2 Tim. 2:21 - Sumi Naga CL (Re-edited) Bible (BSI)

²¹ Tighenguno khukhumu alhoksa lono pa shikimthe luve aye, pa ye akhoto vehu lo peitha chekeu thime toi kishekimthepe aki Mpeu vehupu lo peitha kivishi akümla kivi ghenguno kutope qhinani.

BAIBEL (BSI)

²¹ Timi khunono alhoksa inapugha keu launo mithelu nikeno avehu akhotopulo pa peithalu nani, kughengu paye akumla kivipulo peitha kulupushi pa Mpeu lau ikhipetsuve keu shi kutope anike.

Sümi Tiqhelimi Bible

²¹ Khunoqo no pano likhi pano pesü inapügha peitha nikeu lono shikimthe pe qhini keno panongu ye paküta keu kimiji ghenguno küghaküsü shi peitha nani. Panongu ye akimthe shive tsü nani eno Ampeu ghenguno peithakulupu shi nani eno akümlà kivi shini keu ghenguno kutokughoi pe qhive nani.

2 Tim. 2:21 Referans Kwoze

2 Tim. 3:17

tishianguno Alhou timi pelo shitsa shilu no akümla kivi kümtsü lo kupukülailu peniye ke.

Ephesiami 2:10

Kughengu Alhou ye ningu pelo Khristo Jisü gholono Pa no azünatha kughu püake toi akümla kivi mlalu eno tipa lalo cheche peniye ningu pulhosüe, ikehu ningu ye Paw kütshakügha kümla ke.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

LESHELE 119:9

Lhothemi lakhi ye kishino pa laghi mqhamqhilu nani kea? O tsa kiqi lono pa laghi jukuto keu vecheo ke.

1 John 3:3

Eno khuu no Pa lau lajube cheni keno Pa no akimthe shike toi pa ghi pa ampi shikimthe luve cheni.

2 Tim. 2:20

Aki kuloghi lakhi lo ameshoyi ngo ghükayi nhemgha likhi achemoe, ikemu asü ngo ayeghi no shikeu ghi acheni, hami ye agigihupu vehu lo peitha cheni ikemu hami ye balha vehu lo peitha cheni.

ISAIAH 52:11

Nongu Ampeuw akimthe bohu xapuche keqo, wuvelo, wuvelo, tilehi no ipevelo, mithekumo nhemgha bu kevilo, tipa-a mta lono ipeve lo eno nongu ampi shikimthevelo.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

Apostolmi 9:15

Ikemu Ampeu no pi, “Wulo, kughengu pa no I je pesü Jewkumomi ngo kükami eno Israelmi zülo wu penike I no kishevae.

JEREMIYA 15:19

Ikehu Ampeu no ishi piani: “Nono ideighi aye, I no o pesü athoputho tsüni, eno nono I zülo puthugho nani. Nono ameküküha tsa kumono akughupu tsa pi aye, no ye I kichi shinani. Panongu no o lau tsüghü ighi nani, ikemu no ye panongu lau tsüghü wumo nani.

1 Peter 1:7

tishianguno nongu küpülü ye ghukimthepe athicho shilu peniye ke. Ameshoyi ye ami lono piti kimthe anamu pühave cheni, ikemu nongu küpülü ye ameshoyi nguno amekushou kehu Jisü Khristo pephe piye kelo shekiqhe, ajuküvü eno agigihu ithulu kepu shimasae.

1 Kor. 5:7

Nongu ye kuchou no kholaqhi sümokeu sho kehu kholaqhi aqau ye shikimtheve lo tishianguno asho kukunu kithe shinani. Kughengu niw Hechekulu mbe Khristo ye küghape aghashivae.

MALAKI 3:3

Pa no ghükayi ghukimthe eno thakimthe chekemi toi iqa nani, eno pa no Levi nuliqo shikimthe no ghükayi ngo ameshoyi toi panoqo ghukimthe nani, eno panongu no achipiu mikucho lono Ampeu lau akümllagho süghi nani.

Titus 3:14

Niw timiqo pelo amlo tsüqhiyi akümla kivi shikalu pelo, tishikeu lono avehu küküha küxü xümono avehupu shikütü akemi kuphulu peni.

Titus 3:1

Yepemi ngo kükagha kipemi qhoqhü penike panongu ghutu lo, aghokulu shino akümla kivi shinike kutolo pilo.

ISAIAH 1:25

I no nongu shou I u ghapukuni eno nongu baghu kümtsü ayi ghukimthe keshi pitive tsüni.

2 Kor. 9:8

Eno Alhou ye kupukuno shi nongu kümghatsü kulupu ani, tishianguno ado kümtsü lo kiukiu lomu nongu no avehupu shikeu lukümkha shilu nani, eno akümla kivi kümtsü lo nongu ye ikoishelu nani.

1 Tim. 6:11

Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

2 Tim. 2:16

Ikemu Alhou sümo keu tsa küghakile keu lo chhosü kevilo, kughengu ti ye alau timi sasü Alhou sümokeu lo wuve cheni,

2 Tim. 4:11

Luke likhino I gholo ani. Mark sasü o gholono ighilo, kughengu pa ye Ampeu kümla lo ighono I kuphulu cheni.