2 Kor. 4:3 - Sumi Naga CL (Re-edited) Bible (BSI)

³ Tsala ningu tsakiviu no nha püaghi namu, ti ye khunoqo pühauve chea keno tipaqo lau likhi küsüve ake.

BAIBEL (BSI)

³ Kughengu atsakiviu hu kusuluve namu tiye khunoqomi puhaveno ani keno tipaqo lau likhino kusuluve ake.

Sümi Tiqhelimi Bible

³ Eno tsalá ningu no kütsü chekeu tsakiviu küzüve aghí namu, tiye pühave akemiqo ghenguno küzüve anike.

2 Kor. 4:3 Referans Kwoze

2 Kor. 3:14

Ikemu panongu kükümsü ye shikümkave, kughengu ishi kutolo kughou panongu no Puloshoqhi Aqau phini keno, agi künhaphi tipau ye lhaphe mphie, kughengu Khristo vecheo likhino aphi hu ikhiluve nani.

1 Kor. 1:18

Kughengu pühave akemi ghenguno kros tsa ye mbomzüe; ikemu ningu xaluve akemi ghenguno ti ye Alhou kükake.

MATTHEW 11:25

Tipa tüqhüdo lo Jisü no pi, “Apuo, kungugha eno ayeghi Mpeu, I no O shikimthi ani, kughengu nono thime hipaqo pesü ayeghi lo lokütsümi ngo ithikuthu kemi launo küsüve no hi itimi kititiqo lau pephe tsüke;

2 Kor. 4:4

Panongu ghengu ye hipa yeghi lo lhou no pülümokemi mlo kughupove tsüae, tishikeu lono panongu pelo Alhou jukimhiu Khristow ajuküvü tsakiviu küvü ithulu pemo niye ke.

Rommi 2:16

I no atsakiviu pikülha chekeu kiqilo, kughou Alhou no Khristo Jisü vecheo timiw tuqhou jeli shou küghathabeni keno, tipa tsala lo hitoi shi nani.

1 Tim. 1:11

ti ye akümghapu Lhou juküvü lono Atsakiviu khikhi I lau pichebe püani keno, tipau kiqi lono ke.

1 Thes. 1:5

kughengu ningu tsakiviu ye atsa likhi kumono aküka, Aghungu Kimthe, eno zükulupu küka lono nongu lau ighi. Nongu kivipu ghenguno nino nongu gholo akelo kishi xü keno nongu no ithi ani.

2 Kor. 2:12

Kughou I no Troas lo Khristo tsakiviu pesü asheshuni ye ighi keno, Ampeu no I ghenguno ahukikha khaqhitsü kemu,

1 Kor. 2:6

Tishimu aküpülü lo tekhoive kemi lau nino alokütsü tsa pesü picheni, ti ye hipa yeghi lo lokütsü momu yepemi hauveni keqo lokütsü kumoe.