2 Kor. 11:3 - Sumi Naga CL (Re-edited) Bible (BSI)

³ Ikemu apighi no mqümgha shino Eve pishiqhive ketoi nongu kükümsü ghi mtsümishei eno tsaqütsalei Khristo lau amlotsü chekeu lono saküghüzüve nosake ni ye msa ani.

BAIBEL (BSI)

³ Ikemu apighino muqumugha vesu puzu Eva pishiqhive ketoi nongu kukumsu ghi mutsumishei eno tsaqutsaleyi Khristo lau amlo tsuchekeu launo sakughuzuve nike ino msatsu ani.

Sümi Tiqhelimi Bible

³ Ikemu apighi no muqüijo Eve pishiqhive ketoi nongu kükümsüqo ghí amikucho eno akimthe lono Khristo lau pulopiniyi akeu lau no saküghüzüve tsü kenosaye ni ye msà ani.

2 Kor. 11:3 Referans Kwoze

Kolosiami 2:8

Khristo kükütsü ghola kumono timi süqe kighithi, abokümsa pishikiqhi, timi no pekishe chekeu khuaye momu tsütsü yeghi ghawu no nongu tshüluve pemoni ke jukuto lo.

Galatiami 1:6

Nongu ye mtazü khuu no Khristow küpükini lo nongu kulu keno pa pheve no kütau tsakiviu lo igho wove akeu no I kichiqhivae.

Ephesiami 4:14

tishianguno ningu ye itikütüpa ghi pishikiqhi külü, amqükini, mqümgha kukughu jeli hipaqo mülhü no ningu fusasü izüichoi azüu huju eno athiu woju monani.

Kolosiami 2:4

I no hi pi akeu ye khuu pelomu kighekithi tsa pesü nongu pishiqhive pemonie.

1 John 4:1

Kimiye chekemiqo, aghungu jeli kümtsü pülü kevilo, ikemu tipaqo ye Alhou launo kemo keno ithini ke chhejulo, kughengu ayeghiqha lo kichile tungkupmi kutomo ipeghivae

1 Tim. 2:14

Eno Adam pishiqhi ke kumoe, ikemu atotiu pishiqhive no ayezah hekuphou shiveke.

Piyeküsü 12:9

Dragon kuloghi huye küghape vepiqive, ti ye mulholo pighi, khuu pesü tüghami eno Satan ipi cheni keno, ayeghiqha kuchopu pishikiqhiu—pa küghape paw kungumiqo gholono ayeghi lo vepiqive.

IBRIMI 13:9

Akükütsü jeli paküta keqo no saküghüzüve pekevilo, chine chini chuqupu khuaye no kumono Alhouw küpükini no amlo shikumtolu keu pavi; kughengu aye tipaqo peche kemi ye kiumu ala shi chemoe.

BOTHUBO 3:13

Tileno Ampeu Alhou no totimi vilo pi, “No ye hi ye kiu shive akea?” Totimi huno pi, “Apighi no I pishiqhive, eno ni ye chuveke.”

John 8:44

Nongu ye nongu papu tüghami laumi eno nongu papu gho-apulou shitsüni keu no nongu pulou ke. Pa ye abothu lono ghikiqhiu, eno kuchou küdau aju mphi kughengu pa lolo kuchou kühake. Kughou pa no mikini keno ti ye pa lhoaye kuchou piye ani, kughengu pa ye akimkiu eno akimki kümtsü papu ke.

Galatiami 3:1

O Galatiami mbomzümiqo, khuu no nongu shiküghüzüve kea? Jisü Khristo ye nongu nhethe lono pekipheshi yedave ke.

2 Kor. 1:12

Kughengu ni qheküzapu ye hi ke, ni lolo kiviküsa lotsü no ashepe tsü anike ningu ye ayeghi lo akikhi eno Alhou lau amlo tsüqhiyi shi, ayeghi lo lokütsü lono kumono Alhouw küpükini lono xücheni, eno akhoto no nongu lau tishi acheni.

BOTHUBO 3:4

Ikemu apighi no atotiu vilo pi, “Mtsüqheino nokujo ye thimo nani.

1 John 2:18

Atianuliqo, hi ye ashekhau tüqhüdo ke, eno kichileu Khristo ighini keu nongu no chiluve akehu itehi ye kichileu Khristo kutomo ipeghivae. Tighenguno hi ye ashekhau tüqhüdo kepi nino vethalu ani.

2 Peter 3:17

Ikehu kimiye chekeqo, tishi mphi lono nongu ye hi ithi no kutokupui luvelo, tishianguno nongu ye ayezah heküxami kipimi gholono müsü sawuve no nongu kumto-a lono ikiqive pemo niye ke.

Galatiami 4:11

Ni ye adou lono nongu gholo ime mlache keshela pi msa auvae.

