi pelo qhukimthelu peniye ke.

EZEKEL 40:38

Tile achebo lakhi ahukikha shisüpe khagho lo abo ae, tileno akipti kümllagho qhuche.