2 Peter 3:11 - Sumi Naga CL (Re-edited) Bible (BSI)

¹¹ Thokha kümtsü hitoi pühaveni keu shiani aye, nongu ye kiu toi akimthe eno Alhou ithitoi shimasa keno ithilo,

BAIBEL (BSI)

¹¹ Tishiaye hipaqo thime kumtsu hitoi shipuzu puhave nikeu shiani aye, nonguye kiutoikemi shikepu keno ithilo.

Sümi Tiqhelimi Bible

^11-12 Thime kümtsü hipau ghola lono kütsakungove nani ke ghenguno, nongu ye kiutoi kemi timi shi aghí moayesa kea? Nongu no khekulhoshi Alhou tsalà ighi niye akeu khe ake dolo nongu ye akimthe eno Alhou sümsa keu küxü xü moayesa ke. Atsala tipau lo ye ami no atsütsǘ lo akeqo pitive no shipühave nani, eno thime jeliqo ye akülǘ no pitikümlave nani.

2 Peter 3:11 Referans Kwoze

1 Peter 1:15

ikemu Khuu no nongu kulu keno Pa no akimthe ketoi nongu süqesüli kümtsü lo nongu ghi akimthe shilo,

FILIPIAMI 1:27

Akhotou ye hike, nongu xüghola ye Khristo tsakiviu gholo aküzüqhiyi kimshilu pelo, tishianguno I no ighi no nongu kujuthulu na monamu, nongu ye amlo akükümsü küthape lakhi shino atsakiviu küpülü ghüshi ghenguno kümtsa akumto shi puthugho anipi ni ye chiluni shi ani

1 Peter 2:12

Alhou mtha kemi gholo nonguw süqesüli ye gihuküzüpu shilo, tishianguno panoqo no nongu ye küsakügha kümlami kepi jeku anamu itaghi nongu kümla kivi ithulupe Alhou no ighike Tsala lo akishe tsülu nani.

2 Peter 3:12

Alhou Tsala khe akelo eno mtazü ighive penishi akelo, nongu ye Pa zülo mqhamqhiyi eno tukutiye kühano xümasae, kughengu tipa tsala lo atsütsü ye pitive nani eno tile akeqo ye ami no piti kümlave nani!

1 Tim. 6:11

Ikemu, no Alhou timi, no ye hipaqo lono polulo. No ye amikucho, Alhou sükümsa, aküpülü, kikimiye, ithamokeu, akümtsha püzülo.

James 3:13

Nongu gholo khuu no alokütsüu eno vethakuluu kea? Pa khuaye kivi vecheo mtshaivü keu lokütsü lono pa kümlaqo pephe piye pelo.

FILIPIAMI 3:20

Ikemu ningu ye kungugha ghakütsami, eno ningu ye Xakuluu, Ampeu Jisü Khristo tilauno ighini keu huqhe cheni,

ISAIAH 34:4

Atsütsü ye kaku toi liküzüve no aqhi ayepu kümtsü hailove nani. Tipaqo ye atsaibo, mububo nipa ighiqi keshi ikiqighive nani.

ISAIAH 14:31

Mloqa lo, O khagho, ighamku lo, O aphughi; Philistiami kümtsü no akümsa lono akhonhe küghalo! Kughengu ahuu no akuqhu phoboi cheae, eno tile anisüu ye lakhimu chemoe.

2 Peter 1:3

Alhou Khuu no Pa kimthe juküvüpu eno akighichepu lo ningu kuphelu keno, Pa kimthe küka huno aküxüpu eno Pa toilu kepu kighithi kümtsü pesü ningu tsüvae;

1 Tim. 6:3

Khuana no akülü kütau shika eno ni Mpeu Jisü Khristo no tsaqüi pikeu tsa ngo Alhou sümsani keu shiküka sasü kiyeqüve aye,

1 Tim. 4:12

Timi khuu pelomu no ye lhothemi kepi o jukünatha pekevilo, ikemu atsapi lo, ghushoghili lo, kikimiye lo, aküpülü lo eno mtsümishei keu küxü lo, küpülümi lau kichekipiye shilo.

MATTHEW 8:27

Pa gholo chekemi no ighono akümzaqhiyi pi, “Hi ye kiutoi kemi keno amülhü ngo azüghi thotsü pa gholu kea?”

LESHELE 75:3

Ayeghi eno tile küxümi kümtsü sükuchoqhi kelo, tipa tsükuchoqo mtotoi ngolupe keu ye I no ke.

LESHELE 50:23

Khuu no shikimthikütsü pesü akümllagho shi tsüni keno I je süqhe tsü ani; khuu no pa laghi kithikiyi qhini keno I no Alhouw xakulupu piye nani!”

James 1:24

Pa no pa ampi jua püzü wuve kemtsa pa ye kiu toi keno kümsümave cheni.

1 Tim. 3:16

Achineye lo tuqhou ningu no piphe chekeu ye kuchou no kije ke: Pa ye timi phi-ashi shi ighi, Aghungu no ashe petsü, kungumi no ithulu, shiyeqo gholo sheshu püani, ayeghi lono pa pülü, ajuküvü lono pa saikuve.

1 Thes. 1:5

kughengu ningu tsakiviu ye atsa likhi kumono aküka, Aghungu Kimthe, eno zükulupu küka lono nongu lau ighi. Nongu kivipu ghenguno nino nongu gholo akelo kishi xü keno nongu no ithi ani.

1 Tim. 6:6

Ikemu aloqiqhiyi Alhou sükümsa lono xükeu lo ala kije ani,

ISAIAH 24:19

Ayeghi ye qhoi kubopinyivae, ti ye axe-ala kütüta shi sülave no shishe sükuchoqhi anie.

2 Peter 1:6

akighithi gholo alikhi aghasükulu pesü veqalo, eno alikhi aghasükulu gholo kushuo puqhekulu pesü veqalo, kushuo puqhekulu gholo Alhou ithitoi keu pesü veqalo,

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

LESHELE 37:14

Kixikilami no kumlhomi ngo aqüaghami pithive niye eno achipiu shiche kemi ghiqhive niye azütakikihi süjo eno asüzü piqe cheni,

Rommi 13:11

Hinguno alau nongu no ado-ghuloki ithi anino itehi nongu ye züida thughive kepu do ighivae. Kughengu xakulupu ye püzüu ningu no atüghü lo pülülu kelo nguno itehiu no kupunukhoi ighivae.

Rommi 13:12

Tsüküzü ye wove chea; tsüküvü ipecheae. Ikehu ningu aküzü lo kümlaqo peve no aküvü lo ghünanu pepuni nolo.

2 Peter 3:10

Ikemu Ampeu Tsala ye küpkami toi ighi nani, atsütsü ye asütsa kuloghi shi igha no hauve nani, aqhi ayepu ye piti pühave nani, ayeghi eno tipau lo kümla jeli kümtsü aqha zülo pephe nani.