2 Tim. 3:16 - Sumi Naga CL (Re-edited) Bible (BSI)

¹⁶ Kuchoyesü kümtsü Alhou no müzüphe tsüe, ti ye kuchou shiküka lo, sakiyi keu lo, shikithekütsü lo eno amikucho qokiphe kümtsü lo peithalu nani,

BAIBEL (BSI)

¹⁶ Kughengu Kuchoyesu kumtsu Alhou no muzuphetsu keuke eno kuchou kutsupiyeni keu, akumou shiaghikelo alomipi nikeu, shipimikeulo shikithe nikeu eno achipishi xupenike akukutsu tsu nikeu, tipaqo kumtsulo peithakulupue,

Sümi Tiqhelimi Bible

¹⁶ Kuchoyesü kümtsü Alhou no müzüsütsü keu ke eno kütsü nikeu, alomipi nikeu, shikithe tsü nikeu eno achipiumikucho lo qophe nikeu ghenguno peithakulupu ke,

2 Tim. 3:16 Referans Kwoze

Rommi 15:4

Khaghi ghuloki lono kiu yepe qhive keno ti ye ishi ningu qoputhu niye ke, tishianguno Kuchoyesü lo kheakulu eno shikumtokütsü vecheo ningu pelo lajupu apeniye ke.

IBRIMI 4:12

Kughengu Alhou tsa ye aküxüküa eno aküka ani, putoputo zütakikihi nguno akütsüghau, angulho eno anguagha, aqüki anhüki kikije-a kutolo ghitha ilo chekeu, eno amlo akükümsü lo akeu kutolo jupililu chekeu ke.

Mark 12:24

Jisü no panoqo khochile, “Nongu no Kuchoyesü na Alhou küka namu ithi chemo kehu hi ghenguno nongu ye küqü anike kumo?

LESHELE 119:9

Lhothemi lakhi ye kishino pa laghi mqhamqhilu nani kea? O tsa kiqi lono pa laghi jukuto keu vecheo ke.

AHOLE 6:23

Kughengu azakütsü ye akulu lakhi, shiküka ye aküvü, eno shikümzü niye sakiyi keu no aküxü laghi ke.

2 Tim. 4:2

ado ghuloki akivi na monamu atsa pesü sheshulo, thokha lo kutuukulu eno shiküka pesü shikithetsü, sakiyi eno shikumto tsülo.

LESHELE 119:11

I mlo lo O tsa pekütsü luvae, tishikeu lono ni ye O hebide keu xine shimo niye ke.

LESHELE 119:130

O tsa hephopiye keu no aküvü tsü cheni; tipau no akümthami lau vethakulu süghi cheni.

SAMUEL AKINIU 23:2

“Ampeu Ghungu no I vecheo pi; Pa tsa ye I mili lo anie.

AHOLE 15:31

Aküxü kütsü shi shikümzü kelo chilu aye alokütsümi gholo xünani.

2 Tim. 2:25

eno mtshaminhei pa mjochile kemi shikithe tsü masae. Ishiake Alhou no pano pelo amlo xaidelu no kuchou ithilupe nani,

ZAKINIU 4:36

Pa no nongu ghasüni ke kungugha lono Pa sütsa nongu pelo chilupe. Ayeghi lono nongu pelo Paw miküqü kije ithulupe, eno nongu no ami lono Pa sütsa chilue.

Apostolmi 20:20

Ni ye nongu kuphulu kepu tsa süchile mono mishi gholo eno aki-aki lono shika püani.

John 3:20

Alhoksa kümla shi chekemi kümtsü no aküvü mithi cheni eno pano kümla ithuluve nosa kehu aküvü lo ipeghi chemoe.

MATTHEW 13:52

Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”

Apostolmi 18:25

Pa ye Ampeu laghi lo akivishi shika puthuve kemi. John baptizkishi likhi ithi keghi aghungu lono azükini shi akehu, pa ye Jisü ghili mtsümishei pesü pikülha eno shika ae.

