2 Thes. 2:10 - Sumi Naga CL (Re-edited) Bible (BSI)

¹⁰ eno kixikila pishikiqhi jeli pesü pühave niye akemi pishiqhi nani, kughengu panongu no kuchou kimiye no xaluve peni keu milive ke.

BAIBEL (BSI)

¹⁰ eno alhoksa pishikiqhi jeli kutomo pesu puhavenikemiqo shou shipiye nani kughengu panongu xaluve kepushi akeu kuchou hu ikhilumo eno kimiyemoe.

Sümi Tiqhelimi Bible

¹⁰ Eno pühave niye shi akemiqo pishiqhive nike ghenguno küsakügha laghi kümtsü peitha nani. Panongu ye pühave nani kughengu panongu no kuchou kimiye no xalu nikeu milive ke.

2 Thes. 2:10 Referans Kwoze

1 Kor. 1:18

Kughengu pühave akemi ghenguno kros tsa ye mbomzüe; ikemu ningu xaluve akemi ghenguno ti ye Alhou kükake.

AHOLE 1:7

Ampeu sükümsa no akighithi hukuthu ke; mbomzümi no alokütsü ngo akükütsütsa jukünatha cheni.

2 Peter 2:12

Ikemu timi hipaqo ye akükümsü küha keu tüghashiqo paphishi sü-i khavi kiukiu mu shive chekeqo, küghape pithiveni keu kimji lono püxü püani, eno kiumu mthamithe keu vehu lo ghi pano no thaigha cheni kehu hi kümtsü pesü kütsave nani,

1 Kor. 16:22

Timi khuu no Ampeu kimiye keu küha keno, pa ye angusüpu shipeni. Ighilo, ni Mpeu!

Rommi 16:18

Kughengu titoi keqo ye ni Mpeu Khristo huthu amoe, ikemu pano kive kiqe ghenguno ke, pano ye jumghai shino alatsa pesü kivi-küsa mtha kemi pishiqhi cheni.

2 Kor. 11:15

Tishiaye pa qemiqo no amikucho qemi ghilishi akeu ye akichiqhi akepu kühae. Ashekha lono panongu kümla qhemi ajume ithulu nani.

AHOLE 8:17

Khunono I kimiye cheni keno I no tipaqo kimiye, khunono aghüiloqhiyi I phuni keno pano no I phulu nani.

1 Tim. 2:4

Pa ye timi kümtsü pelo xaluve eno kuchou ithi penishi ke.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Kor. 2:15

Kughengu khunoqo xaluve ani eno pühave ani keno, tipaqo gholo ningu ye Alhou lau Khristo xokütsüngü ke,

Rommi 10:1

Athiküzümiqo, I mlo no laju eno I kighini Alhou lau akeu ye niw timi Israelmi pelo xaluve penishie.

Rommi 6:17

Ikemu Alhou shikimthi akeu ye nongu khunoqo ghuthu lakhi lo axine qüaxemi shi ache keno, itehi ye nonguu no amlo lono ipeghi püzü agholuqhiyi akükütsü tsa nongu lau apasü shi shikave keu ikhiluvae,

John 5:34

I no ashepe ithulu keu ye timi launo ke piamoe, ikemu nongu xalu peniye ni ye hipaqo piani.

John 3:17

Kughengu Alhou ye ayeghi lomi shou küghathabeni ye Pa Nu puwuke kumoe, ikemu Pa vecheo ayeghi lomi xalu niye ke.

2 Peter 2:18

Kughengu mbomzüshi ighale atsa pikeu lono panongu no ashi lo ngosükümla xine pesü alhoksami launo pokaluni ke akushukulu ipeche keqo müsü sailove cheni.

IBRIMI 3:13

Ikemu “Ishi tsala” ipi ake tivilo nongu ye tsalakipetsü lakhino lakhi shikumto kilelo, tishianguno pishikiqhi xine pelo khuu mlo mu shikümkave pemonie.

1 Thes. 2:16

ningu pelo Jewkumomi xalu pemo nike atsakiviu pinikeu lakha, tishikeu lono alhokuthu pano xine qhepuku ke. Ikemu ashekha lo Alhou loghu pano shou ikughive.

2 Kor. 11:13

Kughengu timi titoi keqo ye kichile apostolmiqo, pishikiqhi kümlami, Khristow apostolmi ghilishi chekeqo ke.

MATTHEW 13:11

Pa no khochile, “Kungugha yekipe tuqhou ithi penike nongu lau tsüvae, ikemu panoqo lau ye tsümphi.

2 Thes. 2:12

tishikeu lono khunono kuchou pülümo no amikuchokumo lo aghakiqi shi cheni keno kümtsü kileve nani.

2 Thes. 2:13

Ikemu Ampeu no kimiye kichemi athiküzümiqo, ningu ye nongu ghenguno alhokuthu Alhou shikimthi masae, kughengu Aghungu no shikimthe tsü eno kuchou shou pülülu keu vecheo Alhou no nongu xalu niye amsüu xathi shi kishelue.