2 Peter 1:9 - Sumi Naga CL (Re-edited) Bible (BSI)

⁹ Kughengu khunono ameküapu hipaqo küha keno pa ye anhetsü ikholo kehu püzüu xine shikimtheve tsükeu pishipuwo ithulu chemoe.

BAIBEL (BSI)

⁹ Ikemu khunono hipaqo kuha keno panoye mamayi puzu kiumu ithumlake eno axine aqauqo launo shikimtheve tsukeu hu kumsumakhave ake.

Sümi Tiqhelimi Bible

⁹ Ikemu khuno no tipaqo küha keno panongu ye jukuchho küha kemi eno anhethi kighichemi ke, panongu ye panonguw wove keu xinéqo lono mitheluvea kepi kümsümave cheni.

2 Peter 1:9 Referans Kwoze

1 John 1:7

Ikemu Pa no aküvü lo ache ketoi ningu ghi aküvü lo cheche aye, ningu ye lakhino lakhi sasü kuposhulu ani eno Pa Nu Jisü ji no axine kümtsü launo ningu shikimthe tsülu ani.

IBRIMI 9:14

Khristo, khuu no lhokta Ghungu vecheo tukutiye kühano Alhou lau pa ampi pephe tsü keno, pa ji ye tinguno alau ningu pelo aküxüpu Lhou huthu peniye akithipu kümla lono niw kiviküsa lotsü shikimthe tsülu nani.

Titus 2:14

Khristo no kixikila kümla kümtsü lono ningu qhüchile lunike Pa küxü tsüve, eno akivi kümla shinike khelho chekemi pesü Pa mheghi shi shikimthe luve.

Ephesiami 5:26

tishianguno azü no qhuke toi pa no atsa pesü akukuhou shikimthe tsü,

Rommi 6:11

Tihutoi, nongu ampi ghi axine küdau ye thive akemu Khristo Jisü gholono Alhou lau xü anipi kihilo.

1 Peter 3:21

Hipau michipu sasü kimghilu ghi pimhe chekeu ye itehi nongu xalu chekeu baptizkishi ke, ti ye aphimpi lono axine qhuqhive keu kumono Jisü Khristow xüchilekulu vecheo Alhou lau kiviküsa lokütsü kivi tsü peniye qhüiniju keu ke.

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

Galatiami 5:6

Kughengu Khristo Jisü küdau ye aphighüyiko ghakeu na ghamo keu namu kihi amoe, ikemu kikimiye vecheo aküpülü lono mlakeu likhino ke.

Luke 18:22

Kughou Jisü no hi chilu keno, pa no pi, “No ye thime lakhino kupu mphi kena. Nono akeu thime kümtsü jepe kumlhomi kijeve tsülo, eno no ye kungugha lo akinikhuki aniae; tishino ighi no I papelo.”

Mark 10:21

Tile Jisü no pa kimiyeqhiyi juno pi, “No ye thime lakhi no mikhe ani: wulo, nono aghi keu kümtsü jepe kumlhomi tsüve lo, eno no ye kungugha lo küakini aniae; tishino I pape ighilo.”

Piyeküsü 3:17

Kughengu no ye anguküsapu, itamjui, akukujopu, aqüaghapu, anhethi iche eno aphikümsa shi animu mtha püzü ishi picheni, Ni ye küakini kütsasa kughuko luvae, eno kiumu avehupu shiamoe.

ACHINE 13:55

Ti qhive kethiu pa no jukuto no akughumho no aju kilimo eno phawomo namu ti ye mithe movae. Akughumho no azüu na athiu aghi namu, anhemgha ti ye pitiveni.