2 Tim. 1:16 - Sumi Naga CL (Re-edited) Bible (BSI)

¹⁶ Ampeu no Onesiphorus kibolomi shou küpükini tsü peniu, kughengu ghuthu kutomo lo pa no I ghüthi püxütsü eno I no akughu yikichhe lo akeu jupe kujomzave moe;

BAIBEL (BSI)

¹⁶ Ampeu no Onesifora no kibolomi kimiyeqhiyi tsupeniu, kughengu ghuthu kutomolo pano ilopivitsu cheke. Paye ino akughu yikichhelo akeu jupesu kujo-mzamoe;

Sümi Tiqhelimi Bible

¹⁶ Ampeu pelo Onesiphorus kibolomi shou kimiyekini pìye tsü peniu, kughengu ado kutomo lono pa no I lopivi tsüke eno I no akughu shi akeu ghenguno kujo keu shimo ke.

2 Tim. 1:16 Referans Kwoze

2 Tim. 4:19

Prisca ngo Aquila eno Onesiphorus kibolomi lau petha tsülo.

Philemon 1:20

Enoma, athiküzüu, ni ye o launo, thime hami ala shinishi ani thono. Khristo lono I ghüthi püxü tsülo.

Philemon 1:7

I thiküzüu, ni ye o kikimiye lono alokivi eno alokughuno shishe ithuluvae kughengu o vecheo küpülümi ghüthi püxü tsüke.

Ephesiami 6:20

hi ghenguno ni ye akughu shi akeu lashikami ke. I pelo msaighü mono pi apenike inikhu tsülo.

Apostolmi 28:20

Ikehu hipa vehu ghenguno ni ye nongu sasü kusho no küptsa niye kue, kughengu Israelmi lajupu ghenguno ni ye ayikichhe hipau no I tshüpe ani.”

IBRIMI 10:34

Nongu no akughumi gholo ime küqha, eno alokivishi no küakini ghi sükishe luvetsü peke, kughengu nongu ye küakini akiviu eno pülhapuju acheni keu thime aphi kepi nongu no ithi ake.

IBRIMI 6:10

Alhou ye achipiu kehu nongu no akümla eno kikimiye, Pa je lono küpülümi lau pephe püakeu eno itehi kutolo mu tishi akeu juzüvetsü nanike kumoe.

2 Tim. 1:18

Tipa tsala lo pa pelo Ampeu launo küpükini ithulu peniu! Pa no Ephesus lo akümla kivi thokha shi keqo nono akivishi ithi ani.

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

1 Kor. 16:18

I ghüthi püxütsü eno nongu ghüthi ghi püxü tsüe. Timi hitoi keqo ye gihuküzüe.

MATTHEW 5:7

“Kimiyeqhiyi chekemi kümghapue, kughengu panongu ye kimiyeqhiyi keu ithulu nani.

LESHELE 37:26

Pa ye alhokuthu nibonilei pünatsü cheni, eno pa tianuli ye kükümgha shi cheni.

LESHELE 18:25

Kimiyeqhiyi kemi lau Nono kimiyeqhiyi keu piye cheni; tukutiye küha kemi lau Nono tukutiye küküha piye cheni;

NEHEMIA 13:31

I no asü kümllagho ngo amsüu xathi küma ghenguno kishekulu shi kutove tsü. O Alhou, akivi ghenguno I kümsülu tsülo.

NEHEMIA 13:22

Tishino Sabbath tsala akimthe shi pini nike I no Levimi vilo pano shikimtheve eno wuno khaghoqo kheluve lo pi azah tsü. O Alhou hi ghengu ghi I kümsülu tsülo eno Ow iqemokeu kikimiye vecheo I pükhape qhitsülo.

NEHEMIA 13:14

Hipaqo ghenguno I kümsülu lo, O I Lhou, eno I no akümla kivi I Lhou ki ghenguno mla püakeqo ngo Pa qe huthu keu pühave tsü kevilo.

NEHEMIA 5:19

O I Lhou, I no timi hipaqo ghenguno mla tsükeu I kivi kümsülu tsülo.

RUTH 1:8

Ikemu Naomi no li mukishiu pama vilo pi, “Nokujo pütüta shelo apuaza kilo wovelo. Nokujo no thive kemi eno I tucho ighive ketoi Ampeu pelo kimiyeqhiyi nokujo tucho peniu.

SAMUEL AKINIU 2:6

Itehi Ampeu pelo iqemokeu kikimiye eno pükhübekulu nongu lau pephe piye peniu. Eno I no nongu lau akivi mlani kughengu nongu no hi shike.

Apostolmi 21:33

Zatsüu no ighi no Paul küghape ayikichhe kini pesü pa tshüve lopi azah tsü. Pa no Paul ye khuu eno kiu shive keno ighiju.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

2 Tim. 1:17

ikemu kughou pa no Rome lo ighi keno pa ye khekulho shi I phusü ighi no I sasü kusholue.

JEREMIYA 39:17

Ikemu tipau tsala lo I no o xaphelu nani, ipi Ampeu no sheshu ani, o pesü nono msa akemi u lo süvetsü monani.

MATTHEW 25:17

Titoi ghüka 2,000 ithulu keu ghi tipaqo pesü ghüka 2,000 ala kimje luve.