2 Tim. 1:10 - Sumi Naga CL (Re-edited) Bible (BSI)

¹⁰ eno itehi ye, ni xakuluu Khristo Jisü ipeghikeu vecheo, tihu pephe piye eno tishikeu vecheo akithi küka kishekhave tsüno aküxü ngo thimonikeu küka Atsakiviu vecheo aküvü lo saipeghi tsüke.

BAIBEL (BSI)

¹⁰ ikemu niXakuluu Khristo Jisu ipeghikeu vechewo itehiye ningu lau tipau pephepiyevae. Kughengu Khristo no akithi kuka kishekhave tsuke eno Atsakiviu vechewo akuxupu eno tsu-mavemla keu kuvu sughitsuke.

Sümi Tiqhelimi Bible

¹⁰ ikemu itehi ye ninguw Xakuluu Khristo Jisü ipeghive keu vechewo pephe-piyevae. Ikehu Khristo Jisü no atsakiviu vechewo akithí kütsakungovae eno khilemu thivemo nikeu eno aküxü hu pesü aküvü lo süghivae.

2 Tim. 1:10 Referans Kwoze

1 John 1:2

kughou aküxüpu tipau pephe piye keno, ningu no ithulu no ashepe shitsü, eno lhokta küxü khikhi Apu gholo ache püzü ningu lau pephetsü keno, tipau pesü nongu lau sheshu ani.

Rommi 16:26

ikemu itehi ye tipau lhapheve no tungkupmi kiyeqo vecheo Lhokta Lhou zakütsü kiqi lono shiye kümtsü lau kilethivae, tishikeu lono timi kümtsü pelo aküpülü lono aghokulu küxü lo ighilu peniye ke—

2 Peter 3:18

Ikemu ni Mpeu eno Xakuluu Jisü Khristow küpükini eno Pa kighithi lono thuwu alo. Itehi eno lhokta tsala kutolo Pa lau ajekipi shilo. Amen.

Titus 2:11

Kughengu Alhouw küpükini ye timi kümtsü xakulupu ghenguno ipeghivae,

1 Kor. 15:26

Aghümi ashekhau kütsa masakeu ye akithi ke.

Rommi 2:7

khunono kheakulu shi akivi kümla shikeu lono shekiqhe, agigihu, eno thimoni keu küxü phucheni keno, Alhou no lhokta küxü pesü panongu tsü nani;

2 Tim. 1:1

Alhou pulou vecheo eno Khristo Jisü lau aküxü akeu tsünike tushoqhi püakeu kiqi lono, Khristo Jisüw apostol Paul no,

Ephesiami 1:9

Paw tuqhou kukughu khikhi Khristo vecheo kimshitsü keno Pa no ningu lau kilethi tsüke.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

HOSIYA 13:14

Kithigha küka launo I no panoqo qhüchilelu nani; Akithi lono I no panoqo xachilelu nani. O akithi, ow püsaqo khile ania? O Kithigha, o sahu khile ania? Amlo ighiqhiyi keu ye I nhethe lono küsüvae.

Piyeküsü 22:17

Aghungu eno külaliu no pi, “Ighilo.” Eno khuu no hipau chiluni keno pa ghi ishi pilo, “Ighilo.” Khukhumu tüghüthi keu no ighilo; khuu no pulo ani keno aküxüpu zü ame sümono lulo.

Piyeküsü 22:14

Khunono aküxüpu sübo xathi küsajelu kepushi eno khagho vechesü aphughi lo ilolu kepushi pano phimini ishi kimtheveni keno akümghapue.

Piyeküsü 18:1

Tithiu I no kungumi kütau lakhi kungugha lono iqi cheghi keu ithulu, pa ye kükagha kije akemi eno pa küvü no ayeghi kuchopu yepüvüve.

Piyeküsü 2:7

Khuu no akini ani keno Aghungu no akukuhouqo lau piakeu chilulo. Khuu no theqhi luni keno Alhou ghutu lo aküxüpu sübo akeu xathi chulu penike I no puloza tsüni.’

2 Peter 3:2

ike nongu ye akimthe tungkupmi no pichho tsükeu eno nonguw apostolmi no Ampeu eno Xakuluu zakütsü pesü tsükeu kümsüchilelu masae,

2 Peter 2:20

Kughengu panoqo no ni Mpeu eno Xakuluu Jisü Khristo ithilu keu vecheo ayeghiqha lo kitiqe keu jeli lono pokaluve kethiu itaghi tipaqo gholo küptshü luve aye, pano ye püzüu atüghü lo nguno ashekhalau no alhoksa shikitheve cheni.

2 Peter 1:11

Kughengu hitoi shikeu lono nongu pelo ni Mpeu eno Xakuluu Jisü Khristow lhokta yekipe lo ilolu penike nongu ghenguno akulaghi ililai shi khaqhitsü nani.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

IBRIMI 10:32

Ikemu wovekeu ghuloki lo nongu no aküvü ithuluve kethiu kishi kutuokutuu aghime kitikhi puqhe keno kümsü julo,

Titus 3:4

Ikemu kughou ni Xakuluu Alhouw akivi eno iqemokeu kikimiye ipeghi keno,

Titus 2:13

tino ni Lhou akijeu eno Xakuluu Jisü Khristo ajuküvü lono ipeghini keu khekuto akelo niw kükümgha lajupu ke.

