ACHINE 1:4 - Sumi Naga CL (Re-edited) Bible (BSI)

⁴ Pa no pa u pesü piti mlla niye akeu lhoxü kütsü lo inapeni, eno pa ghenguno lochile tsü penike süghi keu pa kümllagho ikhilu tsüni.

BAIBEL (BSI)

⁴ Timi tipauno pau pesu tipau kutsu inape lo eno tishi keu lono pa xine ikhisuwuve tsukeu kumllagho tipau ikhilutsu nani.

ACHINE 1:4 Referans Kwoze

ACHINE 4:26

Külakishi kümllagho lo toi, atha kuchopu pewo akiptia lono pitiveni. Hitoi pa xine ghenguno achineu no lokichile shitsü no pa kipimi qhivetsü nani.

ACHINE 4:20

Axine ghenguno amshitsü heqhipe mlla kelo toi, hipa kümllagho ghi titoi shini. Hitoi achineu no timiqo ghenguno lokichile shitsü no pano kipimi qhitsüni.

ACHINE 3:8

pa no lhoxü kütsü lo inape no kuposhukulu phiki zülono heqhini, eno Aaron nuli no aji pesü akiptia vehomxa leqhini.

ACHINE 3:2

Pa no pa kümllagho lhoxü kütsü lo inape no kuposhukulu phiki kulaghi lono heqhini, eno Aaron nuli achinemi no aji pesü akiptia vehomxa leqhini.

IPEKULU 29:15

“Tishino ambetsü lakhi süghi no Aaron ngo pa nuliqo pelo tipau kütsü lo au bepelo,

IPEKULU 29:10

“Kuposhukulu phiki zülo amshitsü saghilo. Aaron ngo pa nuliqo no amshitsü kütsü shou panoqo u beni.

1 John 2:2

Pa no ni ghenguno axine kümllagho shive tsüe, ni ghengu likhi no kumo püzü ayeghiqha kümtsü xine ghengu ghike.

Rommi 12:1

Tighenguno athiküzümiqo, Alhouw kimiyekini vecheo I no nongu hakite ani, nongu phimpi pesü aküxüpu kümllagho shi Alhou lau akimthe eno ikhikulupu shi tsülo, hi no nonguw aghungulo kümlla kuchou ke.

ACHINE 4:31

Külakishi kümllagho lo toi atha kuchopu pewo akiptia lono Ampeu lopushi mülüi keu xo tsünike pitiveni. Tishino achineu no pa ghenguno lokichile shitsü no pa kipimi qhivetsü nani.

IPEKULU 29:19

“Ambetsü lakhi saighi no Aaron ngo pa nuliqo no tipau kütsü lo au beni,

FILIPIAMI 4:18

Nongu no I tsüpuwu keu eno tinguno alau ghi ithuluvae. Nongu no Epaphroditus launo agho tsüpuwu keu ithulu ke ni ye lukümkha shivae, ti ye axokütsüngü kümllagho, Alhou lau ikhikulupu eno Pa pulou ghakishi ke.

ISAIAH 56:7

tipaqo ye I no I kimthe toghi lo saighi nani, eno I kighini ki lono alokivi nongu tsü nani eno nongu no akümlla-khache lo, akipti kümllagho ngo aghakishi kümllagho tsükeu ikhilutsü nani; Kughengu I ki ye ashiaye kümtsü ghenguno akighini ki ipi ku nani.”

AKIKIHI 15:25

Achineu no Israelmi qoaho kümtsü ghenguno lokichile ghakishi shini eno tithiu no panongu kipimi qhive tsüni, kughengu ti ye pimive keu kehu panongu no pano kipimi ghenguno achuqupu kümllagho ngo axine kümllagho pesü Ampeu lau süghive ake.

ACHINE 16:24

Pa no akimthe-a lono azü kuchhuve no pa phimini pepusü ipeghi püzü pa eno timiqo ghenguno akipti kümllagho tsüni.

ACHINE 16:21

Pa no au kinikujo pesü ane kütsü lo inape no Israelmi kixikila, hekibide, eno axine kümtsü tipau shou pi pukuni. Pa no tipaqo pesü ane kütsü lo pukuve tsüno timi lakhi pichebe püakeu no ane hasasü asayeqha lo wuveni.

ACHINE 9:7

Pa no Aaron vilo pi, “Akiptia kupunu wuno o xine kümllagho ngo o kipti kümllagho shino no eno ow timi ghenguno lokichile shilo, eno Ampeu no azah tsüke toi timiqo kümllagho süghi no pano ghenguno lokichile shitsü lo.”

ACHINE 8:22

Tishino Moses no anetsü lakhiu akimthepu lo ikhiphe tsükeu kümllagho saghi, eno Aaron ngo pa nuli no au pesü anetsü kütsü lo inape.

ACHINE 8:14

Tithiu Moses no axine kümllagho mishitsü saghi, eno Aaron ngo pa nuli no au pesü amishi kütsü lo inape.

