2 Kor. 7:11 - Sumi Naga CL (Re-edited) Bible (BSI)

¹¹ Alhou küdau no amloghime peitha luve keu no nongu lolo kiu iqüphevetsü akeno julo: nongu kipimi kühakeu piyeni ke alokümsü shikeu, pimive kemi shou axuide keu, alhoksa shou piqepuloi lukeu, khekulho shikeu, amlo tsüqhiyi keu, eno alhoksau ghime keu! Hi kümtsü lo nongu no pimi püamo keu piyevae.

BAIBEL (BSI)

¹¹ Alhou launo nongu mlo ghime kishi peithaluve akeno julo: hino nongu pelo amlo tsushekeu shiveapeke, nonguye kiumu pimi puamokeu mutsuqheyive nike khekulho shipeke. Achipikumomi ghime alo nongu pelo axuidepe, thughuyilupe. kumsulupe, amlo tsulupe eno kutolupeke! Hipau vehulo nonguye pimi puamo kepi alaghi thwokha lono nonguno mutsuqheyi piyevae.

Sümi Tiqhelimi Bible

¹¹ Alhou lau no ighi keu mloghime no nongu lolo kiu lhophetsü keno julo: tiye pulopiniyilu pe, achipi kumomi lau no putosülu pe, achipikumo shive keu lo aghaidelu pe, msàqhiyilu pe, kusholu nishiqhiyilu pe, alomsülu pe, achipiu shipe nike jukutokughoilu pe. Hipau vehu lo nongu ye nolikhi nongu ye pimi püamo kepi alaghi thowkha lono mütsüqhei pìyevae.

2 Kor. 7:11 Referans Kwoze

Rommi 14:18

Ikehu khunono hitoi Khristo qeni keno Alhou zülo ikhikulupu eno timi mlokiqipu shilu ani.

2 Tim. 2:15

Tolukivi thaqhülo no ampi pesü kishekiphe, kujo-ighümo keu kümlau hutoi achipi lono kuchou tsa pepimhe no Alhou zülo piyelo.

2 Kor. 7:7

pa ikighi likhino kumoe ikemu nongu no kishi pa lokughunotsü keno tipa ghengu ghike, eno nongu no kiutoi I sasü kushoni shi, I ghenguno mloqa eno minemighei ani keno pa no ningu vilo pi kelo ni ye alau alovi kitheke.

1 Kor. 5:13

Ashoumi ye Alhou no küghathabe nani. “Küsaküghami ye nongu gholono haphevelo.”

LESHELE 2:11

Msaighü ghi Ampeu qelo, eno khokhoshi alovilo.

Piyeküsü 3:19

I no khunoqo kimiye cheni keno sakiyi eno shikümzü cheni, ikehu aghüthi küxü shino xaidelo.

Jude 1:23

ami lono kütami süxaphepe xalulo; sükümsa shi khami lau kimiyekini piyelo, ikemu ashi pulou lono aphimini lo axine hedave keu ye mithilo.

1 Peter 2:2

Anileshi punu keu ngaqo toi aghungu lo tsüghükhüi keu kichhizü yenishi keu tüghü shilo, tipau vecheo nongu no thuiku xakulupu lo ilolu nani,

1 Peter 1:17

Nongu no Apu Khuu agiju mono kümtsü lau pütüta kümla kiqi lono küghathabe cheni keno Pa lau inikhu acheni aye, now kupokiche küxü tivilo Pa sümsaqhiyi keu süqesüli pepulo,

IBRIMI 4:1

Tighenguno Alhou kulhokiqhi-a lo iloni ke piqhi püakeu tüqhüdo lo ningu msaighüni nolo, tikumo aye kutou milakhi nomu ti tomlave nosae.

Titus 3:8

Akipitsa hi ye ameküapue, ni ye o pelo hipaqo pikichichi apenishi ani, tishikeu lono khunono Alhou pülüluve akeno panongu pelo tsaqüi akümla kivi lo amlotsü penishi ani. Hipaqo ye timi ghenguno akighiche eno ala shikulupu anike.

FILIPIAMI 2:12

Ikehu I no qhuivü chekeqo, nongu no alhokuthu agholu cheke toi, itehi ye I küalo likhino kumono I küküha lou no alau msaqhiyi eno khokhoshi pütüta xakulupu mlaphe lo,

Ephesiami 5:11

Aküzü kümla athi pithimo keu lo chhosü kevilo, tishinike züqhulo tipaqo pesü aküvü lo pephelo.

Ephesiami 4:26

Amloide lo, ikemu tino axine shive kevilo; o mlo kighide lono tsüküzü hasü kevilo,

2 Kor. 13:7

Ikemu nongu pelo akumou shipemo nike nino Alhou vilo inikhu ani—ningu ye pekuju lo toluvae piniye ke kumoe, ikemu nino tomove ketoi aghimu kiu no achipi keno nongu pelo shipeniye ke.

2 Kor. 9:2

kughengu nongu no kutope akeu I no ithi ani, tipau pesü I no Macedoniami vilo Achaiami ye khanikü no kutope anie pi I kijivile pike. Eno nongu zükini no panongu kutomo hakutho luvae.

2 Kor. 7:1

Kimiye chekemiqo, ningu lau pikiqhitsa hipaqo anike ghenguno ni phimpi eno aghungu shipixi chekeu kümtsü shikimtheve no Alhou sükümsa lono akimtheshi kupukülai luni nolo.

