2 Kor. 8:23 - Sumi Naga CL (Re-edited) Bible (BSI)

²³ Titus ye I tüna shino nongu vehupu ghenguno I gholo mlaküqha chekemi. Eno ni thiküzüu pama ye Khristo juküvüpu ghenguno akukuhouqo tsapemi ke.

BAIBEL (BSI)

²³ Tito ye nongu ghenguno isasu kuloji kumtsa mla kuqhachekemi ke; eno athikuzumi kutamiqoye Khristo jukuvupu ghenguno akukuhouqono kishepuwukemiqo ke.

Sümi Tiqhelimi Bible

²³ Titus shélo ye, pa ye I sasü kuloji ache kemi eno nongu gholo mülà küqha ache kemi ke; eno ningu thiküzümiqo shélo ye, Khristo juküvüpu ghenguno akukuhouqo no panongu kishepuwu kemiqo ke.

2 Kor. 8:23 Referans Kwoze

FILIPIAMI 2:25

Ni ye I thiküzüu eno I gholo mlakicheu, aghükishiu, nongu tsapeu eno I vehupu lo aghini kishiu, Epaphroditus nongu lau puwu masa kepi kümsü luvae,

Philemon 1:17

Ikehu, ni ye o poshuu kepi nono kihi aghi aye, ni ikhilu aketoi pa ikhilu tsülo.

2 Kor. 8:6

Ikehu ningu no Titus vilo pa no huthuphe ketoi nongu gholo hi küpükini kümla ashehove tsülopi pa hakite ke.

3 John 1:8

Tighenguno ningu ghi kuchou ghenguno mlaküqha chekemi shikulupu shi timi hitoi keqo saphutsü kepue.

Philemon 1:24

tihutoi I gholo kümtsa mla chekemi Mark, Aristarchus, Demas, eno Luke no petha nongu tsü ani.

1 Thes. 2:2

Ikemu nongu no ithi aketoi, Philippi lo ningu ghimeqhi eno akukujopu shi peitha namu aküpüna kitikhi lono nino Alhou lau amlo kumto shino Alhou tsakiviu nongu lau pikülha ke.

Kolosiami 1:7

Nongu no ni qhuu aküsau eno aqeu Epaphras launo ti shikalu ke. Pa ye nongu züqhushi Khristow pükhükulupu qemi

FILIPIAMI 4:3

Iyei, I gholo kicheu pükhükuluu vilo ghi I no pi anike totimi hipama kuphu tsülo, kughengu pama ye Clement ngo I küsami kütami gholo küqhano atsakiviu kümlapu lo I sasü lakhi shi ime cheke, panongu je ye aküxüpu Kaku lo ani.

2 Kor. 12:18

I no Titus vilo wulopi hakite eno pa gholo athiküzüu puwue. Titus ye adokivi luno kiuala ala shiluve keshea? Nikujo ye akükümsü lakhi lono mlake kumo? Nikujo ye apukhune lakhi shike kumo?

2 Kor. 8:19

Tilikhi kumono athiküzüu ye ningu no Alhou juküvü ghenguno eno ni mlokütsü piyeni ke hi küpükini kümla shi akelo ni gholo kicheghüzü shipeniye akukuhouqo no süküsü shivae.

2 Kor. 8:16

Alhou shikimthie, Pa no Titus mlo lo I no nongu ghenguno alomsü chekeu atho sütsü ke.

2 Kor. 7:6

Ikemu amlo hauve kemi shikumto chekeu Lhou no Titus pelo ighilupe keu vecheo ningu shikumto tsü,

Luke 5:10

tipaqo gholo Zebedee nu athiazü kini James ngo John, khuu Simon tüna shiche keno, pama ghi thüghüive. Jisü no Simon vilo pi, “Msa kevilo; itehi ye no ye timiqou phusaghi niae.”

Luke 5:7

Panongu no ashuka kütau lo aqomi akeqo lau ighi no kuphu penike au kihitsü. Panongu no ighi püzü ashuka kinikujo lo chhitoto süve kelo tiküma gha chilive kehu azü alou ilo cheghive.

John 13:16

Kuchou no I no nongu vilo piani, aqeu lakhi ye pa mpeu nguno akijeu kumoe; momu aghinimi ye pa puwu akeu nguno akijeu ke kumoe.

1 Kor. 11:7

Kiptimi ye akütsü shonhapu kepu kumo, kughengu pa ye Alhou julho eno Alhou juküvüpu ke, ikemu totimi ye kiptimi juküvüpu ke.

2 Kor. 8:18

Pa gholono athiküzüu khuu atsakiviu pikülhake ghenguno akukuhou kümtsü lo ajekipi shi acheni keno ningu no pa puwu ani.

2 Kor. 8:22

Pama gholo ni thiküzüu lakhi khuu nino ghuthu kutomo pejuve no amlokütsü shi ithulu keno pa puwu ani, eno itehi pa ye nongu shou pülükibe kije akeu ghenguno alau amlo tsüqhiyi ani.

2 Tim. 4:10

kughengu Demas ye hipa yeghi kimiyeuve püzü I qhive no Thessalonica lo wuvae. Cresens no Galatia lo wuvae eno Titus no Dalmatia lo wuvae.

Titus 1:4

Aqü küpülü kiqi lono I nu kuchou shi chekeu Titus lau: Apu Alhou eno ni Xakuluu Jisü Khristow küpükini eno aloino keu tsü ani.