Biblia Todo Logo
Bib sou entènèt

- Piblisite -




2 Kor. 3:6 - Sumi Naga CL (Re-edited) Bible (BSI)

6 Pa no ni pelo puloshoqhi akitheu qemi shilupe, ti ye akiye lono kumoe ikemu Aghungu lono ke. Kughengu akiye huye akithi ke ikemu Aghungu no aküxüpu tsü cheni.

Gade chapit la Kopi

BAIBEL (BSI)

6 kughengu pano ningu pelo puloshoqhi akitheu huthukemi shilupeke, tiye yepuakeu-yeh lakhi ke kumoe ikemu Aghungu lonoke. Yepe puakeu yezah no akithi sughi cheni ikemu Aghungu no akuxupu tsu cheni.

Gade chapit la Kopi

Sümi Tiqhelimi Bible

6 Pa no puloshoqhi akitheu lo ningu pesü pichebekümlà shikulupumi shipeke—tiye yèsü lo yèpüa keu lono kumoe ikemu Aghungu lono ke; kughengu aqau puloshoqhi yèsü hu ye akithipu tsü cheni, ikemu akitheu puloshoqhi lo ye Aghungu no aküxüpu tsü cheni.

Gade chapit la Kopi




2 Kor. 3:6
45 Referans Kwoze  

Aküxü tsü chekeu ye Aghungu noke; ashi ye kiumu shimlae. I no nongu vilo pivekeu tsa no aghungu eno aküxüpu ke.


Ikemu Ayezah khikhi ghuthu lakhi lo ningu tsügha püache keno, ti küdau ye thive keu lono itehi ningu ye Ayezah lono kuqhovae, tishi kehu ningu ye aqau laghi, ti ye yepüakeu Yezah, lono kumo püzü aghola kithe, ti ye Aghungu laghi, lono huthu niye ke.


“Julo, Ampeu no sheshu, I no Judah kibo sasü puloshoqhi kithe shini keu tsala cheni,


Kughengu aküxüpu Ghungu yezah huno Khristo Jisü küdau no axine ngo akithi yezah lono nongu kuqhovae.


Nongu ye puloshoqhi akitheu lacheu Jisü lau, eno Abel ji nguno akiviu tsape pikeu shikimthekütsü ji lau ighi ani.


Hi no Jisü pesü puloshoqhi akiviu pepimhe kütsüu shipe ke.


Ikemu panongu kükümsü ye shikümkave, kughengu ishi kutolo kughou panongu no Puloshoqhi Aqau phini keno, agi künhaphi tipau ye lhaphe mphie, kughengu Khristo vecheo likhino aphi hu ikhiluve nani.


Ishi yepüake toi: “Timi atüghüu Adam ye aküxüküa shi lhoke”; ikemu ashekhau Adam ye aküxüküa Ghungu ilhouve.


Kughengu Ayezah vecheo axine shinikeu ithi keke timi ye khunomu Ayezah pelu keu lono Alhou zülo achipikalu monani.


Itehi ye aloinokütsü Lhou, khuu no lhokta puloshoqhi shikeu ji vecheo akithi lono ni Mpeu Jisü, ambekheu akijeu xüputhu keno, Pa no


Titoi panongu no chuve kethiu pa no ajukhu ikhilu no pi, “Ajukhu hipau nongu ghenguno peleve tsü akeu ye I ji lono puloshoqhi kithe shi akeu ke.


Tipaphi lono aghulhu thiu Pa no ajukhu ikhilu no pi, “Ajukhu hipau ye I ji pesü puloshoqhi kithe shikeue. Nongu no hi shoke kümtsü lo I kümsüchilelu ghi hi shilo.”


Pa no panoqo vilo pi, “Tighenguno Ayezah shikükami khuu pesü kungugha yekipe ghenguno qophe luve akeno, pa ye aki mpeu toike. Pa kinikhuki lono thime kiu no akithe eno kiu no aqa keno kümtsü ikhiphelu cheni.”


Kughengu Khristo ghi ni xine ghenguno ghuthu lakhi imeve, ningu sasü Alhou lau ighi niye amikuchou no amikucho kumomi ghenguno imeve, ashi küdau ye pithive kemu aghungu lono xüputhuve,


“‘Khukhumu Ayezah hi kümtsü papemo keu ye müsüinivae.’ Eno timi kümtsü no ‘Amen,’ ipini.


