2 Peter 1:17 - Sumi Naga CL (Re-edited) Bible (BSI)

¹⁷ Kughou Apu Alhou no agigihu eno ajuküvü Pa tsü, eno ajuküvüpu kükanguagha sütsa huno, “Hi ye I Nu I qhuu, I mlokiqi Pa lau acheni,” ipi ashepe tsü keno,

BAIBEL (BSI)

¹⁷ Apu Alhou no agigihu eno akimthe jukuvu pa tsu eno Akimthe jukuvu sutsa pa lau piakelo ninguye tilehi ake, “Hiye iNu iqhuuke, niye pa lau ilokiqi shi acheni.”

Sümi Tiqhelimi Bible

¹⁷ Kughou Akükanguagha Juküvü lono pa lau asütsa ighino, “Hiye I Nu, I no kimiye chekeu ke; pa lau I lokiqi acheni,” ishi pi keno tile no pa ye Apù Alhou lau no agigihu eno ajuküvü ithulu ke.

2 Peter 1:17 Referans Kwoze

Mark 9:7

Tile khüngküsü phoighi no panongu küzü luve, eno asütsa lakhi khüngküsü lono ipeghi, “Hi no I Nu I qhuu, pa tsa inilo.”

MATTHEW 17:5

Pa no pi aphi lono julo, vüqai keu khüngküsü no panoqo küzüpho luve eno khüngküsü lono asütsa lakhi no pi; “Hi ye I nu I qhuu, pa lau I mlokiqi acheni; pa tsa inilo.”

MATTHEW 3:17

eno atsütsü lono asütsa lakhi no pi, “I qhuu I Nu, khuu lau I no amlokiqi shicheni keno, hi cheni.”

Luke 3:22

eno Aghungu Kimthe no ashi phimpi lono miqhedu kimihi shi iqighi no pa shou ngove; eno kungugha lono asütsa lakhi ighi, “No ye I Nu I qhuu, O jupe Ni ye amlokiqi shicheni.”

Mark 1:11

Eno atsütsü lono asütsa lakhi ighi, “No ye I qhuu I Nu, O jupe I mloqi cheni.”

MATTHEW 12:18

“I qeu khuu I no kishephe keno I ngulho no jupe amloqi chekeu, I qhuu julo. I no I ghungu pa shou lepukutsü nani, pa no Iw kuchou xakütha pesü shiyeqo lau sheshu nani.

John 3:35

Apu no Anu kimiye eno thokha kümtsü pesü pa u lo süvetsü.

John 5:26

Kughengu Apu no Pa lolo aküxüpu aketoi, Pa no Nu pelo ghi aküxüpu pa lolo apenike tsüvae.

ISAIAH 42:1

Julo, I no süqhe chekeu I qeu, I no kisheluve keu khuu shou I ngulho no alovi cheni keno, I no I ghungu pa shou shepichhivae; eno pa no ashiaye kümtsü lau achipi xakütha süghi nani.

2 John 1:3

Apu Alhou eno Pa Nu Jisü Khristo launo kuchou eno kikimiye lono tsükeu kimiyekini, küpükini, eno aloino keu huno ningu gholo apeniu.

Luke 10:22

I Pu no thokha kümtsü pesü I u lo süve tsüae; Apu likhino thono khumu Anu ye khuu keno mthae, momu Anu, eno khukhumu Pa no piyeni ke kishelu keu likhino thono khumu Apu ye khuu keno mthae.”

2 Kor. 1:3

Ni Mpeu Jisü Khristo papu Alhou, kimiyekini Papu eno alokughuno kütsü Lhou sheqhelo,

2 Kor. 11:31

Ampeu Jisü Papu Alhou khuu alholo akümghapu keno, Pa no ithi anike ni ye miki amoe.

John 17:21

tishianguno No, Apu no I lolo eno I no O lolo aketoi panongu kümtsü lakhi shilu peni, eno panongu ghi nikujo gholo apeni, tishianguno Nono I puwu kepi ayeghiqha no pülülu penie.

Jude 1:1

Jisü Khristo qeu eno James thiküzüu Jude, Alhou no kuluve kemi, Apu Alhouw kikimiye lo akemi, eno Jisü Khristo ghenguno süsho püakemi lau yelu ani:

John 6:27

Pühave kepu chuqupu ghenguno kumono lhokta küxü kutolo akepu chuqupu, khikhi Timi Nu no nongu tsü nani keno, tipau ghenguno mlalo. Kughengu pa shou Apu no amchipu chishidavae.”

John 6:39

Eno I puwu keu pulou ye hike: Pa no itsü keqo lakhimu pühave mono ashekha tsala lono xüputhu niye ke.

John 20:17

Jisü no li vilo pi, “I bu kevilo kughengu ni ye Apu lau iku mphie. Ikemu I thiküzümi lau wuno panoqo vilo pilo, ‘Ni ye I Pu eno nongu Papu lau, I Lhou eno nongu Lhou lau iku cheae.’”

John 10:36

I no, ‘Ni ye Alhou Nu’ ipike ghenguno nongu ye khuu Apu no kishekimthe no ayeghiqha lo puwu keno, pa vilo ‘No ye Alhou thaigha ani,’ ipilu nani keshea?

ISAIAH 53:10

Ikeghi Pa no aghime shikeu ye Ampeu pulou lono ke; Pa no pa pelo ichheime peke; kughou Pa ngulho no shipimive keu ghenguno akümllagho shini keno, Pa ye pa polokiqi ithulu nani; Pa ye axüshu nani; Ampeu pulou no Pa lolo kupukuno shi nani.

John 14:6

Jisü no pa vilo pi, “Ni ye alaghi, kuchou eno aküxü ke, I veche moke loye khunomu Apu lau ighimlae.

John 10:15

Apu no ni ithi eno I no Apu ithi aketoi ke; I no ambeqo ghenguno I küxü pephe tsüve cheni.

MATTHEW 17:3

Tileno Moses ngo Elijah pama no panoqo lau ipeghi eno Jisü sasü küptsa.

John 14:11

Ni ye Apu lolo ani eno Apu no I lolo ani kepi I pülülo, tikumo aye akümla hipaqo ghengu likhi nomu pülülo.

John 6:37

I Pu no I tsükeu kümtsü I lau ighi nani, eno I lau ighi keqo ni ye khilemu hapheve monani.

Rommi 15:6

tishianguno nongu no asütsa lakhi lono ni Mpeu Jisü Khristo Papu Alhou juküvü shilu peni.

MATTHEW 28:19

Tighenguno wulo eno shiye kümtsü pesü I khopemi shitsülo, Apu jeku, Anu jeku, eno Aghungu Kimthe jeku panongu baptiz shitsülo,

John 5:20

Kughengu Apu no Anu kimiye cheni eno Pa ampi no shikeu kümtsü pa piye cheni. Eno nongu pelo akichiqhi penike akümla hinguno akijeu pa piye nani.

IBRIMI 1:3

Pa ye Alhouw phuphushi keu küvü yekibide ke, eno Alhou lhoaye aphiphishi xapu ani, Pa küka lono Atsa huno atsütsü ayeghi kümtsü puqhepe acheni. Axine shikimtheve tsü kethiu Pa ye akiqhe-a lo Akughushuu u ajeu iqave,