2 Thes. 2:8

Tishino ayezah heküxau pephe nani, ikemu Ampeu Jisü ipeghi kelono Pa kichi lo atuthu huno pa pithive nani eno pa ye kiumu kumove nani.

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Galatiami 5:4

Nongu khunoqo ayezah vecheo achipikani ye pükapütsa ani keno, nongu ye Khristo launo kütüta shivae; nongu ye küpükini lono ikiqivae.

2 Kor. 5:4

Kughengu nino hipa phiki lo ake thaqhü loye amakho xapu igha acheni—ti ye ayeghi lo phimpi pheve nishi kelauno kumoe, ikemu kungughalo phimpi alau pepunishi kelauno ke, tishikeu lono akithipu huye aküxüpu no munove peniye ke.

1 Kor. 4:5

Tighenguno ado tomphi züuno eno Ampeu no ighi mphi lono küghathabe kevilo. Pa no aküzü lo küsü püakeqo aküvü lo süipeghi nani eno amlo lo kümsüpu akeu lhaphe piye nani. Tileno pütüta müzülo Alhou launo sheqhe kepu ithulu nani.

Rommi 6:6

Ningu no ithi anino ni lhoaye aqau ye Khristo gholo no yedavae, tishianguno axine phimpi ye kütsave no tithiu ye axine qüaxemi shikithe pemo niye ke.

Rommi 3:31

Tishi aye, ningu ye aküpülü hipau pesü Ayezah pishiqhove tsü ani kea? Kiu gholau nomu kumoe! Tike kumo ninguu no Ayezah iqhikumto cheni.

Apostolmi 13:23

Alhou no piqhi püake toi David lagha lono Israelmi ghenguno Xakuluu Jisü saghi ke.

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

John 20:31

ikemu hipaqo yepüa keu ye nongu pelo Jisü ye Khristo, Alhou Nu, kepi pülülu peniye, eno pülülu keu vecheo Pa je lono aküxü apeniye ke.

John 5:40

ikeghi nongu ye aküxüpu ithuluni ke I lau ighi chemoe.

John 4:42

Panongu no atotiu vilo pi, “Nono pike ghengu likhino ningu ye pülü anike kumovae, kughengu ningu ampi no pa no pikeu chiluvae, eno kuchou no Pa ye ayeghilomi Xakuluu kepi nino ithivae.”

John 1:9

Aküvü kuchou khikhi timi kümtsü yepüvü cheni keno tipau ayeghi lo ighi niye shiae.

Luke 13:7

Pa no akümlau vilo pi, ‘Julepi, I no ampe küthü kutolo mububo hipau lo axathi aghini kemo keno ju ighiva kemu lakhimu ithumlavae. Tighenguno yeqhive lo! Kushiye hi no ayeghi vekha apeni kea?’

Luke 11:36

Tishiaye, o phimpi lo aküzü kitilamu kühano aküvü no chhitoi aghi aye, akulu küiqü kelo aküvü o tsüche ketoi, o phimpi kuchopu vüqai yepüvülu nani.”

Luke 2:11

Kughengu ishi tsala lono nongu lau Xakuluu, khuu Khristo Ampeu keno, David phughi lono punuvae.

ISAIAH 45:21

Sheshu no no chipiu tsa pilo; panongu dolo kighinikile pelo! Khuu no asheazü shi pikea? Khuu no khaghino sheshu kea? Ti ye Ni Ampeu noke kumo? I nguno alhou kütau kühae; I nguno amikucho Lhou eno Xakuluu khumu kühae.

ISAIAH 45:15

Kuchou No ye Alhou, No ampi küghütshü chekeu, O Xakuluu, Israel Lhou.

ISAIAH 43:3

Kughengu ni ye Ampeu o Lhou, Israel Lhou akimtheu, o Xakuluu ke. I no o xaphe nike Egypt pheve ani; Cush ngo Seba pesü o theli lo tsüve ani.

1 John 4:14

Ningu no ithulu no ashepe shi anike Apu no Pa Nu pesü ayeghiqha Xakuluu shipeniye puwue.

2 Peter 1:1

Jisü Khristo qeu eno apostol, Simeon Peter no, Ni Lhou eno ni Xakuluu Jisü Khristo mikucho lono khunono ni sasü kümghülu ghi aküpülü ye ithuluve akeno panoqo lau ye ani:

Piyeküsü 20:14

Tishino Akithi ngo Kithigha küma ye amiyizü lo vesüve. Amiyizü hipau no akithi akiniu ke.

2 Tim. 1:8

Tishiaye, ni Mpeu shepe shinike ghenguno kujomza kevilo momu pa ghenguno I no akughushi akeu jupe kujomza kevilo, ikemu atsakiviu ghenguno aghime shikeu lo Alhou küka kumto lono asaje lulo,

2 Tim. 4:1

Alhou eno Khristo Jisü khuu no küxümi ngo kithimi shou küghaküthau shinani keno, pama zülono eno Khristo pephe piye keu ngo pa kükaqha zülono, I no o hakite ani:

2 Tim. 4:8

Hinguno hilau ye I ghenguno tokulu saxü amikucho kütsükuqho ani, ti ye achipiu xaküthau Ampeu no tipa Tsala lono I tsü nani, eno I likhi kumono pa ikighi kimiye chekemi kümtsü tsü nani.