2 Tim. 1:14 - Sumi Naga CL (Re-edited) Bible (BSI)

¹⁴ Aghungu Kimthe ni lolo akeu vecheo, agho kivi o pichebe püakeu jukutolo.

BAIBEL (BSI)

¹⁴ Aghungu Kimthe nilolo achekeu huno aghokivi opichebe puatsukeu hu jukutolo.

Sümi Tiqhelimi Bible

¹⁴ O pichetsü keu toi kuchou vehu khekuto lo. Aghungu Kimtheu khuu ningu lolo acheni keno tipau kukuphu vechewo khekuto lo.

2 Tim. 1:14 Referans Kwoze

John 14:17

ti ye Kuchou Ghungu ke. Ayeghilomi ye pa ikhilu mla nani, kughengu panongu ye pa ithulu chemo momu ithi chemoe. Ikemu nongu ye pa ithi ani, kughengu pa ye nongu lolo ani eno nongu sasü anani.

Rommi 8:13

Kughengu nongu no ashi gholau no xü aye nongu ye thinia, ikemu Aghungu lono xü aye ashi phimpi lo axine kümtsü pithi luve ani kehu nongu ye xü nani.

1 Tim. 6:20

O Timothy, o pelo jukuto peniye tsüpüa keu, khekuto lo. Alhou sümokeu tsapi eno kumomu “akighithi” ipi no kighekile chekeu launo putosülo.

2 Tim. 1:12

tighenguno ni ye ishi aghime shi ani. Ikemu ni ye kujo chemoe, kughengu I no khuu pülü cheni keno ithi ani, eno I no thebei ithi anike kihitha püakeu tsala tomoke kutolo, I lau kiu pichebe püani keno, tipau Pa ye süshope qhinani.

1 Kor. 3:16

Nongu ye Alhou chineki eno Alhou Ghungu no nongu lolo acheni kepi mtha keshea?

Rommi 8:9

Tishimu Alhou Ghungu no nongu lolo aghi aye, nonguu ye ashi lono kumono Aghungu lono xücheni. Khukhumu Khristo Ghungu küha keu ye Pa laumi kumoe.

1 Peter 1:22

Nongu no kuchou lau aghokulu shikeu vecheo aküsami dolo kimiyekile nike nongu ampi shikimtheve akehu, amlo tsüghükhüi shino kuchou no lakhino lakhi kimiye kilelo,

1 Thes. 5:19

Aghungu Kimthe ghapinhe kevilo.

2 Tim. 2:2

eno thopimi kutomo küa lono I no pikeu, nono chilu püakeu tsaqo pesü pükhükulumi khunono kütami shikalu nani keno, tipaqo pichebe lo.

1 Tim. 1:11

ti ye akümghapu Lhou juküvü lono Atsakiviu khikhi I lau pichebe püani keno, tipau kiqi lono ke.

Ephesiami 5:18

Aji shomzü kevilo, kughengu ti ye ghasükümlapu ke; ikemu Aghungu pesü nongu shepichhi lo,

Ephesiami 2:22

Alhou kungo-a shilu penike Aghungu vecheo itaghi nongu pesü kütami gholono shiqhe puku acheni.

1 Kor. 9:17

Tsala I no I pulou lono hi shiaghi aye, I sala ajume anani, ikemu I pulou lono shiaghimo aye, ni ye I pichebe kümla shiani.

Kolosiami 4:11

eno Justus ipi chekeu, Jisü ghi petha tsüpuwu ani. Alhou yekipe ghenguno I sasü mla küqha chekemi aphighüyiko ghave kemi ye hipaqo likhi ke, panongu no I lokughunotsü cheni.

Galatiami 2:7

Tike kumono Peter pesü aphighü yiko ghave kemi lau atsakiviu pikülha penike pichetsü ketoi I pelo aphighü yiko ghamo kemi lau atsakiviu pikülha penike pichetsü keu panongu no ithulue.

2 Kor. 5:16

Ikehu hinguno hilau ye ningu ye timi khumu ashi gholau no ikhilu moae. Ghuthu lakhi lo ningu no ashi gholau no Khristo ikhilu püaghi namu itehi ye tishi movae.

1 Kor. 6:19

Nongu phimpi ye Alhou no nongu tsükeu, nongu lolo akeu Aghungu Kimthe chineki kepi nongu ye mtha keshea? Nongu ye nonguw ke kumoe,

Rommi 8:11

Tsala akithi lono Jisü xüputhu keu Ghungu no nongu lolo aghi aye, Khuu no akithi lono Khristo Jisü xüputhu keno, Pa Ghungu nongu lolo akeu vecheo Pa no nonguw thiveni keu phimpi lo ghi aküxüpu tsü nani.

Rommi 3:2

Kuchou no pithuni keloye ala kümtsü lono thono, Alhou tsape ye Jewmi lau tsü paghie.

Luke 16:11

Tishi aye, nongu no ayeghi lo küakini peitha keu lo thotsü pükhükulupu shimlave aye, khuu no küakini kuchou pesü nongu pichetsü nani kea?