2 Kor. 4:9 - Sumi Naga CL (Re-edited) Bible (BSI)

⁹ shikighime cheni ikemu pheve chemoe; hekuluqhi ikemu kütsave chemoe;

BAIBEL (BSI)

⁹ ningu shikighimeqhike ikemu Alhou ye ningu phevemoe; eno ningu hekuluqhike ikemu pithivemoe.

Sümi Tiqhelimi Bible

⁹ pishi-pujuqhi ke, ikemu nilikhi qhivemoe; hekuluqhi ke, ikemu kütsaqhivemoe.

2 Kor. 4:9 Referans Kwoze

ISAIAH 43:2

Kughou nono azüghi katha wuni keno I no o gholo anani; nono aghoki katha kelo, tino no yipe wuvemo nani; kughou nono ami katha wuni keno o pitive monani; ami mili ye o pitiqhi monani.

MICAH 7:8

I shou alovi akevilo, O I ghümi; kughou I no ikiqiveni keno, ni ye ithughive nani; kughou I no aküzü lo ani keno, Ampeu no I küvü shi nani.

AHOLE 24:16

kughengu kuchomi ye ghuthu tsüni ikiqive namu ithuve nani ikemu kixikilami ye küsakusho lono ikiqive nani.

LESHELE 42:11

O I ngulho, kushiye aghüthisü eno I lolo pütaqhi ani kea? Alhou lau pükhülo; kughengu ni ye itaghi Pa sheqhe nani, I xakuluu eno I Lhou.

IBRIMI 13:5

Pisa kimne lono o küxü putosü lulo, eno nono kiu ani keno o ghakiqi shilo, kughengu Alhou no pi, “Ni ye khilemu o qhivemo, momu o phevemo nani.”

2 Kor. 7:6

Ikemu amlo hauve kemi shikumto chekeu Lhou no Titus pelo ighilupe keu vecheo ningu shikumto tsü,

ISAIAH 62:4

Hinguno hilau no ye Pheve kemi ipi kumo nani, eno nongu ghakhu ye khilemu Pighive keu ipi kumae, ikemu o pesü ishi pinani, I züküvü ye li shou ani, eno o ghakhu ye külakupu shiluvae; kughengu Ampeu no o lau amloqi ani, eno Pa no o ghakhu ye külauvepe nani.

LESHELE 9:10

Khunono O je ithi ani keno pano no O pükhübe cheni, kughengu, O Ampeu, No ye O phuche kemi pheve chemoe.

John 15:20

I no nongu vilo pikeu tsa kümsü lulo: ‘Aqemi ye pa mpeu nguno akijeu kumoe.’ Panongu no I pishipuju aye, nongu ghi pishipuju nani. Panongu no I tsa pelu aye, nongu tsa ghi pelu nani.

LESHELE 42:5

O I ngulho, kushiye aghüthisü eno I lolo pütaqhi ani kea? Alhou pükhü lo; kughengu ni ye itaghi Pa sheqhe nani, I xakuluu

LESHELE 37:28

Kughengu Ampeu ye kuchou xakütha kimiye cheni; Pa ye Paw timi phevemo nani. Panongu ye alholo püxü püacheni, ikemu kixikilami tianuli ye ikhive nani.

LESHELE 22:1

I Lhou, I Lhou, No ye kushiye I qhive akea? Kushiye I xaluni keu, I ghime lono putosüve ani kea?

JOB 22:29

Timi sünheqhi kelo nono picheni, ‘Ti ye aqheküza ghengunoe’, ikemu Pa ye aqhokighemi xalu chenie.

LESHELE 129:2

“I lhothe lono panongu no shishe I ghime ighivae, ikeghi panongu ye I theqhilu mphie.

HABAKUK 3:17

Mububo no pumove namu, atsaibo lo axathi kühave namu, olivebo no pithi move na, aluza lo achuqupu ipeghi move namu, ambeloji no aqo gholono kühave, amishi kilo lhoxü kühave namu,

Rommi 8:35

Khuu no Khristo kikimiye lono ningu küghüxalu nani kea? Aghime kitikhi no keo, kijiküpsa no keo, shikimighi keu no keo, püqümiye no keo, aphikümsa no keo, akümsapu no keo, azütakikihi no kea?

2 Tim. 3:12

Kuchou no Khristo gholo xükimepe Alhou sükümsa küxü xünishi kemi kümtsü shikimighi nani;