2 Kor. 4:5 - Sumi Naga CL (Re-edited) Bible (BSI)

⁵ Kughengu ningu ye ningu ampi sheshu chenike kumoe ikemu Jisü Khristo ye Ampeu kepi sheshu cheni eno Jisü ghenguno nongu qemi shi acheni.

BAIBEL (BSI)

⁵ Kughengu ninguye nilikhi ni suqhekeu sheshu chemoe; ninguno Jisu Khristo ye Ampeu ke eno ninguye Jisu je ghenguno nongu qemi kepi asheshu cheni.

Sümi Tiqhelimi Bible

⁵ Kughengu ningu ye nilikhi nighili pesü kütsü chemoe ikemu Jisü Khristo ye Ampeu kepi kütsü cheni, eno ningu ye Jisü je ghenguno nongu qemi shi acheni.

2 Kor. 4:5 Referans Kwoze

2 Kor. 1:24

Nino nongu küpülü qhasüpe anike kumoe, ikemu nongu lokivipu ghenguno nino nongu sasü mlaitha cheni, kughengu nongu ye aküpülü lo mtotoi acheni ke.

1 Kor. 1:23

ikemu ningu no Khristo yedave keu kütsü cheni, ti ye Jewmi ghenguno apukhu küpsüpu eno Jewkumomi ghenguno mbomzü vehu,

Galatiami 5:13

Kughengu athiküzümiqo, nongu ye kuqhopheve keu küxü lo kuluvae. Ikemu nongu no ililaive keu dokivi pesü ashi pulou shi kevilo, ikemu kikimiye lono lakhino lakhi huthu kilelo.

FILIPIAMI 2:11

eno Apu Alhou jekipipu shi kümtsü kichi lono Jisü Khristo ye Ampeu kepi piphe nani.

FILIPIAMI 1:15

Khami ye anhekushu eno kitighekile keu lono Khristo sheshu cheni, ikemu khamiu ye achipiu mlo xapu sheshu cheni.

2 Peter 2:3

Eno pano lakimne lono akimki tsa pesü nongu launo ala shinike mqüqhi nani. Khaghi nomu panongu kipimi ye xüthilei püatsü aphi, eno pano kütsave kepu ye kike püaphie.

Titus 1:11

Panongu hasüve masae, kughengu panongu no kuchokumo lono ala shiniye shikamo kepu pesü akibo kümtsü xukutho ani.

2 Tim. 2:10

Tighenguno ni ye Alhouw kishekiphemi ghenguno thokha puqhe luvetsü ani, tishianguno panongu ghi Khristo Jisü launo lhokta juküvü gholo xakulu ithulu peniye ke.

1 Kor. 12:3

Tighenguno ni ye nongu pelo ithi penishi ani, Alhou Ghungu lono atsa pi kemi khunomu, “Jisü ye müsüinivae!” ipi chemoe eno khunomu Aghungu Kimthe no sachemo aye, “Jisü ye Ampeu” ipi mlae.

1 Kor. 8:6

ikeghi ningu ghenguno Alhou ye lakhi likhi, Pa ye Apu, thokha Pa launo ighi eno Pa ghenguno ningu ye xüani, eno Ampeu lakhi likhi, Pa ye Jisü Khristo, Pa vecheo thokha ani eno Pa vecheo ningu ye xüani.

1 Kor. 2:2

Kughengu ni ye nongu gholo Jisü Khristo eno Pa yedave keu nguno kütau ye kiumu ithimo nike xathave.

Apostolmi 10:36

Atsa khikhi Pa no Israelmi lau puwu keno, ti ye Jisü Khristo vecheo aloino keu tsakiviu pesü sheshu keu nongu no ithi ani (Pa ye kümtsü Mpeu ke).

Apostolmi 5:31

Alhou no pa pesü Sakipheu eno Xakuluu shi Pa u ajeu süqhepe qhino Israelmi pelo xaidelu no axine qhikütsü ithulu peniye ke.

Apostolmi 2:36

Tighenguno Israel kibolomi kümtsü no mtsüqhei ithilo, Jisü khuu nongu no yedave keno, Alhou no pa pesü Ampeu eno Khristo kinikujo shive tsüae.”

John 7:18

Khuu no pa kükagha lono pini keno pa jekipipu phucheni. Ikemu khuu no pa puwu keu jekipipu phuni keno, pa no kuchou eno pa lau ye kichile kühae.

MATTHEW 23:8

Ikemu nongu ye shikükau lakhi ani kehu nongu pesü rabbi ipi kelau kumono kümtsü athiküzümi ke.

MATTHEW 3:11

“Aküxü xaide penike I no azü pesü nongu baptiz shitsüe, ikemu I thiu khuu cheni keno, pa no I nguno akumtou, eno pa pukhukuqho mu ni ye peküzüpu kumoe. Pa no Aghungu Kimthe eno ami pesü nongu baptiz shitsü nani.

2 Kor. 1:19

Alhou Nu Jisü Khristo khuu Silas, Timothy, eno ni küthü no nongu lau sheshu keno, Pa ye Iyei eno Moe kühae, ikemu Pa gholo ye alhokuthu Iyei ke.

1 Kor. 15:47

Timi atüghüu ye ayeghimkhu no lhoke; Timi akiniu ye kungugha lono ighie.

1 Kor. 10:33

ni ghi I no mlakeu thokha lo kümtsü pulou shinike pükapütsa cheni, ni ye I kivipu phumo no kutomo kivipu phu acheni, tishikeu lono panongu xalu niye ke.

1 Kor. 4:15

Kughengu nongu no Khristo küdau no lapiyemi kihikhakümla aghimu nongu ye apu kutomo kühae. Kughengu atsakiviu vecheo I no Khristo küdau no nongu papu shilue.