Nono akükütsü hipaqo pesü athiküzümi lau tsülu aye, no ye Khristo Jisü qemi kivi lakhie, ti ye aküpülü tsa ngo akülü kuchou, nono pepimhe chekeu huno o qophe püakeu lono ke.


Alhou no Pa küka I tsükeu vecheo ni ye Paw küpükini gho kiqi lono hipa tsakiviu qemi shilue.


Imaye Ayezah ye Alhouw pikiqhitsa bidelau keo? Khilemu kumoe! Kughengu aküxü ithulu peniye Ayezah tsü püaghi aye, Ayezah vecheo achipikaluni cheke.


Tsala akithi süghi keu kümlapu, ti ye atupha lo atsathi chitha puku keu thotsü ajuküvüpu shi ighi kehu Israelmi ye ado ikhonhei kemu Moses gilo jupuku mlave aghi aye,


Alhou no akukuhou lo hitoi süsü püani: atüghüu no apostolmi, akiniu tungkupmi, aküthüu akükütsümi; tishino akümzapu kümlami, tishino shikipivi gho akemi, akukuphumi, saphekulumi, eno amili jeli lono pikemi.


Imaye Apollos ye kushi kemi eno Paul ye kushi kemi kea? Pama ye aqemi, eno Ampeu no pichetsü ketoi pama vecheo nongu no pülülue.


Kughengu Ayezah no aloghu süghi cheni, ikemu khile Ayezah küha keno, tile ye küqüve kepu ghi kühae.


Kughengu Apu no kithimi xüputhu no aküxü tsü ketoi, Anu ghi aküxü pesü khuno tsünishi keno tsü nani.


Pa no panoqo vilo pi, “Hi ye kutomo ghenguno peleve niye puloshoqhi shikeu I ji ke.


kughengu hi ye timi kutomo xine qhitsü nike peleve keu Iw puloshoqhi ji ke.


Kughengu akipimi kütsü kümlapu lo thotsü ajuküvü aghi aye, achipiu mikucho kümlapu loye tinguno alau ajuküvüpu shimasae.


ti ye ishi yepüake toi, “I no o pelo ashiaye kutomo papu shilupe.” Kithimi xüputhu eno kiumu küha keu lono kümtsü pulhosü keu Lhou—Khuu Abraham no pülüche keno, Pa zülo ningu ye Abraham tianuliqo ke.


Pa vecheo ningu no küpükini eno apostol kümlapu ithulu keu ye Pa je lono shiye kümtsü sasü aküpülü ghokulu lo ighi niye ke,


Aküxüpu tsa khikhi abothu lono acheghi keu ningu no chilu, ni nhethi no ithulu, nino jupukulu eno ni u no buluve akeno, tipau vehu sheshu ani,


Atsakiviu hipau hu pikülha penike I pesü akükütsüu, apostolmi eno shikükau shi süküsü shi,


nino ni xine lo thi akeghi Khristo gholono aküxüpu kughulhove tsü—nongu ye küpükini lono xaluvae—


Alhou no küpükini I tsükeu kiqi lono, aki kishimi shitsami toi I no aboqha qhae, eno kütami no tipau shou shipuku ani. Pütüta no kishi shipuku ani keno kutokughoi lo.


Ghuthu lakhi lo nongu ye akipimi eno axine lo thi ache.


Eno nongu ye Khristo launo ighi keu, ni vecheo pekiye süghi keu yesü ke, akiyezü no kumoe ikemu aküxüpu Lhou Ghungu no yekeu, atulupha lo kumoe ikemu timi mlo lo yepuku keu ke.


Panongu ye Khristo qemi keshea? Niu no akiviue—ni ye izüuve kemi toi pi auvae—panongu nguno niu no alau aghime shipüani, ghuthu kutomo akughu shipüani, pikhakümla kitihe chupüani, eno ghuthu kutomo thiveni cheghi püani.


Hipa gholau no puloshoqhi akitheu tsa pi püzü Alhou no puloshoqhi atüghüu pesü adou shivetsüe. Eno kiu no adou eno aqa shive ani keno ti ye pai hauve nani.


Swiv nou:

Piblisite


Piblisite