2 Kor. 12:7 - Sumi Naga CL (Re-edited) Bible (BSI)

⁷ Ike akümzapu piyeküsü I lau ighikeu pesü I no qhezauve nosa kehu I phimpi lo asahu qhusü tsüe, ti ye Satan ghinimi lakhishi I heqhi peniye, tishianguno I pelo qhezape moniye ke.

BAIBEL (BSI)

⁷ Piyekusu akumzapu jeli ipiyekeu pesu ino qhezauve nosake launo iphi ashilo akusupu lakhi supuatsue, tino Satan ghinimi lakhike eno tino iheqhipeniye eno ipelo ihulo qheza pemoniyeke.

Sümi Tiqhelimi Bible

⁷ Piyeküsü hipaqo akümza kepu shi I pìye keu pesü I no qhezauve nosa kehu I ghimeqhi penike ghenguno I phi-ashi lo aküsüpu lakhi süpüa tsü ani, tiye Satan ghinimi lakhi ke.

2 Kor. 12:7 Referans Kwoze

AKIKIHI 33:55

Ikemu nongu no ayeghi tipau lo küghüna akemi hapupo khamove aye, tile akemi huno nongu nhethi lo amuchhu akeshi eno no jibo lo asahu akeshi pünaqhi nani, eno nongu no akeu ghakhu lo panongu no nongu pünaqhi che nani.

XAKUTHAMI 2:3

Tighenguno itehi I no piani, Ni ye nongu zülono panoqo hapupomo nani ikemu panongu no nongu sahu shipeni eno pano lhouqo no nongu lichhe shive peni.”

Galatiami 4:13

Nongu no ithi anike I philo küsükini akeu ghenguno ni ye atüghüshi nongu lau atsakiviu kütsüe,

DANIEL 5:20

Ikemu kughou pa mlo no qhemghaive eno pa ghungu no mkave no aqheküza shive keno, pa ye pa kükalakhü lono sünheqhive eno pa juküvü ye pa launo ikhiluve.

1 Kor. 5:5

nongu ye timi hipau phiashi kütsave penike ikhiphepe Satan tsüvelo, tishianguno Ampeu tsala lo pa ghungu xalutsü penie.

BOTHUBO 32:31

Pa no pa yiku ghenguno khül khül shi Penuel qhive no wuche kelo khetsünhe ye pa shou ikughive.

JOB 2:7

Ikehu Satan no AMPEU zülono wuve no apiyi küsü lhoksa pesü Job kütsü lono apukhu kutolo qhawove tsü.

1 Tim. 3:6

Pa ye anileshi Khristo chineye lukemi shimoni, tikumo aye pa ye aqheküza lono kumobeive no tüghami gholo küghaküthapu lo ikiqive nani.

YEKIKITHI AKINIU 26:16

Ikemu kughou pa no akumto shive keno, pa ye qhezauve no pa kuluqhive. Pa ye pa Lhou Ampeu lau amikucho shimove eno Ampeu chineki lo tsüngqüi keu kiptia lo piti nike ilove.

ZAKINIU 8:14

tileno nongu lolo aqheküza ikughive no nongu no Egypt lo aqüaxe lo akelono xaphelu keu Ampeu nongu Lhou kümsümave nosake.

BOTHUBO 32:25

Kughou timi huno Jacob mjochile mlave keno, pa no pa yikughi butsü, eno Jacob ye pa sasü kükha akelono pa yikughi süküqüve.

2 Kor. 11:20

Kughengu khuana no nongu pesü aqüaxemi shive, nongu qhasü, nongu shou adokivi luve, nongu jukünatha, momu nongu gilo ghatsü namu, nongu ye kutuulu cheni.

1 Kor. 4:11

Itehi kutolo ningu ye müzüthi tüghüthi ani, ningu ye aphimini küixü pepu, ningu heqhi-buqhi eno kupokichemi shiani,

EZEKEL 28:24

“Eno Israel kibolomi ghengu ye pano kisüghümi khunoqo no küthaküghapu shi pano peitha cheni keno panongu ye ayemhi no qhukepu momu asahu no ghüza kepu kühave nani. Tileno panongu no Ni ye Ampeu Alhou kepi ithi nani.

YEKIKITHI AKINIU 32:31

Ikehu kughou Babylon yepemi lachemi no Hezekiah vilo aghakhu lo amchipu vehu ighiju niye ighi keno, Alhou no Hezekiah peju no pa mlo lo kiu ani keno kümtsü ithi niye pakutoshi qhive.

ZAKINIU 17:20

eno pa mlo ye pa thiküzümi nguno akuchuquu shi kümsümo eno Ampeu no azah tsükeu lono ajeumu piyiumu tsüghüve monani. Pa eno pa kibolomi ye ado kushuo pa kükaqha lo ayepelu nani.

2 Kor. 10:5

Akikighe eno akükümsü qhemghai keu pesü Alhou kighithi lakha chekeu ghuthu ningu no tulavetsü cheni, eno akükümsü kümtsü tshü sawo Khristo gholupe cheni.

Luke 13:16

Imaye Abraham laghami totimi khuu Satan no ampe chighitache tshüpe püache keno, hipau ye Sabbath lono pinamu kuqhopheve kelauke kumo keshea?”

MATTHEW 26:67

Tishino panongu no pa gilo müsü puku eno pa chishiqhi. Khami no pa ghaqhi ghi pi,

JOB 2:6

AMPEU no Satan vilo pi, “Tishiaye pa küxü likhino lutsü moni thono pa pesü o u lo süve tsüae.”

HOSIYA 2:6

Tighenguno I no asahu pesü li laghi putukhave tsüni eno aliwo shipe li lakhave no li ye alaghi ithumlave peni.

MATTHEW 4:10

Tileno Jisü no pa vilo pi, “Chevelo, Satan! Kughengu ishi yepüani, ‘No ye Ampeu o Lhou mlla lo eno pa likhi huthu lo.’”

2 Kor. 10:10

Kughengu khami no picheni, “Paw yesüqo ye mishishei eno mkamghai, ikemu pa ampi ye qeinai eno pa tsapi ye kiumu avehu kühae.”

2 Kor. 12:1

Ni ye aqheküza tsa pini aphi. Tino kiumu ala shimla kemu ni ye Ampeuw kungunhetsü ngo piyeküsü ghili pini aphi.