ACHINE 4:35

Külakishi kümllagho shikelo ambe ghapheu tha luve cheke toi achineu no atha kuchopu ikhipe Ampeu lau achuqupu kümllagho tsü chekeu kiptia shou no pitiveni. Tithiu achineu no timi hipau xine ghenguno lokichile shitsü no pa kipimi qhivetsü peni.

ACHINE 4:29

Pa xine ghenguno aghashi akeu lhoxü kütsü lo pa u pesü inape no akipti kümllagho-a lono heqhini.

ACHINE 4:24

Eno pa u pesü ane kütsü lo inape no Ampeu zülo akipti kümllagho lhoxü heqhi cheke-a lono heqhini; hi no axine kümllagho ke.

ACHINE 4:15

Eno aqoaho lo layemi no pano u pesü amishi kütsü lo inape no Ampeu zülono tipau heqhini.

ACHINE 4:4

Pa no amshitsü sasü kuposhukulu phiki kulaghi lo ighi no pa u pesü tipau kütsü lo inape no Ampeu zülono heqhini.

ACHINE 3:13

Pa no pa u pesü tipau kütsü lo inape no kuposhukulu phiki zülono heqhini, eno Aaron nuli no aji pesü akiptia vehomxa leqhini.

IBRIMI 10:4

Kughengu amshitsü ji ngo ane ji ye khilemu axine ikhive tsümlae.

Rommi 5:11

Tinguno alau, ni Mpeu Jisü Khristo ghenguno ningu ye Alhou lau külashilu kehu nino Pa vecheo Alhou lau aloviqhiyi acheni.

Rommi 3:25

Khristo no axine pevekulupu ghakishi shikeu aküpülü lono ikhilu peniye Alhou no Pa pephetsü. Hi ye Alhou chipiu-mikucho piyeni kehue, kughengu Paw kheakulu vecheo Pa no püzüu xineqo juzüve tsüe.

DANIEL 9:24

“Ow timi eno ow akimthe mishighüna ghenguno hekibide tave, axine kishekhave, küsakügha ghenguno aghashilu, pülhapuju achipiu mikucho süghilu, kungunhetsü ngo tungkuptsa mekhave, eno shishe akimthe-a nukishelu peniye apinedo lhotsüni za tsüvae.

AKIKIHI 25:13

tino pa eno pa limi pesü pülhapuju lo achinemi shiche peni keu puloshoqhi shivae, kughengu pa ye pa lhou ghenguno müamzü shi, eno Israelmi ghenguno lochile tsüke.’”

AKIKIHI 15:28

Eno achineu no Ampeu zülo timi püthapütsano kumono pimive keu ghenguno lochile tsüni, eno pa kipimi ye pevetsü nani.

AKIKIHI 8:12

Tishino Levimi no panongu u pesü amshitsü kütsü lo beni, eno panoqo ghenguno tha-lo tsünike amshitsü lakhi no axine kümllagho eno lakhiu no akipti kümllagho shi Ampeu tsüni.

ACHINE 22:27

“Kughou amshiti, ambeti, momu aneti pitini keno, atsala tsüni dolo aza gholo qhini, eno tithiu ye achuqupu kümllagho shi ikhilutsü nani.

ACHINE 22:21

Milakhi no ashoqhi shikupu niye momu pulokini kümllagho shi külakishi kümllagho ghakishi Ampeu tsü kelo, ti ye tukutiye kühakeu lhoxü shini.

ACHINE 6:7

Achineu no Ampeu zülo timi tipau ghenguno lokichile shitsüni, eno pa xine khipaqo vecheo akipimi shive keno kümtsü qhive tsüni.

ACHINE 5:6

eno küqüve keu xine ghenguno Ampeu lau lokichile shi ambe na ane namu aqu alhothe lakhi süghini. Tileno achineu no pa xine ghenguno lokichile shitsüni.

IPEKULU 28:38

Ti ye Aaron kishe lo akütsü küzüphi lo dapuni, eno Israelmi no akimthe gho shi pephe tsükeu lo kiukiu kipimi aghimu Aaron no puveni. Pa ye alhokuthu pa kishe lo tipau xapuni, tishianguno Ampeu zülo ikhikulupu shi nani.

IPEKULU 29:33

Panoqo pesü akimthepu shikelo axine pevekütsü chini keu lo kiu peitha keno tipau panongu no chuni, ikemu kütami ye tipau chumoni kughengu tipaqo ye akimthe ke.

ACHINE 4:33

eno pa no lhoxü kütsü lo inape no akipti kümllagho lhoxü hekiqhi-a lono heqhini.

AKIKIHI 8:10

Kughou nono Levimi sasü Ampeu zülo ighini keno, Israelmi no panongu u pesü Levimi shou beni,

EZEKEL 45:15

Axine peve tsünike ghenguno athi kümllagho, akipti kümllagho, külakishi kümllagho gholo Israel yeghi lo azü akeu-a lo atsüni mzachu chekeu ambe loji aqhe kini akelo lakhi pesü tsülo ipi Ampeu Alhou no asheshu.

ACHINE 8:18

Tithiu pa no akipti kümllagho shinike anetsü saghi, eno Aaron ngo pa nuli no au pesü anetsü kütsü lo inape.