3 John 1:11 - Sumi Naga CL (Re-edited) Bible (BSI)

¹¹ I qhuu, akivi kühakileni thono alhoksa kühakile kevilo. Khukhumu akivi mla chekeu ye Alhou laumi; khukhumu alhoksa mla chekeu ye Alhou ithulu mphie.

BAIBEL (BSI)

¹¹ Kimiyeche keu, alhoksa pape kevilo ikemu akivipu papelo. Khunono akivipu shi cheni keno panoye Alhou laumike; khunono alhoksa shi cheni keno paye Alhou ithulu chemoe.

Sümi Tiqhelimi Bible

¹¹ Kimiye chekeu I küsàu, kiu no küsakügha keno tipau kishishi kevilo ikemu kiu no akivi keno tipau kíshi shilo. Khukhumu akivi shikeu ye Alhou lau no ighi kemi ke. Khukhumu kiu no küsakügha keno tipau shikeu ye Alhou ithulu mphie.

3 John 1:11 Referans Kwoze

LESHELE 37:27

Alhoksa lono tsüghüve no akivi mlalo; nongu ye alholo ache nani.

Ephesiami 5:1

Tighenguno Alhou no qhuivü keu nuliqo akehu Alhou kimihi shilo.

1 Peter 3:11

pa ye alhoksa lono tsüghüwo akivi mla eno aloino keu phuno ti püzüsü wulo.

John 3:20

Alhoksa kümla shi chekemi kümtsü no aküvü mithi cheni eno pano kümla ithuluve nosa kehu aküvü lo ipeghi chemoe.

LESHELE 34:14

Alhoksa lono tsüghüve no akivi mlalo; aloinokeu phulo eno ti papelo.

1 Peter 3:13

Nongu no akivipu shinike aküxü kütsüshi cheghi aye khuu no nongu shipüsa luni kea?

2 Tim. 3:10

Ikemu no ye hipaqo lo I pape luvae: Iw shiküka, ghushoghili, I küxü kimji, I küpülü, Iw kutuukulu, I kikimiye, I no ithamo keu,

1 John 2:29

Tsala nongu no Khristo ye amikucho kepi ithi aghi aye, achipiu-mikucho pesü xüche kemi kümtsü Alhou nuli kepi nongu no thebeilu nani.

1 Thes. 2:14

Nongu athiküzümi no Judea lo Khristo Jisü gholo Alhou kukuhou akeqo kimihi shilue. Kughengu panongu no Jewmi launo ghime keu sholuke toi nongu ghi no ghakhumi launo aphiphi sholue.

1 Thes. 1:6

Nongu no ningu eno Ampeu kimihi shike, kughengu nongu no aghime kitikhi lono Aghungu Kimthe lokivi pesü atsakiviu ikhilu,

John 12:26

Khuu no I qeni keno pa ye I pape masae; I no khile ani keno I qemi ghi tile anani. Khuu no I qeni keno I pu no pa gihu nani.”

John 10:27

I mbeqo no I sütsa chilu cheni, I no panoqo ithi eno panongu no I pape cheni.

IPEKULU 23:2

No ye küsakügha shiniye amqo akichiu gholo ikiqi ilomoni, momu achipiu xakütha tuchighi niye amqo akichiu küdau shino atsa kükügha lo thopi shimoni,

IBRIMI 6:12

tishianguno nongu ye qeinaive mono khunono aküpülü eno kheakulu vecheo pikiqhitsa ighilu keno tipaqo kimihi shilu peniye ke.

1 Kor. 11:1

I no Khristo kimihi shike toi nongu ghi I kimihi shilo.

1 Kor. 4:16

Ikehu I toi shilopi I no nongu hakite ani.

AHOLE 12:11

Khuu no pa yeghi chipheni keno achuqupu pofushi cheni, ikemu ameküküha laghi phukeu ye kümsükulu kühae.

FILIPIAMI 3:17

Athiküzümiqo, I kimihi shilo, eno nino kichekipiye shi püatsü keu kiqi lono xücheghi kemi shou jupukulo.

1 John 3:10

Khunono Alhou nuli eno khunono tüghami nuli keno hipau lono michilu ani: achipiu-mikucho pesü xümo kemi ye Alhou laumi kumo, tike kumo athiküzümi kimiyemo kemi ghi Alhou laumi kumoe.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae