2 Tim. 2:10 - Sumi Naga CL (Re-edited) Bible (BSI)

¹⁰ Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

BAIBEL (BSI)

¹⁰ eno Alhou wu kishekiphemiqo ghenguno niye thwokha puqheluvetsu anie, tishianguno panongu ghi Khristo Jisu launo akimthe jekipino xakulupushi akeu ithulupeniyeke.

Sümi Tiqhelimi Bible

¹⁰ Tighenguno ni ye kisheluve kemiqo ghenguno thime kümtsü puqheluve acheni, tishianguno panongu ghí Khristo Jisü lolo xakulu gholo lhokta juküvüpu akeu ithulu peniye ke.

2 Tim. 2:10 Referans Kwoze

Kolosiami 1:24

Nongu ghenguno itehi I no aghime sholu akelo ni ye alovi ani, eno I phimpi lono Khristo no pa phimpi, ti ye akukuhou, ghenguno aghime shiwo tomono akeu I no shikupu tsü ani,

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

2 Tim. 2:3

Khristo Jisü ghüshimi kivi toi aghime lo asaje lulo.

2 Kor. 1:6

Nino shiluküsa sholu aye, ti ye nongu lokughunopu eno nongu xakulupu ghenguno ke; eno nino alokughuno shi aye, ti ye nongu lokughunopu ghenguno ke, ti ye nongu no niw shiluküsa atho sholu kelo kutuu puqhelu keu lono ipeghi cheni.

2 Kor. 4:17

Kughengu hi ado ikhonhei aghimepu sholu akeu huno ningu ghenguno kiunomu kimghi mla keu lhokta juküvü kutotsü ani,

1 Peter 2:10

Ghuthu lakhi lo nongu ye Alhouw timi kumono ae, ikemu itehi nongu ye Alhouw timi shivae; ghuthu lakhi lo nongu ye kimiyekini ithumla no ache, ikemu itehi nongu ye kimiyekini ithuluvae.

1 Thes. 5:9

Kughengu Alhou ye aloghu ghenguno aza po lono ningu iniveke kumoe, ikemu ni Mpeu Jisü Khristo vecheo xakulupu ithulu peniye ke,

Kolosiami 1:27

Alhou no panongu kishelu no Jewkumomi gholo ajuküvüpu kini kije pephe tsüke, ajuküvü lajupu huye Khristo nongu lolo akeu ke.

Ephesiami 3:13

Ikehu I no nongu ghenguno aghime sholu akeu jupe aghüthi süve kevilo, ti ye nongu gigihupu ghenguno ke.

2 Kor. 4:15

Hi kümtsü nongu ghenguno ke, tishianguno küpükini no timi lau alau ikowo kelo Alhou juküvüpu shi shikimthi kütsü ghi alau ikowo peniye ke.

1 Kor. 9:22

Miqemlei kemi gholo ni ye miqemleive, tishianguno ni ye panoqo saghi luniye ke. Kiukiu gholau nomu khami likhimu xalu niye ni ye timi kümtsü lau thokha kümtsü shike.

Rommi 9:23

Pa no hitoi shikeu ye Pa juküvü kinikülüshi akeu pesü khunoqo Pa no azünatha ghi ajuküvü küsajeni ke kuto püani keno, ti kimiyekini liqo, pelo ithi peniye ke,

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 17:9

Ni ye panoqo ghenguno inikhu ani. Ni ye ayeghiqha ghenguno inikhu amoe ikemu Nono I tsüve kemi ghenguno inikhu ani, kughengu panongu ye Ow ake.

John 11:52

eno shiye ghengu likhi kumono Alhou nuli apanagha akeqo kumqo sawo lakhi shini keu ghengu ghike.

MATTHEW 24:31

Afuko ghügha vekipighi igha no pa no paw kungumi puwu nani, ayeghi cheku bidi lono, eno atsütsü shekichi lono paw kishekiphemi panongu no hekütsü nani.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

MATTHEW 24:22

Alhou no tipa tsalaqo ghitha kughukhove tsümoke aye timi khumu xümla nani. Ikemu kishekiphemi ghenguno tipa tsalaqo ghitha kughukhove tsü nani.

AHOLE 8:35

Kughengu khunono I phuluni keno aküxüpu phuluvae eno Ampeu mlokiqipu shivae,

2 Thes. 2:14

Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

Luke 18:7

Imaye Alhou ye Paw kishekiphemi khunono putho pucho Pa lau ighamku cheni keno, tipaqo lau kuchou xakütha tsümoni keshea? Pa ye panoqo kuphuni ke süpushu nani keshea?

1 Kor. 1:21

Kughengu Alhou lokütsü kiqilo ayeghilomi no Alhou ithimo keke niw mbomzü kükütsü vecheo khunono pülülu keno tipaqo xalu keu no Alhou lopu shilue.

2 Kor. 12:15

I no aghikeu eno I küxü ghi pesü nongu ngulho ghenguno alokivishi tsüve nani. I no alaushi nongu kimiye ke ghenguno nongu ye akimkheu shi I kimiyeni keshea?

2 Tim. 1:1

Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,

2 Tim. 2:1

Tishiaye, I nu, no ye Khristo Jisü gholo küpükini akeu vecheo mtotoi shilo,

Titus 1:1

Paul, Alhou qüaxeu eno Jisü Khristow apostol no Alhouw kishekiphemi küpülü eno panow kuchou kighithi akimthe küxü lo sawu chekeu shiqhe tsünike yelu ani.

Luke 22:57

Ikemu pa no milive no pi, “Totimio, ni ye pa mthae.”