Rommi 2:20

eno mbomzümi qokipheu, itimi shikükau, Ayezah lo akighithi ngo kuchou ghili akeqo ye o lolo anie pi aghi aye—

NEHEMIA 9:20

O Ghungu kivi Nono panongu tsü, pano launo Ow manna süchileve moe eno pano tüghü ghenguno azü tsüke.

Galatiami 3:8

Kuchoyesü no azünatha ghi Alhou no Jewkumomi pelo aküpülü vecheo achipikalu penani pi ithi akehu azüu no Abraham lau atsakiviu pikülha no pi, “O vecheo shiye kümtsü kümghatsü nani.”

IBRIMI 3:7

Tighenguno Aghungu Kimthe no piake toi, “Ishi tsala lo nongu no Alhou sütsa chilu aye,

1 Kor. 12:7

Aqo kivipu ghenguno milakhikhi lau Aghungu akeu pephe piye cheni.

Apostolmi 20:27

Kughengu Alhou kimji kümtsü pesü nongu vilo pikülha nike ni ye süchile püamoe.

AHOLE 15:10

Achipiu laghi pheve kemi ghenguno aghime kije ani, khunono shikümzü keu mithi cheni keno thi nani.

John 10:35

Khunoqo lau Alhou tsa ighi keno tipaqo pesü alhouqo kepi ku püaghi aye—eno Kuchoyesü ye pevemla ke—

MATTHEW 26:56

Ikemu tungkupmi no Kuchoyesü lo yepüa keu shikupu niye hi kümtsü shi ani.” Tileno akhopemi kümtsü no pa qhive no pove.

Apostolmi 1:16

“Athiküzü chelimiqo, Judas no Jisü küghakulumi lapiyeu shive keu ye Aghungu Kimthe no azünatha David vecheo pi püakeu Kuchoyesü shikupu niye ke.

MATTHEW 21:42

Jisü no panoqo vilo pi, “Nongu ye Kuchoyesü lo khilemu phimla aphi keshea? “‘Aki kishimi no atu kideqhive keu no atsükupu tuqu shive; hi ye Ampeu kümlae eno ti ye ni nhethi lo akichiqhipu.’”

Rommi 4:23

Ikemu, “Ti kihiluve tsü” ipikeu tsa ye pa ghengu likhi no ye ke kumono

IBRIMI 11:1

Aküpülü ye ningu no laju chekeu mtsüqhei shikulu, ithumla no achekeu thime ani kepi thebei tsükeu ke.

Rommi 3:2

Kuchou no pithuni keloye ala kümtsü lono thono, Alhou tsape ye Jewmi lau tsü paghie.

Apostolmi 28:25

Paul no atsa nhekha lakhi pive kethiu panongu dolo akükümsü küqha mlano ixawove: “Aghungu Kimthe no tungkupu Isaiah vecheo nongu puasü vilo ishi pikeu ye achipie:

Mark 12:36

David ampi no Aghungu Kimthe vecheo ishi shuphe keghi, “‘Ampeu no I Mpeu vilo pi, “I no o ghümi pesü o pukhu qholo qhitsü moke kutolo I u ajeu iqalo.”’

MICAH 2:7

Hitoi pi kepu keshea, O Jacob laghami? Ampeu ye kutuumla aya keshea? Hipaqo ye Pa kümla keshea? I tsapi ye müzüchoi cheche kemi lau akivi shilu chemo keshea?

MATTHEW 26:54

Ikemu tishive aye Kuchoyesü lo hitoi shimasae pi püakeu ye kishino shikupuni kea?”

MATTHEW 22:43

Tile pa no pi, “Imaye kushiye David ye Aghungu lono pa vilo Ampeu ipi kea? David no pike,

ZAKINIU 29:29

“Tuqhou thimeqo ye Ampeu ni Lhouw ke, ikemu thime pephe piyeve keqo no alhokupuju ningu eno ni tianuliqo salae, tishianguno ningu pelo Ayezah hipau lo akeu thokha shipeniye ke.

ZEFANIA 3:2

Li ye khuu sütsa mu ini chemo; eno shikithekütsü ikhilu chemoe. Li ye Ampeu pükhübe chemo; eno Alhou kupunu ighi chemoe.