2 Thes. 2:14 - Sumi Naga CL (Re-edited) Bible (BSI)

¹⁴ Ningu tsakiviu vecheo hipau lo nongu kulue, tishikeu lono nongu pelo ni Mpeu Jisü Khristo juküvü ithulu peniye ke.

BAIBEL (BSI)

¹⁴ Ninguno atsakiviu pesu nongu vilo asheshukeu vechewo Alhou no hipaulo nongu kuluvae, tishianguno nonguye ningu Mpeu Jisu Khristo kimthe jukuvu alupeniyeke.

Sümi Tiqhelimi Bible

¹⁴ Ningu no atsakiviu küsaje keu hipau lo pa no nongu kulù ke, tishi keu lono nongu ghí ningu Mpeu Jisü Khristo juküvü gholo küsajelu peniye ke.

2 Thes. 2:14 Referans Kwoze

1 Thes. 2:12

Alhou khuu no Pa yekipe eno ajuküvü lo nongu kuluve akeno Pa lau ameküapu shi xü penike nino nongu hakutho eno shikumto ke.

1 Peter 5:10

Nongu no ado kitila imeve kethiu, kikimiye küpükini kümtsü akeu Lhou, Khuu no Khristo vecheo Paw lhokta juküvü lo nongu kuluve akeno, Pa ampi no nongu pesü atho puthotsü, aküpülü iqhikumto tsü, aküka tsükithe, eno aboqha kumto lo shosü nani.

1 Thes. 1:5

kughengu ningu tsakiviu ye atsa likhi kumono aküka, Aghungu Kimthe, eno zükulupu küka lono nongu lau ighi. Nongu kivipu ghenguno nino nongu gholo akelo kishi xü keno nongu no ithi ani.

Rommi 8:17

ike anuli ipi aye, Alhou mheghi kiyighimi, eno tsala ningu no Khristo juküvü ghi küsajeni kehu Pa gholo ime küqha aye, ningu ye Khristo gholo amheghi kiyighimi ke.

Piyeküsü 3:21

Ni ghi theqhilu no I Pu kükalakhü lo Pa sasü iqa ketoi, khuu no theqhi luni keno, I no pa sasü I kükalakhü lo iqani ke puloza tsü nani.

2 Tim. 2:12

nino puqhekulu shi aye, ningu ghi pa gholo ka nani; nino pa milive aye, pa ghi ningu milive nani;

Ephesiami 1:18

nongu mlo lo vethakulupu nhetsü qhino Pa no nongu kulu püakeu lajupu ye kiu, Pa juküvüpu mheghi kinikülüshi küpülümi lau akeu ye kiu keno, nongu no ithi peni;

Rommi 16:25

Itehi ye I tsape, I no Jisü Khristo ghili pikülha chekeu vecheo nongu shikumtokütsü Lhou sheqhe ani; ti ye ado kushuo tuqhou shi küsü püache keu tsa pephe piyeni keu kiqi lono ke,

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

John 17:24

Apu, ni ye Nono khunoqo I tsü keno panoqo pelo Nono I tsükeu juküvü ithulu peni kehu I no khile ani keno I gholo apenishi ani, kughengu Nono ayeghiqha boqha ghomphi lono I kimiye ke.

John 17:22

Nono ajuküvü I tsükeu I no panoqo tsüvae, tishianguno nikujo no lakhi ketoi panongu ghi lakhi shipeni,

MATTHEW 25:21

Pa mpeu no pi, ‘Aghile shivae, akivi eno pükhübekulu qeu; no ye kitila lomu pükhübekulu shike I no o pelo kutomo shou ampeu shipeni. O mpeu lokivi gholo sülo.’

LESHELE 16:11

Nono aküxüpu laghi I pelo ithilupe; O zülo alokivi no chhitoi ani; O u ajeu ye pülhapuju alokiqi acheni.

Piyeküsü 21:23

Aphughi ye tipau shou yepüvü kepu khetsünhe momu aqhi mu avehupu shimoe, kughengu Alhou juküvü no yepüvü ae, eno Ambeti no tipau kulubo ke.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;