2 Kor. 3:16 - Sumi Naga CL (Re-edited) Bible (BSI)

¹⁶ Ikemu kughou milakhi no Ampeu lau tsüghü ighini keno, agi künhaphi ye ikhive cheni.

BAIBEL (BSI)

¹⁶ Ikeghi kuchoyesulo Muse no kiu shikeno tipau ishi pipuani, “Kughokughomu pano Ampeu lau tsughu idewo nikeno agi kusho phi hiye ikhive che.”

Sümi Tiqhelimi Bible

¹⁶ Ikemu kugho-kughomu timi lakhi no Ampeu lau tsüghǜ ighi aye, agikünha phi hu ye ikhive cheni.

2 Kor. 3:16 Referans Kwoze

IPEKULU 34:34

Kugho kughomu Moses no Ampeu pütsa nike Pa zülo ilo kelo pa no ipeghi moke kutolo pa ye agikünha ikhive che. Eno kughou pa no ipe Israelmi vilo azah pa tsükeqo pini keno,

ISAIAH 29:18

Tipa ghuloki lo akinikughupomi no kaku lo akeu tsa chilu eno anhethi iche kemi no aküzü züchiyi keu lono pano nhethi xükhope ithulu nani.

ISAIAH 25:7

Eno ashiaye ngo shiye kümtsü nhape achekeu akithi hu Pa no hipa toghi lono munove nani.

Rommi 11:23

Eno panoqo ghi, panongu no pülükümla lono ipeghive aye, Alhou ye kimekulupu küka ani keke panongu sawo kime kitheve tsü nani.

JEREMIYA 31:34

Khunomu pa kisüghüu vilo eno pa thiküzüu vilo, ‘Ampeu ithilo,’ ipi moae, kughengu panongu dolo akitilau lono akijeu kutolo kümtsü no Ni ithi nani, ipi Ampeu no sheshu. I no panoqo kipimi qhivetsü nani, eno Ni ye panongu xine kümsüchilelu tsümo nani.”

AKUMLO 3:40

Ni laghi phuju no chhejuni nolo, eno Ampeu lau idewonie!

ISAIAH 54:13

O tianuli kümtsü Ampeu no shika nani, eno o tianuli lau alakishi shishe kije tsü nani.

ZAKINIU 30:10

Ikemu nongu ye Ampeu nongu Lhou gholu eno Ayezah Kaku hipau lo Pa zakütsü ngo akhuaye yepüa keqo papelo, eno nongu mlo eno angulho kuchopu pesü Pa lau ideighi lo.

ZAKINIU 4:30

Nongu no shiluküsa lo akelo, eno hithiu hi kümtsü nongu shou ikughive kethiu, nongu no Ampeu nongu Lhou lau ideighi nani eno Pa gholu nani.

2 Kor. 3:15

Iyei, ishi kutolo kughou panongu no Moses Yezah phini keno, agi künhaphi tipau no panongu mlo küzüpe acheni.