2 Kor. 2:17

Kughengu ningu ye timi kutomo no shiche ketoi, Alhou tsa jekuchumi kumoe, ikemu Alhou zülo amlo tsüqhiyi kemi, Alhou no puwu kemi kehu ningu ye Khristo pulou lono picheni.

2 Peter 3:3

atüghüshi, ashekha tsala loye küthaküghami no ngosükümla xine pape ghi thaigha ighi nani.

2 Tim. 3:13

ikemu alhoksami ngo keghilishi kemi ye kütami pishikiqhi eno pano ampi ghi pishiqhi keu lono alhoksa shikithe nani.

1 Thes. 3:5

Hi ghenguno kughou I no kutuu mlave keno, ni ye ghukujuu no nongu ghuju sawuve no ni kümla adou shive nosa keu kümsa lono nongu küpülü ghili ithini ye Timothy puwuke.

Ephesiami 6:24

Shipüsa mlakeu kikimiye pesü ni Mpeu Jisü Khristo kimiye chekemi kümtsü lau Alhouw küpükini apeniu.

Galatiami 2:4

Kughengu kichile thiküzümi no tuqhou no nino Khristo lau ililai xüakeu lo puju iloghi, tishikeu lono ni sasü akütsügha lo saghini ye shike.

2 Kor. 4:2

Ikemu ningu ye tuqho-tugho eno akukujopu kümla qhikhavae. Ningu ye mqümgha momu Alhou tsa süchighive chemo, ikemu pekiphe shi kuchou ghili pikeu vecheo ningu ye Alhou zülo ningu ampi pesü timiqo kiviküsa lokütsü zülo ikhiphetsü acheni.

MATTHEW 24:24

Kughengu kichile Messiah ngo kichile tungkupmi ipeghi no kishekiphemiu ghi saküghüzüve nike amchipu ngo akümzapu kümla kije shi nani.

Jude 1:4

Kughengu khunomu mthano ake lono Alhou kümthami khami no tuqhouno ningu gholo iloghivae. Panongu ye khaghi no kileqhive nike amichi shipe qhive keqo, ni Lhouw küpükini pesü pano shiaji pulou lo süve no ni Mpeu lakhi likhi akeu Jisü Khristo milive keqo ke.

Titus 1:10

Kughengu hekibidemi kutomo ani, ameküküha tsa kipimi eno pishikiqhimi, akhoto no aphighüyiko kügha mqo ani.

1 Tim. 1:3

I no Macedonia lo wuche kelono o vilo Ephesus lo ngo aghilo pike, kughengu tishikeu vecheo o pelo timi khami no akülü kütau shika akeu lakha peniye,

Kolosiami 2:18

Khunomu nongu kideqhive pekevilo, panongu no alikhi ampi milive no kungumi mlla, kungunhetsü ithukulu, eno akiqi küha keu ashi lo kimne kükümsü küdau hakite sawu cheni,

2 Kor. 11:29

Khuana no miqemlei animu I no miqemlei mono ani keshea? Khuana no ikiqi animu I pitipüza mono ani keshea?

Rommi 12:8

khuu no hakite eno shikumtolu cheni keno, tipau peitha masa; khuu no tsü-jekini mlo ani keno, amlo qhaqhilei shino tsülu masa; khuu no saphekulupu kükagha ani keno, aghüiloqhiyi mla masa; khuu no kimiyekini kümla shicheni keno, aloviqhiyi shimasa.

Piyeküsü 20:2

Eno pa no dragon khuu pesü tüghami eno Satan ipiche keno mulho pighi hu tsüqü luve no ampe qhethonhe ghenguno tsüghape,

LESHELE 119:53

Kixikilami, khunono O yezah pheve keno, tipau mlokighide kumqho huno I tsügha luve.

BOTHUBO 3:1

Ampeu Alhou no aluza lo tüghashi lho keqo kümtsü dolo apighi no amqükiniue. Pa no totimi vilo pi, “Kuchou no Alhou ye nokujo vilo, ‘Nokujo ye aghutu lo kiu sübo lonomu chukevilo’ ipi keshea?”

BOTHUBO 3:20

Timi huno pa nipu je Eve kuvetsü, kughengu li ye aküxüküa kümtsü paza ke.

2 Kor. 11:20

Kughengu khuana no nongu pesü aqüaxemi shive, nongu qhasü, nongu shou adokivi luve, nongu jukünatha, momu nongu gilo ghatsü namu, nongu ye kutuulu cheni.

Ephesiami 4:22

Püzüu küxü ghola ye pishikiqhi no shipüsave akehu alhoaye aqau ye xaqhive penike nongu shikavae;

Piyeküsü 12:15

Apighi no züqozü pesü atotiu yipe wuve peniye pa kichi lono aghoki toi azü qopipe.