2 Kor. 6:4

ikemu Alhou qemi kehu alaghi thokha lo ningu ampi no kichekipiye shicheni: aghime lo, akijiksapu lo, amhekiqi lo shishe puqhekulu shicheni,

2 Kor. 2:6

Timi tikithipu lau aqo akichiu no aghime hipau beve keu no lumkhavae,

1 Kor. 12:25

tishianguno aphimpi lo kijetha keu kühano aphiauqo pelo aphiphi shi lakhino lakhi tuchokile peniye ke.

1 Kor. 5:2

Ikeghi nongu ye akuchhoma shiani! Nongu ye mlo akelau kekumo? Khuu no hikithipu shipüani keno nongu gholono haphevelo.

Rommi 11:20

Itsae. Tipaqo ye pano küpülükumo ghenguno icheve, ikemu nou ye aküpülü lono puthugholue. Ikehu qhezauve kevi, ikemu msaqhiyi lo.

Apostolmi 17:16

Kughou Paul no Athens lo pama huqhe akeno, mishighüna tipau lo ajulho kümlla likhi akeu ithulu no pa ghungu pütaqhive.

John 2:17

Pa khopemi no ishi yepüa keu kümsülu: “O ki ghenguno alokümsü shikeu no I pitipüza nani.”

Mark 3:5

Pa no amlo vimoqhiyi ighowo panoqo juno pano mlo kümka jupe ighono pa mlo pünaqhive, tishino pa no timi hu vilo pi, “O u xachholo.” Timi huno pa u xachho, eno ti ye kuchou no athoputho luve.

DANIEL 6:14

Kughou akükau no atsa hipaqo chilu keno, pa ye ighono amloksa shive eno pa lolo Daniel xaphe lunike kutove. Eno khetsünhe ilo moke kutolo pükapütsa ae.

ISAIAH 66:2

Hi kümtsü I u no mlake, tishino thokha kuchopu aghive, ipi Ampeu no sheshu. Ikemu Ni ye timi hitoi keu lau I mloqi nani: aqhokighemi eno aghungu lono xaide kemi eno I tsa sümsa chekemi.

ISAIAH 26:8

O Ampeu, Ow küghakütha laghi lono nino O laju khe ani; O je eno O kümsüchilelu keu no ni ngulho no mine chekeu ke.

ALE KIMCHI 8:6

I küghape o mlo eno o u lo amchipu shivelo, kughengu kikimiye ye akithi toi akumto, anhekushu ye akumokilive toi ayiküsae. Tipau mi ye Ampeu mi toi shishe müghake.

AHOLE 28:14

Alhokuthu Ampeu sümsa chekemi ye akümghapue, ikemu amlo kümkami ye küsakusho lo ikiqive nani.

AHOLE 14:16

Alokütsümi ye tsükhüi shi alhoksa lono tsüghüve cheni, ikemu mbomzümi ye lolhülo eno jukuto chemoe.

LESHELE 145:19

Pa sümsa chekemi no kümsü pulo keu shikupu tsücheni; Pa no pano sütsa chilu no xalu cheni.

LESHELE 130:6

aghukhemi no tsükutho ngokhe keu nguno alau aghukhemi no tsükutho ngokhe keu nguno alau I ngulho no Ampeu khe ani.

LESHELE 119:139

I xukighide no I pitipüzaqhi, kughengu I ghümi no O tsa kümsümave ke.

LESHELE 69:9

Kughengu O ki ghenguno müamzü keu no I pitipüza, O thogha kemiw thokügha no I shou ikughivae.

LESHELE 42:1

Ashe no atuthu küha aghokiti zü phuche keshi, I ngulho no atuthu küha O phucheni, O Alhou.

LESHELE 38:9

O Ampeu, I no laju akeu kümtsü O zülo ani; O launo I mlo ghime küsüve moe.

LESHELE 35:13

Ikemu ni ye, kughou panongu no küsükini shi akeno, I no yeqhiyephi pepuve; I no kükhümzü ni ampi ghime; I no akütsü pishiqhope inikhue.

NEHEMIA 13:25

Ikehu I no tipaqo ighono sakiyi no panongu ghushoqhi, eno khami ye heqhi no asa phivetsü. Tishino I no panongu vilo Alhou je lono ashoqhi shipe, “Nongu ye khilemu nongaqo pesü pano pumi lau küla puwo moni eno nongu nu momu nongu ghi pano ngaqo sasü akibo moni.

2 Kor. 7:9

Ikehu nongu mlo ghujuve ke ghenguno kumono nongu mloghuju lono xaidelu kehu ni ye alovi ani.

JOB 42:6

tighenguno I no ni ampi ju aghaide ani eno ayevu amkhu shi xaideghi anie.”

Rommi 3:5

Ikemu ni mikuchokumo no Alhou chipiu-mikucho mtsümishei piyelu cheghi aye, ningu ye kiu pinia? Alhou no ni shou aloghu pukuni keu ye achipi kumoe pi nanio? (Ni ye timi gholau no pi anike.)

1 Thes. 4:6

tishianguno hipa vehulo khunomu akumou lono pa thiküzümi pimimo nani, kughengu nino azüu no tsaqüi nongu kütüve ketoi hi kümtsü lo Ampeu no amkhülu nani.

1 Tim. 5:20

Khunono axine lo acheni keno, mishi zülono sakiyi lo, tishianguno kütami no msave nani.

James 3:17

Ikemu kunguu no ighikeu lokütsü ye atüghüu no mqhamqhi keu, tishino alakishi, ivünhei, ikhilu kile keu, akipimi qhikütsü likhi keu eno axathi kivi, agikuju küha no tsaqütsalei keu ke.